السلام عليكم
ركبت جهاز انذار اسمه فوما عشان الريموت بتاع الانذار بتاعى باظ والنسخة التانية كانت ضاعت مني . وروحت اغير الريموت قالي سعره 180 للريموت فقولت اركب انذار جديد احسن .
اولا ركبته في شارع دمشق بسعر 240 بالتركيب واكتشفت انه في التوفيقية بي 160
ثانيا المدى بتاعه زبالة . يعني لما تبعد عن العربية حوالى 10 متر استحالة يلقط
ثالثا هنج معايا مرة واحدة وانا لسة مركبه من حوالة 10 ايام . لقيت العربية عمالة تصوت ومش عايزة تسكت ونزلت عشان اطفيها لانه مش لاقط من البلكونة ( انا ساكن في الدور الاول ) . وقفت قدام العربية ودوست على كل الزارير اللى في الريموت ولا يوجد اي استجابة . حوالى دقيقتين من المحاولات لغاية لما وقفت .
روحت سالت واحد فني في التركيبات قالي انه جهاز مش كويس وعيبه انه بيهنج ( من غير ما احكيله على الواقعة دي ) ولما يهنج لازم تفك الفيشة من الجهاز وتركبها تاني .
الخلاصة
1- مانصحش حد بيه
2- التوفيقية ارخص الاسعار وبعدين احمد سعيد وبعدين دمشق
وعوضي على الله
