الموضوع: ايه ال المجلس العسكري بيعمله دا ؟؟

المشاركة الأصلية كتبت بواسطة ahmedjumpo

استاذة ايناس حضرتك شايفة ان ده عادى جميل يبقى اثبتنا ان لا فرق بين ما قبل رحيل مبارك و ما بعد رحيله
الفرق هو العداله ...قبل كده كنت تحاكم بغض النظر عن القانون...اما الان تحاكم بالقانون...ولا انت ناوي علي تاسيس دوله من اولها لا تحترم قانونها
حضرتك شايفه انه عادى ان اللى يتسبب فى قتل شباب اعزل يتحاكم بمنتهى البطئ و يقعد فى بيته اما من يكتب مقال رأى يحاكم امام محكمة عسكرية و يتسجن ثلاث سنوات و حتى البلطجى اللى ممكن يكون روع بدون قتل يحاكم عسكريا
لتاني مره انت شايفه بطء قارنه بما كان يحدث سابقا ...المحاكم في اقل من شهر فتحت في عشرات القضايا ومع ذلك موقفتش واحده علي حساب التانيه.....والمعدل ماشي كويس تابع القضيه كويس واقرا هي بتتاجل ليه مش كده وخلاص

حضرتك شايفة انه عادى ان احنا نعطى الفرصة لرؤوس الفساد يسووا اوضاعهم و يتلفوا جرائمهم و يهربوا اموالهم و بعدين نحقق معاهم و نحاكمهم و بعدين نطلعهم براءة
سبقت منين انهم حيطلعو براءه وبعدين كنا نقبض عليهم بتهمه ايه ولا عايزنا نقبض عليهم ويجي محامي بتلاته تعريفه يخرجهم بسبب سرعتنا ...ايهما افضل السرعه وفي الاخر ياخدو براءه ولا نستف الورق التمام ويلبسو قضيه ميخروجوش منها ابدا...مع مراعاه انها لو مظبوطه حتقدر ترجع الفلوس بامر المحكمه حتي لو بعد سنه ....انت متنازل عن حقك في الفلوس بس انا لا ميكفينيش انه يتسجن لا الفلوس لازم ترجع

حضرتك شايفة انه عادى ان ضباط يولعوا و يفرموا اوراق رسمية ملك للدولة و نقعد فوق الشهر و اسبوع مانحققش معاهم بدلا من انهم يحاكموا عسكريا طبقا لقانونهم مش من عندنا
حضرتك صدقت التمثيليه دي بجد حرام......ياسيدي الفاضل الحركه دي مقصود بيها طمانه بعض الشخصيات للخروج من جحورها للعلن...عندما يعلمو ان امن الدوله وقعت
الورق ده كله ولا ليه لازمه ...المعلومات كلها علي حاسب الي تحفظت عليه وزاره العدل من اول يوم لبدا الثوره

حضرتك شايفة انه عادى نتعامل مع المعتصمين بالعنف و القتل اما لما امناء الشرطة يولعوا فى الداخلية نطبطب عليهم
دي عندك حق لازم .....لازم الاتنين ينضربو بالنار ويتحاكمو بلطجه.....خاصه ان المعتصمين كانو بينادو بارجع ياريس


حضرتك شايفة ان استمرار الانفلات الامنى و الترويع دون خطط و حلول واضحة ده عادى
والجيش حيعمل ايه ماهو شغال دفاع وداخليه مع بعض وبيحاول علي قد ما يقدر ...وده انا كنت بقوله ...الناس كل جمعه عماله تطلب طلبات وناسيه ان الامن مازال رافض يرجع للعمل...ومع ذلك ما شفتش حد واحد بيقول لازم نحاسب منصور العيسوي انه مش قادر يدير وزاره الداخليه....ده مقدرش يامن ماتش كوره حتي
ومش بس العيسوي وعصام شرف برضه
حضرتك شايفة انه عادى ان المجلس العسكرى لم يحل الحزب الوطنى و لم يتحفظ على كباره مع ان المجلس العسكرى نفسه فى بيان له بسبب احداث التحرير فجر السبت قال ان وراءها فلول الحزب الوطنى و انه هيكافحهم طيب ممكن اعرف ازاى
انا اصلا ضد حل الحزب الوطني ....وتحله ليه ....هو لما تحل الحزب الفلول حتبطل اللي بتعمله ...اللي يغلط ياخد علي دماغه واللي في حاله خلاص.....والا بقي انا كمان باطالب بحل كل الاحزاب في عهد حسني ...لانك لو عرفت اللي البهوات كانو بيتفقو عليه مع الوطني .....حتقول لفظ يحاسب عليه القانون
وبعدين بالطريقه دي حنحل كل حاجه ده مش الحل الصحيح .....

ممكن اعرف من وجهة نظر حضرتك لما كل ده عادى و مفيش فيه مشكلة ,يبقى ايه اللى غيرعادى و امتى هيكون فيه مشكلة !!!!!!!!!!!
و لك جزيل الشكر

اللي مش عادي ....اننا نتحول براحه الي حسني مبارك اخر .....موسوسين ....نفترض الخيانه من الكل ونخون بعض واللي يعاديني اخلص منه
..................
مازلت مصره علي القانون والعداله ...حتي لو بطيئه......ارحم من تبعات احكام ....نتحول بعدها الي ديكتاتورين جدد
لا اقول افترض حسن النيه لا.....بل بالعكس انا شخصيا مش بهتف زيكم للجيش والشعب ايد واحده .....بس بتابع بهدوء وبسال من لهم في الامور ...وحتي الان من وجهه نظري تقصير الجيش في انه بيحاول يمارس السياسه وهو مالوش فيها علشان كده بقي عنده ازدواج معايير...بس انه بيخون البلد دي انا لاغياها تماما...ممكن تحصل امور انا مش فهماها ...بس يمكن لوشفت الصوره كامله اقدر احكم صح ساعتها
اقول ننتظر قليلا ونري تبعات كل الامور.......ونراقب لكن لا نخون
حسني انهارده كانو بيحققو معاه
صفوت الشريف شرف في طره لاند ( اشوفه وهو لابس ابيض في ابيض)
وعندما نري الغدر ساعتها ...ميدان التحرير لن يسع احد
لكن دائما وابدا افترض الخيانه.....لن نصل منها الا للفوضي وبرده حيخرجو منها واحنا اللي حنقع فيها

المشاركة الأصلية كتبت بواسطة hobiko

في ناس عندها كله عادي ..... بالزبادي

وفي ناس عندها كل حاجه مش عادي ومصيبه وكارثه.....زي الفخفخينا
انا برضو اقدر اتهكم علي حضرتك.....وانكت
لو عندك مداخله معينه تكون في صلب الموضوع .......ولو معترض علي نقطه معينه تناقشني فيها .....انما تنكت وخلاص ...يبقي مع صحابك ومعارفك وانا لست منهم

المشاركة الأصلية كتبت بواسطة enas75

وفي ناس عندها كل حاجه مش عادي ومصيبه وكارثه.....زي الفخفخينا
انا برضو اقدر اتهكم علي حضرتك.....وانكت
لو عندك مداخله معينه تكون في صلب الموضوع .......ولو معترض علي نقطه معينه تناقشني فيها .....انما تنكت وخلاص ...يبقي مع صحابك ومعارفك وانا لست منهم

أولاً ....... أنا كنت بهزر مع أستاذ ahmedjumpo مش مع حضرتك


ثانياً ........ متقلقيش عمرك ماحتكوني من أصحابي ولا معارفي


ثالثاً ..... العدالة إلي بتحكي عنها قايمة على قوانين تم وضعها بعناية عن طريق ترزية الحزب الوطني لتكفل الثغرات اللازمة للبراءة ...... و سلميلي على سيد قراره


العدالة إن من يوم 25 يناير ليوم 28 يناير ...... الناس بتموت في الشوارع الزوجات بتترمل و الأمهات تنهار ..... و هو قاعد في مكانه شايف و بيتفرج ..... دي مسؤلية مين ؟؟؟؟


قاعد في شرم الشيخ من يوميها بيعمل إيه ؟؟؟؟؟ و يعني إيه إقامة جبرية ؟؟؟؟


العدالة إلي انتي عايزها ...... قول حق يراد به باطل ...... العدالة إن مفيش حد فوق القانون .... العدالة اني مديش فرصة للمجرم شهرين يسوي اوضاعه و يستف ورقه و يهرب فلوسه ...... و بعد كدة أجي أقوله تعالى اتحكم ..... و المحكمه تاخد وقتها بقى ..... و بعد سنة ولا اتنين .... القاضي يسأل فين الفلوس ؟؟؟؟ مفيش مش عارفين هي فين ....... القاضي : الحكم براءة


و بعدين إيه التناقض دة ؟؟؟؟؟ منن عايزة نقدم الفاسدين في محاكمة عادية تاخد وقتها ...... و في نفس الوقت نسيب الحزب الوطني عشان حله مش حيفيد في حاجة ؟؟؟؟؟؟ طب منحجز ليهم في الهيلتون أحسن ؟؟؟؟ عشان يعرفوا يخططوا للثورة المضادة و البلطجية ....... براحتهم



العدالة البطيئة عدالة ظالمة