الموضوع: ايه ال المجلس العسكري بيعمله دا ؟؟

على فكرة الجيش يتعامل معانا بهدوء وبتأنى ولو فقدوا صبرهم يبقى اللى وصلهم لكده يستحمل بالرغم انى مقتنع ان الجيش فيه فساد لكن يبقى اولا واخيرا الجيش هو خط الدفاع الأخير .......

المشاركة الأصلية كتبت بواسطة abdelaziz-waleed

لأ الصح ان شوية البلطجية هم اللي يعتدو على ضباط الجيش زي الفيديو اللي تحت

انا ملاحظ ان مواضيع ومشاركات حضرتك يا استاذ على فيها تحامل قاسي على الجيش
ياترى مين اللي حمى الثورة من الضياع ورفض يطلق رصاصة على الشعب وبينفذ مطالب الشعب حاليا
الشعب طبعا حضرتك هتستغرب بس فعلا لولا توحد الشعب و وقوفه وقفة رجل واحد ما كان الجيش وقف على الحياد لانه يعلم ان فى حالة اعطاء اوامر بالضرب سيحدث انقسامات
يا ترى مين اللي حمى المعتصمين من البلطجية عند مدخل طلعت حرب يوم موقعة الجمل
و يا ترى مين اللى سمح للعدد الاكبر من البلطجية بالهجوم من عند عبد المنعم رياض و وسع لهم و سابهم لتانى يوم
يا ترى مين اللي طلع خلص على البلطجية اللي كانو فوق العمارة وبيحدفو مولوتوف على المتظاهرين
و يا ترى مين اللى سمح للقناصة انهم يقفوا فوق العمارات و يقتلوا الشباب و ساب البلطجية على كوبرى أكتوبر تضرب فيهم
يا ترى مين اللي كان بيجي جري اول ما تتصل لو حصلك حاجة في عز الانفلات الامني
و يا ترى مين المسئول عن الانفلات الامنى المستمر الى الان و سايب حبايبنا الحلوين بتوع الداخلية بيدلعوا علينا رغم ان رواتبهم تضاعفت و مازالوا بياخدوها من جيوبنا
يا ريت تراجع نفسك لأن الجيش فعلا بيدلع الشعب ومتهاون جدا مع الناس اللي في ميدان التحرير حاليا
بيدلع الشعب زى مابيدلع حسنى مبارك و اولاده و اعضاء حزبه اللاوطنى
انا نزلت الميدان يوم السبت الماضي الساعة 11 بالليل وتحسرت وحزنت جدا من اللي شوفته
يا ريت الجيش ينزل وينهي المهزلة ديه
الفيديو اللى حضرتك جايبه مجرد 52 ثانية ياريت حضرتك تدور على باقى الفيديوهات بتاعة الاحداث و تشوف ضرب النار و لا كأنها حرب
[youtube]http://www.youtube.com/watch?v=psmz5tx-hhi[/youtube]

على فكرة حضرتك انا مش ضد الجيش فأخويا كان فى الجيش و والدى حارب فى 73 و تم اسره و شاف العذاب و لى اقارب فى الجيش و لكنى ضد تصرفات المجلس العسكرى التى تتسم بتباطئ رهيب غير مبرر مع حماية لبعض الوجوه مع تضييع وقت مما سمح لهؤلاء الفاسدين بأخفاء ادلة جرائمهم و اموالهم
و الحاجة الثانية لابد ان ننتهى من تقديس السلطات و القائمين عليها بما ان هؤلاء موظفين مصريين يؤخذون رواتبهم من الشعب و من لا يعمل لصالح الشعب يبقى الشعب ما يعطهوش راتبه هل هذا خطأ
اما فيما يختص بالمعتصمون فأنا لا اؤيد او اعارض اعتصامهم الان لان فى اعتقادى اعتصامهم الان لن يغير شئ
اما عن اشخاصهم فأنا لا اعرفهم و اذا كان من كلام بعض الزملاء انهم فيهم بلطجية و مع ذلك من حق الامن و الجيش ان يقبض عليهم دون ان يقتل احدا او يضربهم بالنار و اذا كانوا معتصمين فعلا فلابد ان يفتحوا الطرق للناس و الا يتعرضوا لاحد بالاذى

المشاركة الأصلية كتبت بواسطة ahmedjumpo

و يا ترى مين اللى سمح للقناصة انهم يقفوا فوق العمارات و يقتلوا الشباب و ساب البلطجية على كوبرى أكتوبر تضرب فيهم

حضرتك عاوز تقول ان الجيش اللي سمح للقناصة انهم يقفو فوق العمارات ويقتلو الشباب؟؟؟؟؟؟؟؟
حضرتك بتوجه اتهامات خطيرة
عموما دا رأي حضرتك ويجب علي اني احترمه

المشاركة الأصلية كتبت بواسطة korkor

وفين حقوق انسان الناس اللى ساكنه فى ميدان التحرير وفين حقوق انسان اصحاب المحلات فى ميدان التحرير وفين حقوق انسان الناس اللى بتستخدم ميدان التحرير كاكبر محور فى القاهره للربط بين القاهره والجيزه ولا كل دول مالهموش حقوق انسان مقابل حقوق انسان لبعض البلطجيه اللى خرجوا عن اتفاق الصف بعدم الاعتصام وحتى لو عاوزين يعتصموا مايعتصموا فى الدايره اللى فى النص من غير ما يعطلوا مرور ولا يوقفوا حال الناس

+1

المشاركة الأصلية كتبت بواسطة aly_hosny

وايه ال هم اهل له ؟؟؟؟؟
زميلي في الكلية معتقل من يوم الجمعة
دا الصح ؟
كلنا شوفنا الفيديو بتاع الشاب ال مات
دا الصح ؟

امتى هنفهم مهما ال قدمنا عمل في حاجة اسمها حقوق انسان

وبعدين طول ما مفيش شفافية و في حاجات مش باينلها سبب
يبقى اكيد اكيد في حاجة غلط

افهم من راي حضرتك انك موافق علي وجود الناس اللي اغلبهم بلطجيه وصيع وبنات مش مظبوطه ودا بشهاده اخوه نحترم رايهم ونثق فيهم ونحبهم في الله من زملائك هنا في المنتدي
لو حضرتك شايف دا سليم وصح يبقي مافيش داعي للنقاش
تفتكر الحريه وحقوق الانسان تسمح ليك انك تخش البيت وتكسر التلفزيون وما تخرجش حد من البيت وتقول انا معتصم في الباب وتبقي كده حر

المشاركة الأصلية كتبت بواسطة abdelaziz-waleed

حضرتك عاوز تقول ان الجيش اللي سمح للقناصة انهم يقفو فوق العمارات ويقتلو الشباب؟؟؟؟؟؟؟؟
حضرتك بتوجه اتهامات خطيرة
عموما دا رأي حضرتك ويجب علي اني احترمه

المعذرة يا استاذى اتهامات ايه اللى حضرتك بتتكلم عليها انا سألت حضرتك ثلاثة اسئلة صريحة و مباشرة و انتظرت تعطينى ثلاث اجوبة صريحة و مباشرة
و على فكرة كل سؤال من اللى سألتهم ممكن ادعمهم بفيديوهات كثير لو حضرتك عايز
و المعنى من الاسئلة ان مافيش حد و لا اى جهة وفرت حماية للمتظاهرين و لو لم يتحمل الناس المشقة و يصمدوا كان كل شيئ ضاع و انتهى
و ارجو ان الزمن لا ينسينا الاحداث فلو رجعت للخلف ايام الثورة الاولى هتلاقى يوم الاربعاء فى مكالمة لشباب من الميدان مع الجزيرة حول الوضع ليلا و هجوم البلطجية و القناصة و طلبهم من الجيش انه يحميهم و لم يجدوا استجابة بل وجدوا الناس بيدخلوا و يقفلوا عليهم دبابتهم و ان هناك ظابط انهار و كان هيضرب نفسه بالنار لانه مش قادر يحميهم و لا عنده تعليمات بكده

المشاركة الأصلية كتبت بواسطة adelseliem

ولو مصالح الشعب أتأثرت بغلق ميدان التحرير , الموظفين اللى بياخدوا مرتبات من الشعب ( اللى هما الجيش ) يعملوا أيه للشعب اللى أتضرر
لست مع غلق الميدان و لكن استخدام القوة المفرط هو اللى ادى لهذه الحالة لان الناس ماكانتش هتقفل الميدان و لا كان معاهم اشياء يقفلوا بيها الميدان و بالمناسبة ملحوظة انا شفتها و كان نفسى افهمها و ما حدش علق عليها
[frame="2 10"]
الجيش هو من اتى بالمتاريس و الاسلاك الشائكة و القضبان الحديدية فممكن اعرف لماذا تركها و مشى و ارجو ما حدش يقولى اصل خافوا يأخذوها معاهم بسبب المتظاهرين ,ده احنا بنتكلم فى امن مركزى و شرطة عسكرية و صاعقة 777 كل دول كان صعب عليهم يخرجوا العربيات اللى فيها الادوات ديه !!!!!
و لا كان المطلوب و المقصود ان الحاجة ديه تساب
ارجو الاجابة للاهمية
[/frame]

طالما أن أخوك ووالدك وقرايبك كانوا فى الجيش ممكن تسألهم :

الضباط المعتصمين , أعتصامهم قانونى ولا لأ

لما الجيش يروح يقبض عليهم صح ولا لأ
هو الجيش راح يقبض عليهم و لا راح يحررهم من ايدى البلطجية اللى كانوا محتجزينهم كما قال فى المؤتمر الصحفى !!!!

لما الجيش ينضرب عليه نار مفروض يعمل أيه ( وقارنه باللى حصل )
ماتزعلش من سؤالى بس حضرتك جبت الكلام ده منين و ايه دليلك عليه اذا كان المجلس العسكرى نفسه لم يقل هذا الكلام و لم نرى اى اصابة فى العساكر و الفيديوهات موجودة و توضح حجم ضرب النار و لا كأنها حرب و المتظاهرين بيجروا و عزل
يا جماعة الخير كفاية القاء التهم على الناس جزافا لمجرد انكم مختلفين معهم

رأىهم أيه فى مطالب المعتصمين من رحيل المشير دلوقت وتكوين مجلس رئاسى
المطالب ديه من بعد ما تم ضرب النار عليهم و بهدلتهم ايه المطلوب منهم يقولوا يحيا المجلس العسكرى !!!

أسأله الأسئله دى ومنتظر الأجابه

احنا على فكرة عندنا مشكلة كبيرة جدا فى التعامل مع الامور حيث نمسك فى ردود الافعال و نترك الاسباب
هل لو كان منذ شهرين قام المجلس العسكرى بالقبض على رؤوس الفساد و تحفظ على كبارهم و قام بتجميد اموالهم و اخضعهم للتحقيق و قبض على الرئيس السابق اللى على كلامهم اعطاهم امر بضرب الشعب و بالتالى بناءا على كلامهم يحق لهم القبض عليه و محاكمته
و لو قاموا بحل الحزب الوطنى و التحفظ على قياداته
و لو قاموا بأستبدال القيادات الاعلامية الفاسدة التى كانت تحض على قتل المتظاهرين و تتهمهم بأبشع الاتهامات
و لو قاموا بالتنسيق مع الداخلية و اجبار ضباطها على العمل بدلا من تركهم فى حالة الدلع و اود ان اشير الى حاجة لماذا لم يتعامل المجلس العسكرى مع امناء الشرطة اللى راحوا ولعوا فى الداخلية مرتين بنفس القوة التى استخدمها مع المعتصمين فى التحرير , و ارجو الاجابة
هل لو قام المجلس العسكرى بالخطوات السابقة كانت ستستمر المظاهرات و الاعتصامات ؟؟؟؟؟؟
ارجو الاجابة