الموضوع: إيه هو أطرف و أرخم موقف قابلوك و أنت بتسوق .. ؟!

هما موقفين ... واحد رخم جدا جدا و التاني ظريف نوعا ما :
الاول
على طريق الامارات ماشي انا ووالدي بالعربيه من ابوظبي لدبي واللي شاف فيكم الطريق ده هيعرف يعني ايه عربيه بتطير عليه ... 12 حاره رايح جاي و الرادار بيمسك من 160
.. يعني تجري براحتك ولا حد يقولك انتا فين اراضيك
المهم انا واخد الطريق من على الشمال وعلى 150 تقريبا (آخر حاجة في العربيه اللانسر 155 اوتوماتيك) ... لقيت واحد من اول حاره في اليمين بيجري و عامل فيها فيلم Gone in 60 Second وطاير ما بين الشاحنات والنقل مع ان الطريق فاضي ...
حقيقه ... لو قارنا ما بين سرعتي و سرعته ... انا كنت بالنسبه له (واقف) .. يعني ممكن تقول انو ماشي 240 مستريح .... إذ فجأه ... الكوتش بتاعه فرقع ... جمييييييييل ...
قلت وانا مالي يا عم خليك في طريقك ... المشكله ان الطاسه (غطا الكوتش ) طار وقاعد بيلف زي المنشار و جه على الحاره بتاعتي و ماشي في اتجاهي ... جيت اتفاداه
لقيت الاخت الكريمه (العربيه) عومت جااااااااااااامد وبقيت ماشي بعرض حارتين .. ربنا ستر وقتها انها متقلبتش و اني بدل ما ادوس فرامس دست بنزين (مش فلسفه ولا حاجة بس علشان كنت مرعوب اشيل رجلي اصلا) قامت العربيه عادله نفسها تاني على الطريق ولا كأن في اي حاجة (آل الواد سواق درجه اولى مفيش منو ) ... ربنا ستر ... المهم انا جاي بكمل الطريق لقيت والدي بيقول على جنب يا كابتن .... ليه ؟ .... رخصك يا حبي ... ليه ؟ ... اركن على الجنب بقولك .... طيب ...
ركنت و بدلنا الماكن وخد الرخصه بتاعتي و فييييييييين بعد شهر على ما رجعهالي تاني

الموقف التاني
كان في امتحان القياده في مصر ... وواحده ست او بنت (مش عارف) المهم جايه بعربيه لانوس لسا جديده نوفي باكياسها وموديل السنه و جايه تمتحن بيها ...
المهم الضابط دخلها وقالها اتفضلي و شالو العربيه النقل اللي الناس بتمتحن عليها ... المهم بدايه الاختبار مشيت كويس اوي ... بس لسبب مااااااااااا (لا يعلمه إلا الله) لقيتها بتنقل على التاني ... و ابص الاقي العربيه بتجري منها ورايحه على المكتب بتاع الضابط المراقب و هوبااااااا ... البنت كسرت الدركسيون على آخر لحظه ... والله ولا الراليات قامت العربيه لافه 180 درجه ومعفره على الضابط و متجهه فيييييين ؟؟ ... علينا احنا الناس اللي هتمتحن والناس اللي بتتفرج يجي 200 واحد ... طبعا كلهم شايفينها الناس كلها طلعت تجرييييييييي جري وانا واقف وكل شوية بقول .. هتقف ... اكيد هتقف ... هتقف ... لازم تقف ... انا واقف على رصيف تقريبا ارتفاعه نص متر اسمنت تقريبا ... في الآخر واحد وهوا بيجري خبطني فساعتها فوقت ... البنت دي انتحاريه ... كاميكازاااااا ... اجرييييي ... دخلت في الرصيف بكل قوتها و العربيه نطلت فوقه (معرفش طلعت ازاي اصلا) و الكوتشين اللي قدام ثبتو العربيه و قامو ساحبينها على الرصيف من على البادي (طبعا الكوتشات اللي ورا كانت على الهوا) فاجزاء المتور اللي تحت اللي كانت شايله الليله كلها ... العربيه طلعت و هواااا ... بوم .... دخلت في عمود شايل كبري كان جنب منطقه الاختبار ... العربيه اختفت معالمها تماماً من قدام ... وهيا حاضنه الدركسيون يمين بالله ما تسيبه رعب بمعنى الكلمه ... المهم الناس طلعوها وفوقوها شوية و البنات و السيدات اللي كانو موجودين هونو عليها شوية الموضوع ... إلا والأخت رايحه تقول للضابط و النبي فرصه تانيه بس .... لقيت الضابط فتح قاموس الشوارع و اداها من المتنقي خياااااااره ... وهاتك يا شتايم بالاب و الام و لو شفتك تاني انا هسجنك و على جثتي لو شفتي رخصه اصلا ... وفين على ما عساكر الامن هدو الضابط .... طبعا البنت اتصلت بناس علشان ييجو يشيلو بواقي العربيه (اللي كانت جديده والله )

وبس
تحياتي

الموقف اللى حصلى كان تانى مره اسوق فى حياتى كنت بتعلم مع راجل بيعلم السواقه على عربيته عربيه غريبه كده ميتسوبيشى موديل سبعينات ..المهم المره دى انا كنت بتعلم فى راس البر لانها بالنسبه لنا فى دمياط فى الشتا فاضيه ... بعد ما خلصت التعليم ...وانا مروح دمياط الراجل برضه كان نازل دمياط ...قاللى تعالى سوق ..نعم ..لالا .بلاش يلا تعالى
يعنى تانى مره اسوق فى حياتى عايزنى اسوق على طريق سريع هو طريق راس البر دمياط حوالى 15 ك...اتجاه واحد حارتين على اليمين ارض زراعيه وعللا الشمال النيل ..ايوه جسر النيل من غير اى اى فواصل ولا اى حاجه يعنى كام سم شمال هوب على النيل sleep with fish
سوقت على الطريق والعمليه تمااام وبعدين فى نص الطريق فى كوبرى علوى حوالى 3 حارات بالضبط والكوبرى واخد منحنى للشمال صعب جدا ...المهم وانا واخد الكوبرى فى اوله كنت على حوالى90 وقدامى عربيه على اقصى اليمين ماشر براااااحه ..الراجل قاللى عديه مش مشكله ....
بدات اتخطاه شمال ...تمام ..وانا فى بدايه النص التانى من الكوبرى يعنى المرايا ماتجبش اللى جاى من ورا بسرعه حصل اللى كنت خايف منه ....عربيه شيفروليه دبابه سايقها واحد مجنون بيجرى
وظهر فجاه لان المرايا ماكانتش جايباه ودخل على شمالى وراسه والف سيف يعدى دلوقتى مش يستنى لما ان اعدى وافتحله السكه وانا بعدى اللى على اليمين
انا توقعت انى هاريح على اليمين واخد اللى على يمينى وهوووب من فوق الكوبرى والمفروض انى هارتبك بس الحمد لله ربنا نزل عليا هدوء اعصاب عمرى ماحسيت بيها ..ومسكت الدركسيون جامد وفضلت فى النص لا يمين ولا شمال ..لحد ماعدى الدبابه وطبعا اخدله شتيمتين بس كان موقف صعب جدا

..mokhtar..

عزيزى حاتم سليم انا بصراحه مش فاكر اللى على يمينى جراله ايه لانى كنت مشغول فى شتيمه المجنون الل ىراكب الدبابه وتقريبا اللى على يمينى كان بيشتم فينا احنا الاتنين

..mokhtar..