الموضوع: شكلها كده قطمه دريكسيون

شكرا لكل النصائح يا جماعه

المشكله اني مشغول جدا اليومين دول ومش عارف هاروح امتى عشان كده كنت بسال اذا كان ها يحصل ضرر من المشي عليها كده ولا لا

ربنا يستر اول ما افضى ها احاول اروح

انا كمان اصلي مش بحب اروح التوكيل كتير لاني بتخنق من ان الواحد يبقى مش فاهم هو بيعمل ايه ويقولك كله تمام يا باشا ولازم بقى تبقى رخم وتشرح بالتفصيل ولو تقدر كمان تدخل تركب انت قطعه الغيار وكمان اسلوب سواقتهم للعربيه مش بيعجبني وكل مرة العربيه تطلع لازم ادخلها تاني عشان ينظفوا الدريكسيون من شحم ايديهم بالرغم من ان البلاستيك اللبيركب عليه بيكون مرمي في الدواسه

فعشان كده عايز اروح وانا نفسيا مرتاح عشان بالي يبقى طويل عليهم وما اتعصبش

شكرا مرة تانيه

المشاركة الأصلية كتبت بواسطة mohamed_hosny

معلش يا بسام عندي سؤال: هي عربيتك نوعها أيه صني ولا تيدا ؟
وياريت لو حليت مشكلة قطمة الدريكسيون تقولنا عشان نعرف العيب كان فعلاً في قطمة الدريكسيون ولا لأ ؟ وبرضو نعرف أتحلت المشكلة ولا لأ ؟ وربنا يبارك ليك في عربيتك يارب ويحفظك آمين يارب

وبعدين السؤال التالي موجه للأعضاء كلهم : أنا عايز افهم ايه قصة قطمة الدريكسيون دي ؟؟ هي العربيات بقت بتنزل جديدة فيها العيب ده ولا أيه ؟ لأني قرأت موضوع لأحد الاعضاء لسه عامل صيانة الـ 1000 لنيسان صني ( العربية جديدة ) وطلع برضو عنده مشكلة قطمة دريكسيون . فأنا عايز بس أفهم المشكلة دي لو حد يقدر يفدنا وبتتحل أزاي ؟

شكراً ليكم ودمتم سالمين

انا علربيتي تيدا 2010

وموضوع القطمه ده على حسب ما فهمت انها حاجه في عمود الديكسيون ملحومه لحام خفيف عشان في حاله الحوادث لا قدر الله تنكسر والدريكسيون ما يدخلش على السائق ويسبب اضرار جامده

واعتقد ان العيب ده بيظهر ندنا في مصر عشان اللحام اللي معمول ممكن يكون مش بيستحمل مطبات شوارعنا اللذيذه

عشان كده اعتقد انهم بيلحموها بشكل اقوى في التوكيل عشان ما تنكسرش تاني بس الله اعلم ده بقى بيلغي فايدتها بانها تنكسر في الحوادث ولا لا مش عارف