يعني ايه ماتور الb.b ؟

**mahmoud_anwar** · 12-04-2011 01:58 AM

السلام عليكم ورحمة الله وبركاتة
أولآ اعرفكم بنفسي في قسم الفولكس وشرف ليه اني اكون عضو معاكم في علامة الفولكس
انا اسمي : محمود
كنت امتلك بي ام دبليو الشارك موديل 82 وانتقلت الي رحمة الله السيارة في حادثة مميتة الحمدالله الذي احياني
المهم انا حاليآ امتلك سيارة جولف اللهم اكفيني شرها والشهادة لله اشترتها متسقط فيها مكنة 1800 B.B ومعرفش كتير عن الجولف لكن بي النسبة عن البي ام فا انا ممكن اتحدث فيها وانا مش خجلان لي اني عرفت عنها الكثير والقليل
اما بي النسبة لي الجولف فابصراة مدحكش عليكم معرفش عنها الكثير
انا اعرف ان الجولف 2 تتوافر بي محركين هما 1300 و1600 علي ما اعتقد
واعرف ان يوجد محرك 1400 سي سي تربو بس دة سئلت عليه مش موجود في مصر اسمة علي ما اعتقد tsi
فا انا عايز نبزة عن المحركات الي بتسقط في الجولف 2 وايه معني ماتور B.B وهو مش متوافر فقط غير 1800 و200
وهل حقيقي ماتور 1800 ال B.B 125حصان وماتور ال B.B دة بينزل اصلآ علي انهي موديل ؟
وايه افضل الزيوت المحركات لهذه الماتور ؟؟
وهل عفشة الجولف 4 هيا الاصلح لهذه الماتور ؟
ياريت تفدوني شوية ومش عيب اني اسئل علشان اعرف ايه الي انا ركبها دي وايه امكانيتها
بس الشهادة لله بدقت احب الجولف عن البي ام
منتظر منكم الأفادة ان شاء الله
وتقبلو تحياتي

**mahmoud_anwar** · 12-04-2011 10:01 PM

ايه ياجماعة مافيش حد عارف حاجة ايه انا دخت غلط

**akerima** · 13-04-2011 04:33 PM

هوا اللي انا اعرفة وعلي قد مفهمت من كلام حضرتك ان الماتور ده نوعة b.b 1800 cc يعني هوا مش ماتور جولف هوا نوعة اسمة كده ومتركب علي جولف 2 - المهم هوا المفروض لو اتركب علي اي حاجة تانية غير الجولف فعلا بيتغيرلة عفشة لكن الجولف باذن الله تشيل مشلازم تغير عفشة

**ashraf_fawzy** · 13-04-2011 06:01 PM

كل الي افتكرو عن الجولف من زمان انواع ال 1800 16v
1- بي بي موتور حامي جدا مش زي اي موتور محتاج تجريه علطول جاهز 135 BHP
2- ار في موتور هادي في الاول لحد ميسخن ويتجنن 139 BHP

والموتور الوهمي جدا (( 1800 8v 160 bhp )) اسمه : G60 الموتور ده يوازي 2200 CC

**midooz** · 13-04-2011 06:55 PM

بص يا باشا
مبدئياً أهلاً بيك في قسم فولكس و نورت عالم الجولف :)
موتور ال pb من المواتير اللي كانت بتنزل في الجولف 2 ال gti و هو موتور سعته السلندرية 1800 سي سي و قدرته الحصانية 115 حصان و هو 8 صباب إنجكشن و هو يشتغل تمام على عفشة الجولف ال 1600 بس لو عربيتك أصلاً كانت 1300 فأكيد اللي سقط الموتور غير عفشة معاه ... على فكرة الموتور ده حامي و جراي و سحبه جميل بس أهم حاجة تخلي بالك دايماً من الزيت بتاعه و إعمله صيانته دورياً و هو هيعيش معاك
ربنا يباركلك إن شاء الله

**mahmoud_anwar** · 14-04-2011 09:36 AM

المشاركة الأصلية كتبت بواسطة akerima

هوا اللي انا اعرفة وعلي قد مفهمت من كلام حضرتك ان الماتور ده نوعة b.b 1800 cc يعني هوا مش ماتور جولف هوا نوعة اسمة كده ومتركب علي جولف 2 - المهم هوا المفروض لو اتركب علي اي حاجة تانية غير الجولف فعلا بيتغيرلة عفشة لكن الجولف باذن الله تشيل مشلازم تغير عفشة

لا ماتور جولف برضة

**mahmoud_anwar** · 14-04-2011 09:41 AM

المشاركة الأصلية كتبت بواسطة ashraf_fawzy

كل الي افتكرو عن الجولف من زمان انواع ال 1800 16v
1- بي بي موتور حامي جدا مش زي اي موتور محتاج تجريه علطول جاهز 135 BHP
2- ار في موتور هادي في الاول لحد ميسخن ويتجنن 139 BHP

والموتور الوهمي جدا (( 1800 8v 160 bhp )) اسمه : G60 الموتور ده يوازي 2200 CC

الله ينور ياباشا

**mahmoud_anwar** · 14-04-2011 09:50 AM

المشاركة الأصلية كتبت بواسطة midooz

بص يا باشا
مبدئياً أهلاً بيك في قسم فولكس و نورت عالم الجولف :)
موتور ال pb من المواتير اللي كانت بتنزل في الجولف 2 ال gti و هو موتور سعته السلندرية 1800 سي سي و قدرته الحصانية 115 حصان و هو 8 صباب إنجكشن و هو يشتغل تمام على عفشة الجولف ال 1600 بس لو عربيتك أصلاً كانت 1300 فأكيد اللي سقط الموتور غير عفشة معاه ... على فكرة الموتور ده حامي و جراي و سحبه جميل بس أهم حاجة تخلي بالك دايماً من الزيت بتاعه و إعمله صيانته دورياً و هو هيعيش معاك
ربنا يباركلك إن شاء الله

تمام بما انك الوحيد الي افدتني في الموضوع ده انا عندي مشكلة حاليآ مخلياني شكلي هبيع العربية
وهيا كهربا العربية
الاول الاعربية كانت بتعلي وتوطي لوحدها تمام ولما بهدي تبطل
رحت لي الميكانيكي غيرنا اي دي واسبرتير تمام العربية فاقت جدآآآآ
روحت وتاني يوم خدت مشوار طويل لقيت العربية علي التاني تتخنق وتقوم فاتحة
روحت لية تاني قعد يظبط في الاسبراتير يمن وشمال والسحب بقا جامد اوووي
اخد مشوار طويل واقرص علي التاني كده اخلية يجب 100 القي العربية سحبها بيقل تاني وبدقت تتخنق
بقت احس يا هو مش عارف يظبط الكهربا ياهيا عين
ايه الحل مع العلم انا ظبطة شوية بي ايدي الاسبراتير بس عايز اجيب زي مافك كده علشان افتحلها شوية هو من فلتر الهواء انا بدقت اظبطها بي ايدي احسن ما اروحله واجيلة تاني يوم اجة خنقتني تعتقد العيب في ايه ؟

**mohsen_tiger** · 14-04-2011 11:20 AM

انا معاية جولف 1 1800 بي بي برضو واوتوماتك كمان والعربية كابورليه بصراحة الماتور ده نضيف اوي وبتاع جري جدا وهوة اسمه كدة عادي نازل من الجولف وفي ماتور حلو اوي للجولف 2 بتاع جري برضو 2000 edy وفي ماتور برضو مش موجود كتير اسمه 1800
turboوالماتور الوحيد اللي لو هتركبه عالجولف 2 لازم تغيرلها عفشة وتركب عفشة 4 هوة vr6 الماتور ده معرفش كام سي سي بس تقريا 3500 وهوة 6 سلندر طبعا الماتور لو ركب على الجولف 2 بعفشتها العربية هتطير في الهوا لان الماتور بتاع جولف 3 وبتنزل برا بمواصفات خاصة فلما بيجي هنا استيراد ويركبوه عالعربيات اللي هنا بيبقى تقيل عليها اوي فعشان كدة اللي بيسقطه بيغيرله عفشة

**mohsen_tiger** · 14-04-2011 11:26 AM

والمشكلة اللي بتقول عليها دي ممكن متطلعش كهربا وممكن اوي تكون طرمبة البنزين وممكن تكون من الكمبيوتر روح السلام طلاما عربيتك بتمشي في السلام هيعالجولك المشكلة