عرض للطباعة
السلام عليكم
انا والله لسه جديد في المنتدي ده بس بصراحه بقالي فيه 6 ساعات عمال اقلب وكده وبصراحه قربت اتجنن :crying2:
دلوقتي انا رايح ادفع مقدم سيراتوا خليجي بعد كام يوم كده انشاء الله بس في الناس هنا بتقول مشاكلها كتير اوووووووووووي
زي مثلا العفشه والبلاليين وال جنوط الي انا مش فاهم ايه الفرق بين 16 و 17
وحكايه السرقه دي مثلا الي انا اخاف انزلها مصر لتتسرق
وحكايه النيتروجين وكذا حاجه كده ياريت تفيدوني دي اول عرابيه اجيبها ومش عاوز اكرهه العرابيات الله يخليكم
وشكرا
يااااااااااه ياباشا دة انا قعدت الف فى المنتدي هنا تلات شهور على ما خدت قرار الشراء .. تخيل انى وصلت لصفحة 110 في منتدى كيا
لو محتار أجل الدفعة شوية وصدقنى المنتدى مليان مواضيع مفييييدة جدا ... لف فيه واقرا ردود الناس وتعليقاتهم وبعدها هتعرف تاخد القرار صح
وان شاء الله الرجالة تفيدك بلينكات سريعة كده للمواضيع المهمة
اتقضل يابشا ادخل على لينك اهم المواضيع
http://www.nilemotors.net/Nile/164313-a.html
ان شاء الله هتلاقى كل حاجة واى استفسار ان شاء الله احنا موجودين :)
المشكله ان السيراتوا شكلها حلو اوووووووووووي ومليانه في مصر
وبعدين سعرها مناسب ليا اوي يعني 52200 الف ريال دي حاجه تحفه
يا عم توكل على الله انا كنت بلف زيك كدا كتير وكنت محتار وقعدت تقريبا 2 شهر وبعدين توكلت على الله العربيه زى الفل بس خلى بالك من الطريق متجريش عليه علشان العربيه خفيفه جدا على الطريق وربنا يباركلك فيها