الموضوع: ائتلاف الثورة يتفاوض مع المعتصمين لفتح الميدان ...... و المجلس العسكري يرحب

رصد | عاجل | مؤكد : تم الان فتح كافة مداخل ميدان التحرير بالتعاون بين كافة ائتلافات وشباب الثورة ، مع حفظ حق المعتصمين في اعتصامهم دون تعطيل سير الميدان

المشاركة الأصلية كتبت بواسطة hobiko

بقى أكبر تصريحات جانبهم فيه الصواب كانت الأستفتاء؟؟؟؟؟!!!!!

حضرتك فاهم الديموقراطية غلط .......

الديموقراطية مش ماتش كورة ..... واحد بيراهن على فريق يكسب او يخسر

و على فكرة مش هما بس اللى رفضوا التعديلات ...... شخصيات عامة كتيرة وكل مرشحى الرئاسة

و فى الأخر المجلس العسكرى عمل ايه ....... خلى نعم زى لأ ..... مش فارقة

و رجع يعمل ايه تانى ؟؟؟؟؟ ........ بص على الخبرين دول

اليوم السابع | الجمل: خرجت من لجنة الحوار الوطنى لإعداد دستور جديد

http://www.almasryalyoum.com/node/396011
مصدر عسكرى: تشكيل لجنة وفاق وطنى لوضع دستور جديد قريباً.. والتحقيقات مع الضباط شأن داخلى

فى النهاية لا يصح الا الصحيح

بالنسبة للمجلس الرئاسى ...... اللى صحا الفكرة دى تانى بعد ما كانت نامت ...... المجلس العسكرى

بكل ما عليه ...... و فشله فى ادارة أزمة التباطوء فى محاكمة الفاسدين سياسيا

انا مش مستنيك تعلمنى معنى الديموقراطيه , وكل الشخصيات العامه اللى بتقول عليها فشلت فى تصريحاتها وتعاملها مع الشعب والفشل ده كانت نتيجته واضحه فى الاستفتاء موضوع المجلس الرئاسى الى حضرتك بتفترض انه هو الصحيح من وجهه نظرك ماهو الا التفاف على اراده الشعب وفرض رأى للاقليه للحصول على مكاسب غير مشروعه لم ينجحو فى الحصول عليها بالطريقه الديموقراطيه الصحيحه , وبرده رايك ان التصويت بنعم زى لا مختلف تماما سواء فى الطريقه او النتائج ولا يوجد اى تشابه بينهم سوى فى الاعلان الدستورى المعلن من قبل الجيش

اما بالنسبه للتباطؤ فى محاكمه الفاسدين سياسيا ارجو انك تكون شفت حلقه اون تى فى امبارح مع بعض اعضاء المجلس العسكرى والى قالوا فيه ان مافيش حاجه فى قانون العقوبات عقوبه لحاجه اسمها الفساد السياسى ومن الممكن استصدار تشريع مستجد لاحقا ولكن لا يجوز محاسبه احد به باثر رجعى فكان اضمن طريقه للقبض على الفاسدين سواء سياسيا او ماليا هو من خلال المخالفات الماليه ولكن اجراءات المحاكمات للفساد المالى تسلتزم التدقيق لعدم فساد القضيه .

المشاركة الأصلية كتبت بواسطة otefa

كلام غير دقيق وبالأخص المكتوب بالأحمر

أكد الدكتور يحيى الجمل، نائب رئيس الوزراء، أن خروجه من لجنة الحوار الوطنى كان بالاتفاق مع الدكتور عصام شرف رئيس الحكومة، ليتولى تشكيل لجنة الوفاق الوطنى من ممثلى الجامعات والأحزاب السياسية ومشيخة الأزهر والكنيسة وشباب 25 يناير، بالإضافة إلى منظمات المجتمع المدنى، لوضع دستور جديد وتقديمه إلى اللجنة التأسيسية المقرر اختيارها من مجلسى الشعب والشورى القادمين.

صح أنا مش معترض ..... دة نفس الكلام إلي في الخبر على فكرة


بس دة دليل على إيه ؟؟؟؟؟ .......


إن من الممكن كان البدئ في صياغة دستور جديد و الإستفتاء عليه خلال الفترة المتاحة ..... تمهيداً للإنتخابات البرلمانية في سبتمبر


إن من الممكن فعلاً تشكيل لجنة وفاق وطني تقوم على صياغة دستور جديد ثم عرضه على الشعب في إستفتاء


كان من الممكن تجنب الإستفتاء إلي كلف البلد مبالغ طائلة ...... و سبب إنقسام شديد في المجتمع



الحجج التي سيقت لتبرير التعديلات الدستورية ....... بتقع يوم بعد يوم

المشاركة الأصلية كتبت بواسطة korkor

انا مش مستنيك تعلمنى معنى الديموقراطيه , وكل الشخصيات العامه اللى بتقول عليها فشلت فى تصريحاتها وتعاملها مع الشعب والفشل ده كانت نتيجته واضحه فى الاستفتاء موضوع المجلس الرئاسى الى حضرتك بتفترض انه هو الصحيح من وجهه نظرك ماهو الا التفاف على اراده الشعب وفرض رأى للاقليه للحصول على مكاسب غير مشروعه لم ينجحو فى الحصول عليها بالطريقه الديموقراطيه الصحيحه , وبرده رايك ان التصويت بنعم زى لا مختلف تماما سواء فى الطريقه او النتائج ولا يوجد اى تشابه بينهم سوى فى الاعلان الدستورى المعلن من قبل الجيش

اما بالنسبه للتباطؤ فى محاكمه الفاسدين سياسيا ارجو انك تكون شفت حلقه اون تى فى امبارح مع بعض اعضاء المجلس العسكرى والى قالوا فيه ان مافيش حاجه فى قانون العقوبات عقوبه لحاجه اسمها الفساد السياسى ومن الممكن استصدار تشريع مستجد لاحقا ولكن لا يجوز محاسبه احد به باثر رجعى فكان اضمن طريقه للقبض على الفاسدين سواء سياسيا او ماليا هو من خلال المخالفات الماليه ولكن اجراءات المحاكمات للفساد المالى تسلتزم التدقيق لعدم فساد القضيه .

أعصابك مش كدة :))))))))))))))))))))



حضرتك أنا مش قصدي أعلمك الديمقراطية .......



إلي قال نعم أو قال لأ و نيته مصلحة مصر ...... على عيني و على راسي .......


بس لازم نضع الأمور في مكانها ...... الإستفتاء دة كان التعديلات الدستورية ...... الأغلبية قالت كلمتها


على التعديلات الدستورية ........ مش على رأي حضرتك ...... مش على المجلس العسكري


هي دي الحقيقة ..... ممكن تكون حقيقة صادمة لحضرتك ..... بس هي دي الحقيقة


و الشخصيات العامة ..... من ضمنهم مرشحي الرئاسة .... إلي لغاية دلوقتي ..... واحد فيهم حيبقى رئيس مصر ...... شئت أم أبيت


بس برضه في النهاية ..... لا يصح إلى الصحيح ...... و دة إلي أدركه المجلس العسكري متأخر للأسف


و بالنسبة للتباطؤ و المحاكمة السياسية ...... حضرتك شفت أعداد الناس في جمعة الإنقاذ و جمعة التطهير ؟؟؟؟


مش في التحرير بس ..... لأ في مصر كلها ....... ؟؟؟؟


حضرتك سمعت خطاب مبارك الأخير ؟؟؟؟