مغامرة عند العفشجى

**ofaashash** · 12-04-2011 01:03 AM

موضوع حبيت اطرحه عليكم علشان ما حدش يضحك علينا

النهاردة رحت للعفشجى : السلام عليكم عاروز اربط العفشة
رفع العربية وراح منزلها : العربية دى فاتحة كارتيرة يا بية ولازم تتعمل احسن تنزل على الارض منك
بص روح للسمكرى (وشرح مكانه واسمة ) قلة انا جايلك من طرف فلان وبأمارة العربية البيجو وهوه ح يعملهالك ويكرمك

قلت : ربط العفشة وخلينى اروحله بعدين
رفع العربية وراح منزلها
يا بية العجلة الى قدام عاوزة بليه روح المحل الفلانى وقله انا جايلك من طرف فلان وح يديك البلية وتعالى اركبهالك

قلت له ربط العفشة الاول
بعدين هزيت العجلة قلت له اربط صاموله الكوبلن دى مفكوكه
بعد ما ربطها وبقت تمام
قال يا بية روح للمكنيكى الفلانى وقله انك جاى من طرف فلان بأماراة ..... وقلة يشوف كراسى الموتور
قلت له ربط العفشة
نزل يربط قالى يا بية الاسكترا عاوزه تتغير
قلت له لحد كده وكفاية الاسكترا دى بقالها شهر بس
وفيها مسمار فاكك بس
ربطة وقالى يظهر انك بتفهم فى العربيات
قلت له ليه مش عارف تضحك عليا ولا ايه
ومشيت من عنده ومش ناوى ارجعلة تاننننننننننننننى خالص
طيب الحمد لله انى بفهم طيب لو كنت مبتدى فى العربيات كان زمانى لافف على عشر صنيعية على الاقل
معلش طولت عليكم بس
حبيت احكى لكم علشان ناخد بالنا

**meda2711** · 12-04-2011 01:09 AM

ههههههههههههههههههههه
نفسه يطلع بمصلحة ومش عارف :))
زى بتوع الكاوتش تروح تقوله اظبط هواء - دلع مش اكتر - يقولك الكاوتش مخروم ستين خرم مع الجملة المشهورة - الكاوتش ده مشى على ازاز وانت لا مشيت على ازاز ولا اى حاجة - وكل خرم يتكلف 10 جنيه وهو يبقى سليم وهو اللى يبوظهولك ويزودلك الاخرام :))