احتياطات امنيه قبل الذهاب لغبور( ابو رواش)

لو كنت جايب عربيتك جديدة...
وفرحااااااان بيها....
ولقيت حاجه (او حاجات كتير) مش مبسوط منها فى العربيه وضيعت فرحتك بالعربيه...
طبعا دا عادىىىىىى جدااااا......
لان عربيتك ليها علاقه بغبورررررررر...

انا اشتريت اكسنت وكنت فى الضمان ولقيت العربيه بتترجرج على الاول (قلت اكيد انا مش بعرف اسوق)
روحت لكل الناس الى اعرفهم وخلتهم يسوقوا عربيتى وكل واحد يشوفها يقولى مبروووك اقولوا:خش جرابها وحيات ابوك
المهم روحت لغبور (انا كنت فى صيانه 1000) قولت للمهندس على المشكله
رد و قالى:انت فى الضمان ولا لا؟(ولما عرف انى لسه فالضمان)يا فندم ولا تضايق نفسك خالص دى حاجه عاديه جدااااا...
المشكله كلها ان الدبرياج عايز يبقى عالى شويه ..........
العربيه بقيت ماشيه حلو والمشكله راحت واول مالضمان خلص......رجعت تانى بس ماكانتش لوحدها كان معاها ريحه.
روحت للميكانيكى بتاع المنطقه قالى : ياباشا الدبرياج كان عالى اوى وده اكنك ماشى ومحمل رجلك عليه على طول الاسطوانه اتحرقت بسبب ان ولاد ال.... عملوا كدة علشان يدارو على الاسطوانه التعبانه علشان انت لسه فالضمان فا لازم يغيروووها على حسابهم.......
لميت عيال المنطقه وروحت غبووور شوفت المهندس هو هو (كان الضمان خلص) قالى:انت يافندم لسه فى الضمان؟؟(لا)
قال: حضرتك الاسطوانه محروقه وده لان الدبرياج كان عالى ومحتاج تغير الاسطوانه يعنى هتعدى ال500جنيه والعربيه تبات معانه هنا فى مكان امان وفى ناس بتهتم بيها جدااااا(زجاج مفتوح والعربيه مرميه والتراب مبهدلها ولو احتاجه قطعه غيار مش عندهم مفيش مشكله لو يخدوها من عربيتى...يعنى انا ليا مين اعز من غبور ولو ما مدش ايده ليا هيمدها لمين يعنى ) ....

ربى انى لا اسألك رد القضاء ولكنى اسألك اللطف فيه

أخي الكريم أنا مقدر مشكلتك بس معلش اعزرني , أنا بقالي 3 سنين مع غبور و ماصدفتش أي مشكله من أي نوع , عربيتي في صيانة ال 60 ألف باتت عندهم يومين و استلمتها زي الفل ماكنش فيها أي حاجه , عمري ما رحت الصيانه بمشكله اللا و كانت محلوله و عمر ما حد كدب عليا هناك و ضمانهم حقيقي عن تجربه .. غيرولي شاسيه كرسي السواق بالكامل علي حسابهم في الضمان و غيرولي الكنترول يونيت و حساس الشكمان بالكامل علي حسابهم برده .. أصل غبور مش بيخسر حاجه , أنا اكتشفت ان كل القطع البايظه دي اللي بتتغير في الضمان بتروح علي كوريا و بييجي لغبور غيرها يعني غبور مش بيدفع حاجه من جيبه , يبقي مش من المنطقي انه يضايق العميل , و أنا عن نفسي شايف ان ضمانهم حقيقي و عندهم أمانه فعلا , يكفي انهم لما بيغيروا أي قطعة غيار بيحطلك القطعه القديمه في علبة الجديده و بيسبلك جيركن الزيت بشوية الزيت اللي فاضلين فيه , لا توكيل كيا و لا عز العرب بيعملوا كده خالص ...
أنا أسف بس أنا بقول تجربتي الخاصه مع غبور اللي مازعلنيش ولا مره و اللي أنا شايف ان أعضاء كتير هنا متحاملين عليه زياده عن اللازم مش أكتر ...
تحياتي لك .

الف شكر على ردك بس ده الى حصل معايا واطلب منك لما تروح التوكيل رجاء انظر على العربيات الى مرميه عند صيانه البودى كل دى عربيات بايته علشان تتصلح بس للاسف شكل رميتها كدة وهى متبهدله تزعل وانا واثق انك مش هتلاقى عربيه الزجاج بتاعها مقفول...وشكرا ليك مرة تانيه

لا شكر علي واجب أخي الكريم بس أنا عربيتي اتعمل شغل فيها في الهياكل برده و كانت فعلا برده مرميه كده و الزجاج مفتوح و كان شكلها يقرف , بس هما عارفين برده هما بيعملوا ايه لاني لما جيت أستلمها لقيتها حاجه تانيه خالص , مغسوله و نضيفه و متلمعه من جوه كمان كائنها زيرو .... فانت مالكش دعوه باللي بيحصل جوه , كمان مش مسموح ليك انك تدخل الورشه أصلا و تبص علي عربيتك , انت ليك لما تيجي تستلمها بس و فعلا بتلاقيها نضيفه و زي الفل ....
معلش اذا كنت أنا مخالفك في الرأي بس والله ده اللي حصل معايا بالضبط ...
تحياتي لك ....

ياريت الناس تبطل ...ما كل واحد يدخل يقول مشكله علي اي ماركه
يجي حد يقول دانا عربيتي ذي الفل و غبور ده حيبيبي و مش بيزعلني في حاجه....
يعني بالعقل كده....لما يجوا بيجمعوا العربيات بيبقوا قاصدين يبقي كل العربيات في نفس مشكله التجميه
اكيد لأ يعني.....
انما ده بسبب قله الضمير....شويه تلاقي فيهم مشاكل و شويه كويسين

و هي عربيتك هيونداي ايه يا استاذ galalology؟؟

يا عمرو ،،

أنا عارف انك مش بتحب عربيتك ،،

رغم اني كان نفسي اجيبها ،،

بس للأسف عقبال محوشت الفلوس كانت الإكسنت القديمة بطلت تنزل ،،

فاضطريت اجيب فيرنا

كفاية انها في اخر ايامها كانت نازلة ب 53 الف ،،

و يوم ما هتبيعها و انتا نايم علي السرير هتجيبلك 46 الف

يعني راكب عربية ببلاش

و لحد الآن سابت فراغ كبير في الفئة دي ،،

مفيش عربية سيدان حاليا بالسعر ده

عموما لو عايز تحب عربيتك انزل بورسعيد و شوف التاكسي هناك ايه

و اركبها و اسأل سواقين التاكسي عليها

مع اعترافي انها طبعا مش عربية فظيعة

دي اول عربية بموتور هيونداي بالكامل و ظهرت سنة 95 ،،

يعني من زمان اوي ،،

بس أكيد عربية اكل عيش كويسة ،،

استاذ احمد....
الفكره مش موضوع بحب عربيتي ولا بكرها....
بس الفكره ان في بعض الناس هنا بالمنتدي مقتنعه بأن لما جاب عربيه و مافيهاش مشاكل يبقي التوكيل بتاعها تمام
و ان عربيته دي عسل.....
اللي عايز اوصله للناس ان مش معني فيه توكيل تجميعه مش قد كده....
يبقي لازم يطلع كل العربيات تجميعها وحش....
لأ ممكن واحد يشتري نفس العربيه و تكون تمام و ممكن واحد تاني تطلع معاه مقلب
اعتبرها بطيخه ...لتطلع بطيخه حلوه و طعمها حلو ...لتطلع ارعا و عايزه تترمي في الزباله:)
بس الناس هنا مش مقتنعه بالكلام ده....
يعني اولا المفروض اللي يجيب عربيه جديده مايشوفش التوكيل غير ايام الصيانه بس
مش كل شويه يلاقي حاجه تبوظ و عمال رايح جاي علي التوكيل....
و بعدين نقول بس عربيه تمام
طيب دي لسه جديده...امال بعد 5 سنين هتبقي عامله ازاي
و انا كلامي مش علي هيونداي بس....
كلامي علي جميع التوكيلات اللي تجمعها مش تمام

اقتباس:

---

المشاركة الأصلية كتبت بواسطة 3mr Farrag

استاذ احمد....
الفكره مش موضوع بحب عربيتي ولا بكرها....
بس الفكره ان في بعض الناس هنا بالمنتدي مقتنعه بأن لما جاب عربيه و مافيهاش مشاكل يبقي التوكيل بتاعها تمام
و ان عربيته دي عسل.....
اللي عايز اوصله للناس ان مش معني فيه توكيل تجميعه مش قد كده....
يبقي لازم يطلع كل العربيات تجميعها وحش....
لأ ممكن واحد يشتري نفس العربيه و تكون تمام و ممكن واحد تاني تطلع معاه مقلب
اعتبرها بطيخه ...لتطلع بطيخه حلوه و طعمها حلو ...لتطلع ارعا و عايزه تترمي في الزباله:)
بس الناس هنا مش مقتنعه بالكلام ده....
يعني اولا المفروض اللي يجيب عربيه جديده مايشوفش التوكيل غير ايام الصيانه بس
مش كل شويه يلاقي حاجه تبوظ و عمال رايح جاي علي التوكيل....
و بعدين نقول بس عربيه تمام
طيب دي لسه جديده...امال بعد 5 سنين هتبقي عامله ازاي
و انا كلامي مش علي هيونداي بس....
كلامي علي جميع التوكيلات اللي تجمعها مش تمام

---

كلام مظبوط واتفق معاه تماما
والله يفتح عليك يا عمر

يا جماعه انا محتار غبور كويس ولا وحش

مهو مش معقول كل السمعه دي والاسم ده ويكون بالاهمال ده

اقتباس:

---

المشاركة الأصلية كتبت بواسطة cazanova555

يا جماعه انا محتار غبور كويس ولا وحش

مهو مش معقول كل السمعه دي والاسم ده ويكون بالاهمال ده

---

والله يا أخي أنا قلت التجربه اللي حصلت معايا بدون تزييف أو تغيير و ان كان عليا أنا بنصح كل اللي بقابلهم انهم يبقوا من عملاء غبور , بس حقيقي أنا أول مره أشوف المشاكل دي هنا في المنتدي , أكيد أنا مش بنكرها بس أنا كمان عشان ماصدفتش أي مشكله من أي نوع طول ال 3 سنين فا بس مش مقتنع شويه .....

بالنسبه لأخر أسعار الفيرنا أنا جبتهالك و هتلاقيها في موضوع :
الرد علي استفسارات الاخوه الأعضاء بعد صيانة ال 70000 كيلو .
تحياتي لك .

اقتباس:

---

المشاركة الأصلية كتبت بواسطة cazanova555

يا جماعه انا محتار غبور كويس ولا وحش

مهو مش معقول كل السمعه دي والاسم ده ويكون بالاهمال ده

---

بطيخة يا باشا ،،

انا عندي عربيتين فيرنا ،،

واحدة و لا فيها الهوا ،،

و التانية كان فيها شوية حاجات ،،

بس مقلتش بأصلها معايا ،، يعني كله خلال الصيانات الدورية ،،

عشان كده مش متضايق اوي ،، راضي بنسبة متزيدش عن 65%

و دلوقتي كله كويس

يبقي نصيحتي ،،،

لو تعرف تزود شوية و تجيب حاجة احسن يبقي افضل ،،

عشان تهرب من مشاكل التجميع

عشان نفس الكلام اتقالي قبل ما اشتري ،،

و قلت عادي ايه المشكلة ،،

بس بعد كده عرفت ان الحكاية دي بتبقي مزعجة اوي

لو ما تعرفشي تبقي كويسة

لأن مفيش سيارة افضل منها في حدود سعرها ،،

بس تاخد في اعتبارك انها مش مرسيدس

انا بصراحه بجد اتعقدت من العربيه دي

ومش عارف اعمل ايه

ناس تقول حلوه وناس تقول وحشه

طيب حضرتك لو مكاني تعمل ايه ؟؟؟؟

وشكرا جدا ياباشا ع الاهتمام بالاسعار والله بجد جزاك الله كل خير

راي يا كازانوفا...
لو عايز هيونداي...يبقي هات تجميع بره
بلاش المصري....
بس انا لو مكانك مش هجيب هيونداي تاني ...حتا لو تقفيل الماني :)

لو مكانك ازود شوية و اجيب جيتز ،،

او أزود شويتين و اجيب ياريس او ماتريكس ،،

لو ما تقدرش تزود ،،

هاتها و خلاص و رزقك علي الله ،،،

بس لو طلعلك فيها حاجة ،، ماتدعيش عليا ،،،،

انا قولتلك من الأول ،،

فيها احتمالات مشاكل تجميع ،،

و التوكيل زي أي حاجة في مصر ،،

[quote]راي يا كازانوفا...
لو عايز هيونداي...يبقي هات تجميع بره
بلاش المصري....
بس انا لو مكانك مش هجيب هيونداي تاني ...حتا لو تقفيل الماني/quote]

اقتباس:

---

شكرا علي النصيحه يا عمور
بس انا مش عارف هي بتيجي من بره منين وهل بتيجي قسط ولا لا
ياريت لو تقدر تفيدني
وشكرا علي اهتمامك


لو مكانك ازود شوية و اجيب جيتز ،،

او أزود شويتين و اجيب ياريس او ماتريكس ،،

لو ما تقدرش تزود ،،

هاتها و خلاص و رزقك علي الله ،،،

بس لو طلعلك فيها حاجة ،، ماتدعيش عليا ،،،،

انا قولتلك من الأول ،،

فيها احتمالات مشاكل تجميع ،،

و التوكيل زي أي حاجة في مصر ،،

---

ياباشا الف شكر علي نصيحتك الغاليه والله بس انا مش هقدر ازود جنيه تاني منعا لرفع شبشب الوالد :(
انا هجيبها وخلاص واتوكل علي الله بس مستحيل ادعي علي راجل محترم زيك كدا ياباشا وبجد انا سعيد ان في ناس مهتمه وشكرا ليك

اوب عكيت الدنيا :(

لا شكر علي واجب
أنا لو مكانك فعلا و معايا أكمل و أجيب جيتز مش هاتردد لحظه لان واضح ان المشكله في التجميع المصري لان أنا معايا ماتريكس 2005 كوري عامله 72000 و لحد دلوقتي الحمد لله مافيهاش مشاكل رغم اني مستخدم سيء ... لكن لو مفيش امكانيه للجيتز خلاص هاتها هيا عربيه جميلة و أتوقع ان مشاكلها كلها محلوله و هي أنسب عربيه في الفئه السعريه دي بس كل الحكايه تبقي عارف انت راكب ايه زي ما قال الباش مهندس أحمد أنور ...
تحياتي لك .

موضوع اخر عن الشكوي لغبور من عضو جديد

و اهلا بك معنا

[quote=cazanova555;227835]

اقتباس:

---

انا هجيبها وخلاص واتوكل علي الله بس مستحيل ادعي علي راجل محترم زيك كدا ياباشا وبجد انا سعيد ان في ناس مهتمه وشكرا ليك

---

نصيحة اخوية اوعى تجيب الفيرنا او تقع تحت يد غبور سوف تندم اشد الندم و عندك الدايو اللانوس متقاربة منها فى السعر و برقبتها فى كل شىء و اسأل بنفسك و شوف قطع غيار اللانوس ارخص من الفيرنا بكتيييييييييييييييييييييي ييييييييييير

[quote=starpro;227968]

اقتباس:

---

المشاركة الأصلية كتبت بواسطة cazanova555

نصيحة اخوية اوعى تجيب الفيرنا او تقع تحت يد غبور سوف تندم اشد الندم و عندك الدايو اللانوس متقاربة منها فى السعر و برقبتها فى كل شىء و اسأل بنفسك و شوف قطع غيار اللانوس ارخص من الفيرنا بكتيييييييييييييييييييييي ييييييييييير

---

تاااااااااااااااااااااااا اااااااااااااااااااني:):):):) :)

[quote=Nile_Storm;227974]

اقتباس:

---

المشاركة الأصلية كتبت بواسطة starpro

تاااااااااااااااااااااااا اااااااااااااااااااني:):):):) :)

---

يا جماعة الرجل هيضيع تحويشة عمره حرام عليكم لازم يكون كلامنا اكثر مصداقة و امانة الدايو لانوس افضل من الفيرنا 100000000 مرة اوعى يا كزنوفا تجيب فيرنا صدقنى انا كان عندى دايو قبل الماتريكس و قطع غيرها متوفرة جدا و حمالة اسية و اقسم بالله اعدت معايا 7 سنين و عملت 160000 كيلو و لا احتجت اظبط زوايا او اعمل بها شىء غير عادى و موتورها المانى و كبالنها تحفة و قوية جدا

[quote=starpro;227987]

اقتباس:

---

المشاركة الأصلية كتبت بواسطة Nile_Storm

يا جماعة الرجل هيضيع تحويشة عمره حرام عليكم لازم يكون كلامنا اكثر مصداقة و امانة الدايو لانوس افضل من الفيرنا 100000000 مرة اوعى يا كزنوفا تجيب فيرنا صدقنى انا كان عندى دايو قبل الماتريكس و قطع غيرها متوفرة جدا و حمالة اسية و اقسم بالله اعدت معايا 7 سنين و عملت 160000 كيلو و لا احتجت اظبط زوايا او اعمل بها شىء غير عادى و موتورها المانى و كبالنها تحفة و قوية جدا

---

حضرتك مش هتحكم عليا انا صادق و امين و لا لأ كله امام الله
هو ادري بمن الصادق و من يلفق الاكاذيب

الف شكر لكل الى فالموضوع ده
وعلى فكرة انتوا مش ناس عاديه بتتكلم وخلاص حقيقى ناس محترفه وعارفه كويس بتتكلم عن ايه ..المهم

عيب هيونداى فى مصر هو التقفيل.انا بحترم هيونداى اوى وبحب الشركه جدا بس المشكله ان غبور مابيحترمش الناس والسبب انه مش عارف ان الاهتمام بالعميل اهم من الفلوس الان العميل هو الى بيجيب فلوس