سيارتى ام 11 اتسرقت من التوكيل بالاسكندريه تكنوسيرفس 4

**ALshahba** · 17-04-2011 01:33 PM

^^^^^^^^^^^^^^^^^^^^^^^^^
+1

**hosammoner** · 17-04-2011 02:11 PM

ربنا يعوض عليك ويعطيك احسن منها و ماتتهاونش معاهم ابدا بكل الطرق

**emad7759** · 18-04-2011 03:18 AM

المشاركة الأصلية كتبت بواسطة abudoh2006

النهاردة كنت فى تكنو سرفيس و سألتهم عن الموضوع ده من اكتر من واحد
ونعرف منهم ايه الحكاية بالضبط

اولا: العربية متسرقتش من التوكيل العربية اتسرقت من مركز سمكرة و دوكو التوكيل متفق معاه لأن الدنيا كلها عارفة ان التوكيل ده مش شغال فى السمكرة و الدوكو ودى اول غلطة

ثانيا: العربية اتسرقت فى احداث الخميس و الجمعة اللى بعد الثورة و كلنا عارفين الهوجة اللى حصلت فى الاسكندرية و خصوصا منطقة محرم بيه اللى فيها مركز السمكرة

ثالثا: العربية موجودة دلوقتى بس البهوات البلطجية سرقوا كل اللى فيها طبعا كلنا عارفين البلطجية بيعملوا ايه

رابعا: العربية مش بتاعت حضرتك حسب ما قالوا حضرتك كنت سالفها من واحد صاحبك

خامسا: للأسف التأمين لا يغطى لا احداث الشغب و لا ان شخص غير مالك العربية هو اللى كان سايق العربية يوم الحادثة

الاهم انا بشرح بس الموضوع للايضاح مش مع اى طرف بس بالعقل لما التوكيل يقولك العربية هتتكلف عشرين الف جنيه و قطع الغيار مش موجودة و هتتصلح فى تلات شهور تفهم انته ايه اكيد انك تروح مكان تانى

على العموم ربنا معاك و يعوضك عنها خير ولو ليك حق تاخده ان شاء الله

انا طبعا اسف فى اللى هقوله ليك

يعنى ياخى الكريم انه معنا كلامك كده انه يعوض عليه ربنا ولا ايه مش فاهم كلامك

هيا اتسرقت من التوكيل ولامن مركز السمكره

هما واحد وهى كده كده التوكيل العربيه على ذمته وبعدين هى بتاعته ولاسلفه ايه المشكله

هل طالما العربيه مش باسمه يبقا يحق للتوكيل انه ميديش للراجل حقه

انا اقول لصاحب المشكله ياسيدى الفاضل

جهاز حمايه المستهلك اليومين دول بيحمى

التوكيلات وليس احنا انا شاكى من اربع

شهور علاشان اخش لجنه فحص

وكل لما اروح ليهمالاسبوع الجاى وشكرا

والى الان المشاكل زى مهيا الاول كنت تقول حمايه يجره ويجيبه قطع الغيار من خط الانتاج

فياخى الكريم توكل على لله وقدم بلاغ الى

النائب العام واعمل محضر فى القسم ضض

حمايه المستهلك لانهم كدا وقفين مع التوكيل

وليس معاك وقلب الدنيا وكل يوم ابعت تلغرفات الى

النائب العام علاشان تاخد حقق

انا عن نفسى ان شاء لله انا هرفع قضيه على التوكيل
وعلى حمايه المستهلك لانهم الان بيحمه التوكيلات وحسبنا لله ونعم الوكيل فى كل ظالم
لا

**egypt0777** · 18-04-2011 08:01 PM

قدر الله وما شاء فعل

اللهم اخلف عليك بالخير

واللهم انتقم من ابو الفتوح و اعوانه

**ALshahba** · 19-04-2011 03:28 AM

^^^^^^^^^^^^
ااااميييين يارب

**abudoh2006** · 30-04-2011 09:34 PM

لا انا مش مع التوكيل الموضوع كله انى حبيت لما نعرض مشكلة نقول كل اللى فيها عشان نفهم اكتر و نقدر نوصل لحلول اكتر

**warfighter2114** · 07-06-2011 02:09 AM

شكرا لكل اخوتى المشاركين معى مصيبتى وباذن الله ربنا حيعوضنى فى الدنيا او الاخره لانى مش مسامح فى حقى وحسبى الله ونعم الوكيل
النقطه الاولى:انا فعلا راسلت توكيل شيرى فى الصين والشركه ردت عليا انها سوف تبحث الموضوع ومازالت حتى الان تبحث حاجه تكسف وضعف الشركه مخلى التوكيل يتعامل بسياسه زى الزفت مع المستهلكين
النقطه الثانيه:تعويض الحكومه كان كام باكو فى عربيه دافع فيها الاف يبقى اخد حقى من التوكيل النصاب بالمحاكم انا حبالى طويله الحمد لله
النقطه الثالثه:التوكيل قالى بعد سرقه السياره خد اجراءاتك وانا اخد اجراءتى يعنى اضرب دماغك فى الحيط بدل ميهدينى ونتفق ونتراضى اصل هما وخدينها عافيه
النقطه الرابعه:التوكيل يقدر يصلح هياكل ليه يطلع العربيه فى مكان غير امن ومن غير اى ضمانات على المكان ده واسمه المصريه الاوربيه فى محرم بيه الاسكندريه
النقطه الخامسه انا لجات لله ومن بعده القضاء وجهاز حمايه المستهلك والماده 9 من قانون جهاز حمايه المستهلك بيلزمهم برد السياره مهما كان والموضوع الان فى يد امينه باذن الله
النقطه السادسه اخى الكريم الى سال عن الموضوع فى التوكيل عن القصه سواء كنت شحتها او استلفتها دى مش قصتهم انا ليا عربيه عندهم بورق رسمى وملزمين يردوهالى وعلى فكره صاحب العربيه هو الى حيخدها مش فارقه
توكيل يقعد عربيه 6 شهور ويرفض يعوض ده قذاره وفساد ولازم منسكتش عشان ميتكررش