الموضوع: ** -- الحـــدفــة و ضبــــط الزوايـــــا و درش -- **

أنا يوم الجمــعه إتفقت أنا و أستاذ محســـن و المهندس محمد أبو العلا نروح نجـــرب ضبط زوايا عند أبو درش :) قولنا أه نجرب خاصة إن تقريبا إحنا كنا زهقنا من موضوع الزوايا ده و تعايشنا معه من كثر ما بتوع الزوايا إللى روحنالهم كانوا بيفتــــــوا و يعكوا معانا عك يخليك تكره اليوم إللى فكرت تضبط فيه زوايا

صراحة للأمانة أكثر حد كان أمين معايا فى الزوايا قبل كده قالى ده أخرى و سيبها على كده ده كان خالد إللى شغال فى بركة (أكيد معظمكم قرأ الحكاية دى زمان)

المهم قولنا نجرب درش و نشوف إيه الأخبا ر :
-----------------------

روحنا للورشة إللى فى المطرية لأن الجهاز الموجود بها أحدث من الورشة إللى عند بدر + إن أبو درش موجود بنفسه هناك يعنى هايقوم بالواجب إن شاء الله

عربيتين واجا + عربية ويرا ---و إحنا هناك طب بالصدفة علينا عربية إلينترا كمان (شريف المصرى :twisted: )

المهم أبو درش إستقبلنا أحلى إستقبال و فضلنا عنده لحد ما قام بالواجب و زياده و الراجل كان مصر يغدينا كمان :)

العربيتين الواجا إتظبطوا و إصحابهم همه إللى يحكموا مش أنا لأن زمانهم جربوا و يقولوا أحسن منى

أنا أتكلم على عربيتى :-
=====
أولا الجهاز إللى عند درش حاجةمحترمة جدا Hunter With Infra Red
درش ظبط زوايا و نجرب --لسه بتحدف
رجعنا تانى على الجهاز لحد ما صفرنا الزوايا تماما و نجرب برده العربية بتحدف !!!

طبعا درش بقى على أخره و أنا أقوله أنا معاك للآخر :) و محسن و المهندس محمد يقولوا يا عم دى شكلها كده هههههه المهم الراجل قال مفيش عربية إسمها فيها عيب ده 1+1 = 2

بدلنا العجل الأمامى اليمين شمال و الشمال يمين ---- لسه بتحدف

رجعناه تانى لسه بتحدف :) -----

قالى آخر حاجة هانبدل الخلفى أمامى لسه بتحدف

بدلنا الأمامى إللى جبناه من الخلف يمبن مكان شمال -------------------------------------------------

هنا العربية إتظبطت :) أخيــــــــــــــــــــــ ــــرا

طب إيه يا عم درش كده العيب فين ؟؟

قالى العيب فى الكاوتش لأن إحنا ظبطنا الزوايا على الجهاز تماما و بعد تبديل الكاوتش إتظبطت العربية

و عادة العيب إللى فى الكاوتش ده من سوء تخزين أو ما شبه :) المهم الراجل كده قام بالواجب و زياده و عمل إللى مفيش واحد بتاع زوايا عرف يعمله معايا و كمان سنتر الطارة كانت معووجة و محدش عرف يظبطها صح برده :)

أنا إستنيت مردتش أكتب الوضوع إلا لما أتأكد من الحدفة و أنا رايح الشغل الصبح ماشى لحد 140 العربية ذى الفل ثبات و حدفة و إتزان

و كمان كنت حطيط نيتروجين خلى العفشه أنعم و أحلى :)

تســــــــــــــــــــــل م إيدك يا أبو درش :)