سيارتى ام 11 اتسرقت من التوكيل بالاسكندريه تكنوسيرفس 4

**CryptonX** · 12-04-2011 02:50 PM

ابعت شكوى كمان لشيري في الصين :

helpdesk@mychery.com　

**katoba** · 13-04-2011 12:38 AM

انا مع موضوع الشكوى للصين دة واعتقد اى واحد محترم بيخاف على سمعته هيعملك الف حساب ويخلصلك حوارك لان الموضوع مفيهوش هزار دة يتسحب منه التوكيل فورا , توكل على الله وامشى فى الاجراءات وبكرة كلنا نقف معاك ونجيبلك حقك !!

**Elawany13** · 14-04-2011 04:39 PM

ان شاء الله هتاخد حقك
توكيلات اخر الزمن

**د.محمود صلاح** · 15-04-2011 05:21 PM

لا حول ولا قوة إلا بالله

أولا هي اتسرقت من داخل التوكيل يبقى مسؤوليتهم

ثانيا اتسرقت أثناء ظروف الثورة كما هو واضح من التواريخ
يبقى من حقك تطلب تعويض من لجنة صندوق التضررات اللي اتعمل بعد الثورة

وربنا معاك ويوفقكم لإسترجاعها

**abudoh2006** · 16-04-2011 08:54 PM

النهاردة كنت فى تكنو سرفيس و سألتهم عن الموضوع ده من اكتر من واحد
ونعرف منهم ايه الحكاية بالضبط

اولا: العربية متسرقتش من التوكيل العربية اتسرقت من مركز سمكرة و دوكو التوكيل متفق معاه لأن الدنيا كلها عارفة ان التوكيل ده مش شغال فى السمكرة و الدوكو ودى اول غلطة

ثانيا: العربية اتسرقت فى احداث الخميس و الجمعة اللى بعد الثورة و كلنا عارفين الهوجة اللى حصلت فى الاسكندرية و خصوصا منطقة محرم بيه اللى فيها مركز السمكرة

ثالثا: العربية موجودة دلوقتى بس البهوات البلطجية سرقوا كل اللى فيها طبعا كلنا عارفين البلطجية بيعملوا ايه

رابعا: العربية مش بتاعت حضرتك حسب ما قالوا حضرتك كنت سالفها من واحد صاحبك

خامسا: للأسف التأمين لا يغطى لا احداث الشغب و لا ان شخص غير مالك العربية هو اللى كان سايق العربية يوم الحادثة

الاهم انا بشرح بس الموضوع للايضاح مش مع اى طرف بس بالعقل لما التوكيل يقولك العربية هتتكلف عشرين الف جنيه و قطع الغيار مش موجودة و هتتصلح فى تلات شهور تفهم انته ايه اكيد انك تروح مكان تانى

على العموم ربنا معاك و يعوضك عنها خير ولو ليك حق تاخده ان شاء الله

**ayman66** · 16-04-2011 10:28 PM

المشاركة الأصلية كتبت بواسطة hossam_nasr

قدر الله و ما شاء فعل
انا بنصحك انك تجيب العنوان الالكتونى لشركة اسبرانزا فالصين و ابعتلهم شكوتك و صورة الوصل اللى استلمو بيه العربية و توكل على الله و شوف ردهم حيكون اية و ان شاء الله حيتصلو بيهم و حتلاقى الموضوع اتحل باذن الله
انا كان معايا mk و التوكيل كان فى منتهى الاهمال و مش عايزين يصلحوا اى حاجة فالعربية و بيحطو قطع غيار قديمة و لما راسلت الشركة فالصين لقيتهم بيتصلو بيا و اتغيرو 180 درجة
انا عارف ان حالتك مختلفة عن حالتى بس يمكن لما تفضحهم يخافوا زي بتوع توكيل جيلى mk
ربنا يعترك فيها

توكيل mk هل هو توكيل توب جير او هورس موتورز --ارجوا الرد --متابع بأهتمام!!!

**islamnasser10** · 17-04-2011 01:29 PM

المفروض اي توكيل محترم يحصل معاه موقف زي ده
يديلك عربية جديده غيرها من غير ماتطلب اصلا لان ده حقك او تاخد فلوسها كامله
وقبل العربية او فلوسك اعتذار عن اللي حصل
هو ده الصح اللي ميختلفش عليه اتنين
مش يقولولك خد اجراءاتك القانونية
ربنا معاك وتاخد حقك من عنيهم وتطلب تعويض كمان