الموضوع: علامه استفهام كبيره وتعتيم مقصود على العدد الحقيقى لشهداء الثوره

السلام عليكم..

لحد اللحظه دى انا مش مصدق ان مفيش مصدر رسمى من وزاره الصحه قال العدد الصحيح لشهداء الثوره...
كان واضح قبل تنحى مبارك محاوله تقليل العدد بشكل كبير يعنى يقولوا فى التلفزيون المصري مات 20..
وباقى القنوات بتتكلم فى مئات..لحد ما قالوا 300 ثم 365... لحد دلوقتى مفيش جديد
لكن الجديد فى الموضوع كان الكلام الجاى دا الى ذكر فى الطبعه الاولى النهارده واكثر من مقال طول الفتره الى فاتت

الغريب ان كان فى دكتور كبير مكلف من وزاره الصحه بحصر العدد بالضبط على رأس لجنه فى كل المحافظات..
وبعد ما خلصوا قالوا العدد 800 شهيد
لكن وزير الصحه حاليا بعد تنحى مبارك رفض يعلن العدد دا..ونقل الدكتور الكبير دا السلوم بعد رفضه تزوير العدد !
وعين مكانه دكتور تانى صغير سنا طبعا عشان يقول العدد الغير صحيح واحد تبعهم يعنى..
ولم يعلنوا عن العدد الصحيح وهو 800 شهيد ..الله يرحمهم جميعا..
السؤال ليه ؟..ليه بعد اكثر من شهرين مش عايزين يعلنوا العدد دا وبيزوروه عن قصد
وليه المسؤلين حاليا بيعملوا كدا اذا كان هما مسكوا مسؤليه بعد الثوره وايا كان العدد لا يدينهم فى شىء..بالعكس دا المفروض يهمهم يقولوا العدد الحقيقى لنشر المصداقيه.. لمصلحه مين التعتيم والسياسه الغريبه دى

اى وفاة خارج مستشفيات الصجة لا تعتبر ضمن الحصر للاعداد المعترف بيها
يعنى فى ناس كتير اخدت المتوفين زويهم علشان يدفنوهم على طوول و عدم تدخل النيابة بالتشريح و الكلام دة
و طبعا هيطلع من المستشفى على انة حى و هو اصلا ميت
الحكاية دى معروفة اوى فى الاصابات و الموت داخل مستشفيات وزارة الصحة و المستشفيات الجامعية
فالعدد فعلا اكبر من كدة بكتير بس وزارة الصحة متقدرش تعمل احصاء للاعداد الحقيقة لانها برة هذه المستشفيات