الموضوع: I will get a M11 today

المشاركة الأصلية كتبت بواسطة aftr

نصيحه ابعد عن العربيه دى والاصلح ابعد عن الصينى خايله بالاونطه بعتها خساره 20الف جنيه فى خلال 7شهور والله كنت بحاول اقنع نفسى بيها لاكن للاسف حسبى الله ونعم الوكيل فى ابو الفتوح سيبك من اللى يقول دى كانت عيوب ومعتش فى عيوب صدقنى كلها اشتغلات خليك فى حاجه كورى افضل

دي تانى مرة حضرتك تكتب نفس التعليق تقريبا مع ارتفاع الخسارة هذه المرة .. بس حضرتك ماقولتش قبل كدا ولا دلوقت سبب عدم اقتناعك بالعربية وسبب بياعتها بعد 7 شهور ... علي الاقل من نستفيد من تجربتك مع العربية

ومع كامل احترامى لحضرتك ولتجربتك مع العربية مش معن ان العربية خسرت 12 او 20 الف جنية بعد 7 شهور ان العربية وحشة ..كل عربية مستعمله وليها سوقها .. علي كدا الرينو والاوبل عرييات زبالة ( الميجان بتخسر اكثر من كدا بكتير لما تتباع في اقل من سنه ) لو طبقنا المبدأ بتاع حضرتك عليها تبقي اوحش من الصيني

لا ياباشا واخد بالى والله بس اللى حضرتك متعرفوش كنت مدلع العربيه فى شويه حجات سوند سيستم3 تلاف جنيه طقم زينون2300 سرينه فرش جلد للعربيه كلها ----12الف دول اساس العربيه وطبعا الباشا ابوالفتوح الله ينتقم منه نزل فى خلال شهرين نزل 4 تلاف من سعرها وطبعا لو جيت تحسبها والله خساره اكتر ده غير الترخيص---بصراحه انته زعلتنى لمافكرتنى بالعربيه دى على العموم ولايهمك كلنا واحد ولازم النصيحه-----تعاله للعيوب معاك ورقه وقلم ههههههههههههههههههه 1-صوصوه من الخلف وتزيق سببها بنط اللحام اتعاد عليها تانى+تربيط2--مكنه الزجاج الخلفى شكرا ينزل ميطلعش 3-البطاريه باظت سببها الدينمو الجميل 4-تكه فى الدريكسيون+سخونه من عند الدبرياش+الكاسيت الجميل بكره الصوت شكر بس عشان انا فنى اليكترونى غيرت البكره وكان صعب عشان مكنش موجود منها---الولاعه شكرا عندك الخمات اللى زى العسل البلاستك الجميل اللى بيكسر بدون سبب ياراجل ده صحبى اللى عمل فرش العربيه الكلبسات بقت تتكسرمنه وكان يبصلى باستغراب طبعا ارد اقول ايه عاوز ايه مش فيها abs وفيها حساسات دول عندى بالدنيا اشتغل وانته ساكت نيجى للتقيل العربيه مابتخدش غير بنزين92 ونيجى للباشا الكبير الموتور تصقيف والعربيه تبطل منك دى قدرت اتغلب عليها بس اى حد تانى يركب العربيه من صحابى توقف منه طبعا اقول ايه كنت بكون مكسوف ارد اقوله انته غشيم مع انهم بيسوقو من سنين ----كل اللى يركب يقول دواسه الدبرياش غريبه----والغريبه لو مشيت حجات بسيطه صهد طالع من العربيه صحبى يقول احنا لحقنا نمشى ارد اقوله دى التكنولوبيا الصينى انته متعرفش حاجه اوسكت ههههههههههههههه والحمدلله قدرت اتخلص منها لدرجه اللى خدها اتصل بيه بعدها بشهر اجيب قطع الغيار منين كان عاوز قربه الميه لف عليها وجبها 350جنيه قولتله بعد كده انزل الصين وريح دماغك وبكده نقفل الموضوع بكلمه واحده حسبى الله ونعم الوكيل فى ابوالفتوح--واسف على الاطاله

والله ياجماعه انا ماقصد ازعل حد انا فعلا كنت حابب العربيه شكلها كفايه وبقول اللى معاه العربيه ربنا يباركلو فيها بس انا اقصد اللى حابب يشترى العربيه يصبر شويه مش اكتر ياجماعه بس الصينى معروف تشتريه من هنا ولما تفكر تبيعه دلل فى بيعه والله لوله التزبيط اللى فى العربيه ماكانت اتباعت وحلال على اللى اشتراها ----

سعرها مستعمله يساوي كام 2011؟؟؟ لان والدي عايز يبيعها ؟؟؟
برجاء افيدوني

اية يارجاله مالكم قلبتم على العربية لية .. حتى انت يااستاذ ALshahba كنت بتشكر فيها جدا و حضرتك من الناس الى اقنعونى انا شخصيا بيها .. حضرتك عاوز تبيعها لمشاكل ظهرت فيها ولا اية بالضبط لانى مستغرب وخصوصا انها 2011 ياريت حضرتك توضحلنا الاسباب للفائدة العامه وعلشان كل الى معاه العربية ياخد باله ويتوخى الحذر .. وفى النهاية ربنا يكفى الكل شر الاعطال والمشاكل ويبارك للى باع عربيتة بحاجة احسن منها .

المشاركة الأصلية كتبت بواسطة katoba

اية يارجاله مالكم قلبتم على العربية لية .. حتى انت يااستاذ ALshahba كنت بتشكر فيها جدا و حضرتك من الناس الى اقنعونى انا شخصيا بيها .. حضرتك عاوز تبيعها لمشاكل ظهرت فيها ولا اية بالضبط لانى مستغرب وخصوصا انها 2011 ياريت حضرتك توضحلنا الاسباب للفائدة العامه وعلشان كل الى معاه العربية ياخد باله ويتوخى الحذر .. وفى النهاية ربنا يكفى الكل شر الاعطال والمشاكل ويبارك للى باع عربيتة بحاجة احسن منها .

اهلا بيك يا استاذ Katoba
لا ابدا سدأني انا مش عايز ابيعها, زي ماحضرتك شايف السياره ملك والدي وليست ملكي والقرار قراره
وللمعرفه والدي مسن وعايز يبيعها لقلة الاستخدام ولانها مانوال ...وياااامه قولتلو خد مكانها 620 او تيجو اتوماتك, بس ماسمعش كلامي وكان حاببها , لكنه بصراحه بيشكر فيها بس هوا مش قادر يستفيد من امكانياتها لانها علي شبابيه اكتر من حيث السرعه والثبات والشكل الامامي, هوا عايز حاجه تكون مريحه (اوتوماتك) وتكيف كويس وبس ,, ههههههه معلش ناس كبار ودي طلباتهم وانا بحترم طلبات والدي
لكن بامانه مفيش اي حاجه من اللي انا بقراها فى المنتدي من صوصوه او تزييق او.... او .... او, لاني ركبتها وسافرت بيهت كمان وهي كويسه جدا بس تعليقي الشخصي انها انشف من 516 ..بس كده

ماحدش يقلق يا جماعه

ايوة كدة ياراجل طمنتنى .. وربنا يوفق والدك فى سيارة تكون افضل وتناسبه وهى فعلا شبابية اوى .. انا بصراحة قلقت وحبيت استفسر لانى حسيت ان الموضوع قلب فجاة وانا مقبل على شرائها وفية ناس اشترتها حديثا فكنا عاوزين نطمان عليها مش اكتر وربنا يبارك لللجميع

كل الكلام ده مش مزبوط و ما فيهوش اى حاجة صح على الأقل فى الموديل 2011 العربية تمااااام الحمدلله و مبسوط بيها جدااا انت أكيد بتتكلم عن عربية تانية خالص...