-
الايرباج
سؤال رفيع بخصوص ايرباج اللوجان
امبارح كنت مروح مع واحد معايا في المكتب بعربيتو لانسر بومة من غير ايرباج و خارجين من شارع على شارع اتجاه واحد الاقيلك واحد بفيزبا جاي عكس و في نص الشارع و بسرعة رهيبة و هببب في الاكصدام من قدام
قعدت افكر لو دي حصلت في اللوجان كان ممكن الايرباج تفتح ولا لأ لأن العربية الحمد لله مثلا محصلش فيها غير ان الاكصدام محتاج يتثبت بس مش اكثر بمسمار لكن لو حصلت في لوجي و الايرباج فتح هتبقى مشكلة
ملاحظة: الفتايين يمتنعون
-
ايرباج بيفتح عند مستوى معين للصدمة وكمان حسب موضع الصدمة و مش كل خبطة الوسادة هتفتح والا ما كانوش عملولها حساسات و كمبيوتر و ابحاث
-
مش أي خبطه في الإكصدام حتخلي الإيرباج يفتح لأن الموضوع معقد وله حسابات كتير مع إنها بتفتح في كسر من الثانيه و عموما هو مرتبط بشدة الصدمه و مكانها أكيد مؤثر في تشغيل الحساسات بتاعتها. و ربنا يسترها معانا جميعا.
-
الأيرباج ده فطشه: انا خبطت في تاكسي فالعربية حدفت على الجزيرة
ومن ستر ربنا عليا ان كان في عمود صدني اني أعدي السكة على المقابل، كل القصة دي والأيرباج ما فتحش
انا طلعت سليم بس الرفرف اتخرشم والفانوس الأمامي و الأكصدام اتكسروا والكبوت أتكبس
الحمد لله انا صلحت كل ده بس لما سألت في التوكيل
قالي ان الحساس ما بيشتغلش غير لما الخبطة تبقى جامدة جدا بحيث تبقى كبست الشاسيه فيقفل الدايرة بتاعت الحساس
أسف على الأطالة
-
انا عارف ان الايرباج مبيشتغلش غير في الخبطات الجامدة و الحساس و قرايته و كل الكلام ده لأني مهوس بحاجة اسمها Safety بس اللي خلاني اسأل ان والد صديقي معاه باسات 2010 و خبط القنطرة في غطا بلاعة ففتحت الايرباج لأن الصدمة وصلت للحساس و كنت مستغرب جدا فحبيت بس اتأكد
شكرا للردود
-
الايرباج بيشتغل علي مستويين ده كلام مهندسين التوكيل مرحلة اولي بيشد الحزام ولما الخبطة توصل لمرحلة معينة بيفتح الايرباج لكن مش من حاجة بسيطة تفتح يعني
-
بص ياباش الايرباج بتشتغل عند مستوى وعين من الصدمه وهو تقريباً لما تمشى بسرعة 50 كم/س وتخبط فى جسم ثابت امامك مباشره
Content Relevant URLs by
vBSEO 3.6.0 PL2