الموضوع ببساطة عاوز اعرف هل فى طريقة سهلة وسريعة فى حالة ان البطارية فى العربية الاوتوماتيك مش عاوزة تدور العربية لضعف الشحن بها ...؟
لانه عندى حصل الموضوع ده مرتين قبل كدة مع العلم ان الشحن عندى كويس والبطارية سليمة ، لاكن فى المرتين دول حملت كهرباء زيادة على العربية من تكييف وكاسيت ووقفة كتير بدون تحرك .
فهل ممكن يكون فى جهاز أو بطارية صغيرة مثلا زى بتوع الموتوسيكلات ممكن اشتريها واحتفظ بيها عندى للمواقف دى ...؟
متاااااااابع ..
اقتباس:
المشاركة الأصلية كتبت بواسطة No Comment
فى حاجات بتشتغل عن طريق توصيلها بالولاعة وفى حاجات بتتوصل بالبطارية بس بتكون اكبر شوية
portable battery jump starter
Black & Decker Simple Start - KFVS12 News & Weather Cape Girardeau, Carbondale, Poplar Bluff
2000 Peak-Amp 12-Volt Jump Starter
Portable jump-starters, jumper cables
كنت شفت اعلان فى موقع مصرى قبل كدة عن موضوع توصيل حاجة بالولاعة مش فاكر فيين ... واللينكات اللى حضرتك حاططها كويسة بس غالية وكمان انا عاوز حاجة تكون مجربة من حد من الاعضاء هنا .اقتباس:
المشاركة الأصلية كتبت بواسطة m.elwan
حاجة تقدر تقوم العربية فقط ... يعنى مجرد تشغل المارش بس مش أكتر ولا أقل .
إليكم الجديد فى هذا الموضوع
عشان خاطر حبيبى نوكومنت
سعادتك بتشترى 3 متر سللك كهرباء بقطر 10 مم
كل متر ونص لوحده
وتشيلهم فى الشنطه
أى سواق تاكسى معدى من جنبك
يديك وصله وتديله خمسه جنيه
وهيبقى مزقطط عالآخر
وأى خدمه ياعم الحج
هوه أحنا بتوع أجهزه وكلام من ده :)
آه أخر حاجه خللى الكهربائى يشيك لو فيه حاجه مسريه فى الكهربا
هيا كده البطاريه بايظه يأما الشحن بتاع الديناموا مش كويس يأما القطاش الارضي تحتيه ملح فمش مخالي البطاريه تشحن كويس عموما ياباشا حضرتك لازم لازم تجرب كهربائي تاني لان الجاز اللي بيكشوفا بيه دا ممكن يكون بايظ و هو مش عارف او بيديه قرايه غلط لانه بيتأثر بالرطوبه اكتر حاجه و بيبوظ بسرعه
جرب كذا حهربائي و ماتعتمدش علي واحد بس
فيه الجهاز دهhttp://www.hzproduct.com/iupload/578...harger-277.jpg
عندي منه بس مش نفس الشكل ده بيتشحن في البيت وبيتساب في العربيه لوقت الاستخدام و ممكن تشحنه في فيشة الولاعه جبته ب25 دولار بسمش عارف فيه منه في مصر ولا لأ
حبيبى أبو حنين الغالى ... فكرتك هى نفس طريقة التوصيل بالكابلات الكهرباء لاكن انا عاوز جهاز او بطارية علشان لو ما لقيتش حد أصلاً اوصل منه .اقتباس:
المشاركة الأصلية كتبت بواسطة tarekzein
كمان انا جربت وصلات كابلات جاهزة قبل كدة وطلعت تعبانة وبعد كدة اكتشفت ان اللى عند الكهربائية افضل بكتير من الجاهزة .
ازيك يا سيد وليد خبير النيسان الاستراتيجى ... البطارية سليمة والشحن 14 أمبير تمام لاكن بدأت أحس ان لما بشغل التكييف مع تشغيل الكاسيت فترات طويلة مع وقفة كتيرة بدون تحرك البطارية بتضعف .اقتباس:
المشاركة الأصلية كتبت بواسطة walidadel
شاكك فى شغل كنت عملته فى ضفيرة التكييف من فترة يكون فيه حاجة مهربة .
ايوه انا عاوز حاجة زى الجهاز ده لان سعره معقول ... بس ياريت يكون شغال بكفائة .اقتباس:
المشاركة الأصلية كتبت بواسطة me5ooo
هل من جديد فى هذا الموضوع :up: ....!
أسف للتأخر ياعمي في متابعة الموضوعاقتباس:
المشاركة الأصلية كتبت بواسطة No Comment
بتضعف ولا بتفصل خااااااالص مش بتقوم المارش و بعدين شغل ايه اللي حضرتك عملته في ضفيرة الكهربا بتاعة التكييف و البطاريه بقالها اد ايه اصلا في العربيه و نوعها و جافه ولا سائله معلش اسئله كتير
عموما ياباشا حضرتك تنزل شارع دمشق هتلاقي جهاز بتشحنه من البيت و فيه كابلات زي بتاعة التوصيله بالظبط بتدي لقطه للعربيه و تدور معاك حلاوه
الجهاز دا صيني و هو معاه حاجات كتير كشاف و حاجات زي كده
http://img16.imageshack.us/img16/507...75uc896285.jpg
هو نفس الفكره كده معلش بقي دور عليه عند المحلات بتاعة الكماليات الكبيره السجان او في محل بردوا بعد نافع علي الشمال كده يعني او ممكن كارفور المعادي او سبينز سيتي ستارز بتلاقي في قسم العربيات حاجات غريبه و كتيييييييييير ... ارجو اكون افدتك
و بعدين الكابلات ظريفه علي فكره بس يمكن حضرتك ممكن ماتعرفش تتعامل معاهم بس قولهم توصيله و اللي انت عايزه خده كده يعني
اقتباس:
المشاركة الأصلية كتبت بواسطة walidadel
هنا بيت القصيده ياباشااقتباس:
المشاركة الأصلية كتبت بواسطة no comment
زي ماقولتلك في اول الموضوع بالظبط روح لكهربائي تاني و تالت علشان يكشفلك عليها كده البطاريه خلاص ضعفت من كتر الاستخدام و كمان امبير واطي علي العربيه فتلاقيها شغال بطاقتها كلها 100% يعني لذلك لما بتشغل كل حاجه في العربيه البطاريه بتضعف منك
كده بطاريه بايظه معلش هو موضوع صعب انك تقنع نفسك بيه و تبتقي عايز حد يقولك لا دي سليمه محتاجه بس تتحط علي التونجر و يتغيرلها ميه و تبقي زي الفل هيا بطاريه ياباشا ماتحاولش تجيلها كده تجيلها كده هيا كده
هاتها 70 امبير ولا حاجه علشان تقعد معاك مده بس حاول تكشف عليها كويس روح توكيل فارتا مثلا اي فرع تحسه انه محترم كده و يكشفلك عليها تاني
الجهاز ده هايبقي في حدود 150-200 يعني اجيب بطاريه جديده احسن
انا معنديش مشاكل خالص فى شراء بطارية جديدة لاكن مش عاوز اشتريها وميكونش العيب منها ... لانى بدون التكييف فقط العربية شغالة كويس جداً مع ان كل حاجة عندى بتشتغل بالكهرباء .اقتباس:
المشاركة الأصلية كتبت بواسطة walidadel
وبعدين بطاريات الهوندا كلها 60 امبير ( مرتبطة بمكان قاعدة البطارية ومينفعشى تنحط الـ 70 فى نفس المكان لانها هتكون اكبر) .
والموضوع ده مبيحصلشى كما ذكرت الا فى حالة الزحمة الشديدة مع تشغيل كل حاجة فى العربية فى نفس الوقت ... ولو طريق سالك مع نفس التحميل مبيحصلشى حاجة خالص وهى دى المشكلة بالظبط ...!!!
ماشي ماصلا العربيه نازله بالاوبشن دا انك لما تشغل كل حاجه في العربيه مايحصلش حاجه للبطاريه و طالما حصل حاجه يبقي في خلل ما في مكان ما في العربيه
و حضرتك بتقول الشغل اللي اتعمل دا من فتره ولا ليسه جديد و بعدها علطول ابتدي الموضوع دا يظهر
عموما هيا بطاريه بردوا اكشف عليها تاني
بص هو الشغل ده اتعمل من اقل من شهر بس انا شاكك فى الكتاوت اللى ركبها لانها يابانى معتمدة عند بتوع التكييف لاكنها مش الاصلية بتاعت العربية ... تفتكر ممكن تكون السبب ...؟