-
كشف حقيقة المفصولين من الجيش وظهورهم علي اليوتيوب
-
وماذا عن من كانوا معتصمين بالفعل في ميدان التحرير؟!!
-
اقتباس:
المشاركة الأصلية كتبت بواسطة everlasting
وماذا عن من كانوا معتصمين بالفعل في ميدان التحرير؟!!
حلو موجودين وقت الحذر ليه والكل عارف إن من حق الجيش الضرب في المليان وقت الحذر!!! والمفروض لا يتواجد في الوقت ده الا الأطباء والظباط
-
اقتباس:
المشاركة الأصلية كتبت بواسطة yoko
حلو موجودين وقت الحذر ليه والكل عارف إن من حق الجيش الضرب في المليان وقت الحذر!!! والمفروض لا يتواجد في الوقت ده الا الأطباء والظباط
تقصد الحظر؟!!
-
أيوه أسف على الغلط الإملائي
-
اقتباس:
المشاركة الأصلية كتبت بواسطة yoko
حلو موجودين وقت الحذر ليه والكل عارف إن من حق الجيش الضرب في المليان وقت الحذر!!! والمفروض لا يتواجد في الوقت ده الا الأطباء والظباط
و الحظر دا مطبق في القاهرة و السويس و اسكندرية و لا على ال في الميدان بس ؟؟؟؟؟
ولا هو حلال للناس في حتة خرق الحظر ما عدا ال في الميدان
-
اقتباس:
المشاركة الأصلية كتبت بواسطة aly_hosny
و الحظر دا مطبق في القاهرة و السويس و اسكندرية و لا على ال في الميدان بس ؟؟؟؟؟
ولا هو حلال للناس في حتة خرق الحظر ما عدا ال في الميدان
ممكن نتفق على حاجة الأول
في حظر ولا ﻷ فيه هل غلط إني أتواجد في الوقت ده في أي حتة (حتى الميدان) ولا ﻷ "أيوه"
هل لو خالفت القانون وإتعاقبت ينفع اقول إن الي عاقبني غلطان "طبعا ﻷ"
غلط الجيش مش في الي عمله في الميدان ﻷ الغلط إنه الي بره الميدان مطبقش عليهم القانون "وإن كان عندنا في الشارع الرئيسي بيتم تفتيش كل عربيه أو بني أدم ماشي في الطريق وقت الحذر من أفراد جيش وشرطة"
وانا مش ضد غن الناس تطلع بس يبقى يوم جمعة وميقفلوش الشوارع "أنا يوم السبت كنت نازل كورس مهم جدا في المنيل ومعرفتش أوصل بسبب التحرير!!!"
وكمان يبقى وقت مفيهوش حذر لكن تستغل إنك في الميدان وتفرض عضلاتك على الجيش ﻷ
وحتى لو فيه فساد في الجيش (وأكيد فيه لإن مفيش مكان في الدنيا منزه عن الفساد) مش وقته خالص نقلب عليه دلوقتي لإن المرة دي مش زي الرئيس السابق وبنقول هتقع ﻷ المرة دي بجد لو الجيش وقع هتبقى حرب أهليه
-
اقتباس:
المشاركة الأصلية كتبت بواسطة yoko
ممكن نتفق على حاجة الأول
في حظر ولا ﻷ فيه هل غلط إني أتواجد في الوقت ده في أي حتة (حتى الميدان) ولا ﻷ "أيوه"
هل لو خالفت القانون وإتعاقبت ينفع اقول إن الي عاقبني غلطان "طبعا ﻷ"
غلط الجيش مش في الي عمله في الميدان ﻷ الغلط إنه الي بره الميدان مطبقش عليهم القانون "وإن كان عندنا في الشارع الرئيسي بيتم تفتيش كل عربيه أو بني أدم ماشي في الطريق وقت الحذر من أفراد جيش وشرطة"
وانا مش ضد غن الناس تطلع بس يبقى يوم جمعة وميقفلوش الشوارع "أنا يوم السبت كنت نازل كورس مهم جدا في المنيل ومعرفتش أوصل بسبب التحرير!!!"
وكمان يبقى وقت مفيهوش حذر لكن تستغل إنك في الميدان وتفرض عضلاتك على الجيش ﻷ
وحتى لو فيه فساد في الجيش (وأكيد فيه لإن مفيش مكان في الدنيا منزه عن الفساد) مش وقته خالص نقلب عليه دلوقتي لإن المرة دي مش زي الرئيس السابق وبنقول هتقع ﻷ المرة دي بجد لو الجيش وقع هتبقى حرب أهليه
انت مصمم على حذر :grin54:
مطالب المتظاهرين كانت محاسبة مبارك و محاكمته "بعيد عن الجيش تماما" اهو و كله في السليم
اتفقو على ان البعض هيعتصم في الجزيرة و الطريق كله هيتفتح و دا ال كان حصل الجمعة بعد صلاة العشا
دخل 3 مدرعات او اكتر و قوة من الجيش و الامن المركزي ضربوهم و ضربو عليهم نار و اعتقلو منهم ناس و قتلو ناس
متوقع يكون رد الفعل ايه
فين تبريرات الجيش من ضرب المعتصمين يوم 19 فبراير قدام رئاسة الوزرا
فين تبريره ضرب طلبة كلية اعلام
فين تحقيقاته مع ظباط امن الدولة
فين تعليقة على كلمة مبارك و خرجت كدا ازاي و هو تحت الاقامة الجبرية
احنا عمالين نسال و مكناش بنشكك زمان كنا بنسال بس و للاسف محدش رد علينا ف طبيعي جدا يبقى في حاجة غلط
انا معرفش انت ساكن فين بس انا ليا صاحبي ساكن في الهرم بيقولي بخرج و برجع في اي وقت و مشوفتش اي حاجة اسمها حظر و الناس بتبقى في الشوارع عادي
وطبيعي لما اشوف كدا اقول اخرهم في الحظر "تفتيش" و دا كلامك
مش ضرب نار و قتل
-
اقتباس:
المشاركة الأصلية كتبت بواسطة aly_hosny
و الحظر دا مطبق في القاهرة و السويس و اسكندرية و لا على ال في الميدان بس ؟؟؟؟؟
ولا هو حلال للناس في حتة خرق الحظر ما عدا ال في الميدان
انا فعلا شايف فى بعض الاخوة بيتكلموا على الحظر مع انه فعليا مش مطبق فى معظم البلد حد كده ييجى يتفرج مثلا فى فيصل و يشوف الدنيا عاملة ازاى
اما موضوع غلق الميدان فهو تم كرد فعل على التعامل العنيف من الجيش و الامن المركزى و تم بالاسلاك اللى احضرتها قوات الجيش و الامن المركزى نفسها و اعتقد ان لولا هذا التعامل كان هيتم الاعتصام فى المنتصف بدون تعطيل للطريق
اما بالنسبة للفيديو فكلام سيادة عضو المجلس العسكرى مش جديد بس عجبتنى جملة حلوة اوى بيقول ايه بقى
القوات المسلحة افضل جهة تنادى بالديموقراطية و حسن التعامل واخدين بالنا بالديموقراطية
-
اقتباس:
المشاركة الأصلية كتبت بواسطة aly_hosny
انت مصمم على حذر :grin54:
معلش بقى بذاكر
مطالب المتظاهرين كانت محاسبة مبارك و محاكمته "بعيد عن الجيش تماما" اهو و كله في السليم
اتفقو على ان البعض هيعتصم في الجزيرة و الطريق كله هيتفتح و دا ال كان حصل الجمعة بعد صلاة العشا
تمام معاك في كل ده
دخل 3 مدرعات او اكتر و قوة من الجيش و الامن المركزي ضربوهم و ضربو عليهم نار و اعتقلو منهم ناس و قتلو ناس
متوقع يكون رد الفعل ايه
الكلام ده حصل بعد بدأ الحظر فأنا شايف الجيش مأخطأش
فين تبريرات الجيش من ضرب المعتصمين يوم 19 فبراير قدام رئاسة الوزرا
فين تبريره ضرب طلبة كلية اعلام
فين تحقيقاته مع ظباط امن الدولة
فين تعليقة على كلمة مبارك و خرجت كدا ازاي و هو تحت الاقامة الجبرية
معاك في كل كلمة لكن ده مش مبرر نقفل الميدان الجيش مش هيضطر من قفل المدان الناس هي الي هتحصلها مشاكل
احنا عمالين نسال و مكناش بنشكك زمان كنا بنسال بس و للاسف محدش رد علينا ف طبيعي جدا يبقى في حاجة غلط
انا معرفش انت ساكن فين بس انا ليا صاحبي ساكن في الهرم بيقولي بخرج و برجع في اي وقت و مشوفتش اي حاجة اسمها حظر و الناس بتبقى في الشوارع عادي
أنا ساكن في مصر الجديدة
وطبيعي لما اشوف كدا اقول اخرهم في الحظر "تفتيش" و دا كلامك
مش ضرب نار و قتل
معاك بس ضرب النار الجيش قال صوت وناس في التحرير قالوا صوت وكل الي سمعتهم قالوا حي بيطلبوا بإسقاط المجلس الأعلى فلا أثق في كلامهم لإن دول مش شايفين الي هيحصل لو حصل الي طلبوه
ولحد دلوقتي مشوفتش إسم واحد من الي إتقتلوا في التحرير يا ريت تجبلي أسمائهم أو كده عشان مش لاقيها (والله ما بشكك في كلام حضرتك لكن عايز أشوف الأسماء)
وحاجة كمان وجود ناس لابسه جيش جوه الميدان والجيش طلب تسليمهم والناس رفضت غلط (راجع كلام الشيخ صفوت حجازي عن الموضوع ده كان موجود هناك) والجيش كان لازم يتصرف لإن لو حد فيهم مدسوس وعمل مشكله (مش هقولك قتل) كان ساعتها الجيش هيتحط في موقف زي الزفت لإنهم هيتحسبوا عليهم