الموضوع: I will get a M11 today

توكل علي الله بس حضرتك افحص العربية كويس جدا جدا جدا وجرب كل حاجة فيها قبل ما تتحرك خطوة برة المعرض اللي هتستلم منه وانشاء الله كل حاجة تبقي تمام

1- فحص التكييف
1- فحص الدبرياج
3- فحص الزيوت
4- فحص عمل جميع الانوار
5- قحص اغلاق الابواب
6- فحص الفرامل

ولا تصدق با ئعي المعارض انه يقولك " ماتقلقش يا بيه... الحاجات دي علي الضمان يعملهالك وانت واقف" كذب x كذب مش حيعملو حاجه الا بفلوس ووقت ووجع دماغ

وخلي بالكان العربيه دي مش واسعه زي اي فئه اخري.... والفرار لك
والله الموفق... ومبروك مقدما

المشاركة الأصلية كتبت بواسطة hzmmmk

يعنى ايه اللى المفروض يعمله بالظبط فى خطوات محدد جزاك الله خيرا

فعلا ايه بالضبط اللي المفروض اعمله

انا كنت امبارح في ابو الفتوح بالمعادي و سألته علي عيوب الدينامو و ماكينة الرفع و زنة الشكمان و ترومبة المياه و كانت الاجابة واضحة و صريحة و كمان جابولي مهندس من الصيانة و قاعد اكتر من ساعة يشرحلي و قال ان العيوب دي كانت موجودة فعلا و محدش يقدر ينكر و في نفس الوقت كانت بتتعالج خلال الصيانة الدورية اللي لازم تكون ملتزم بيها لضمان سلامة و الحفاظ علي العربية اطول وقت ممكن لكن الموديلات الجديدة كلها تم اعادة هيكلتها و معالجة العيوب كلها و مبقاش في اي عيب غير ماكينة الرفع قالي انها ضعيفة و مش قد كده و دي ممكن تشتري اي ماكينة رفع انت عايزها و نركبهالك و برده هتبقى في الضمان.

و سألته برده علي موضوع وزن العربية انه قل 200 كجم زي ما في حد في المنتدى قال كده قالي ده كلام مش صحيح لان من اهم مميزات العربية دي هي انها تقيلة علي الارض فده يساعد علي الامان فمستحيل حاجة زي كده تحصل.

و قالي كمان ان مبيعات العربية دي تدل علي جودتها اللي اعلي من سعرها بكتير و عموما القرار ليك (يقصد انه مش بيبعلي لو عايز تشتري ماشي مش عايز براحتك)

بصراحة انا احترمت جداً طريقة النقاش و المعاملة لانه كان ممكن ببساطة يقولي و لاتزعل نفسك مدام انت شايف ان العربية دي كلها عيوب اشتري a516 اهي تاكسي و قطع غيرها ببلاش و اكبر و اوسع و ارخص لكن هو اداني الحرية في القرار و كمان قالي انها فيها عيب في ماكينة الرفع يعني منفاش العيوب اللي قولتها.

بالنسبة بقى للفروق و التقفيل و الكلام ده انا فليت العربية و دورتها و لعبت في كل حاجة كان تعليقي الوحيد بس هو انا الموتور مش متغطي زي معظم العربيات لكن غير كده انا ادي التقفيل 85% يعني جيد جداً بالنسبة لتقفيل مصري بيقفل عربيات كتير زفت بدون ذكر موديلات انا معايا واحده منهم


ده اللي حصل بالتفصيل الممل للامانة و لكم جزيل الشكر علي الرد و الاهتمام

ما تقلقش اوي من موضوع تقفيل الموتور بغطاء لانه منظر جميل مش اكتر
بالنسبة لموديل بتاعي 620 مثل...من غير غطاء والحمد لله صوت الموتور هادئ جدا
وطالما انك مقتنع بنوع معين... فتوكل علي الله واشتريه وانت راض عنه

يا جماعة انا استلمت العربية من اسبوعين تقريبا الحمد لله ..... ما شاء الله عليها كويسة جداً .

انا دلوقتي عملت 750 كم .... معلش اصل شغلي بعيد عن بيتي ب 114 كم :)

بس عندي مشكلتين .... و حابب اعرف انا بيتهايألي و لا ايه :-

1- الفتيس حاسس انه مش ناعم يعني بيجي معالك بسهولة فهل ده عشان لسه جديد و لا ايه

2- الدركسيون لما اجي ادوس علي حفرة او نقرة او مطب و اكون لافف العجل احس بالخبطة في الدركسيون ... بصراحة انا مش عارف ده علبة دركسيون و لا العفشة عايزة تتربط عشان برده الزفت اللي اسمها عين القطة صوتها بيكون عالي اوي لما بدوس عليها مع ان العربية عالية (يعني المفروض العفشة تكون ناعمة) و الكاوتش عرض


فهل من استفسار

نصيحه ابعد عن العربيه دى والاصلح ابعد عن الصينى خايله بالاونطه بعتها خساره 20الف جنيه فى خلال 7شهور والله كنت بحاول اقنع نفسى بيها لاكن للاسف حسبى الله ونعم الوكيل فى ابو الفتوح سيبك من اللى يقول دى كانت عيوب ومعتش فى عيوب صدقنى كلها اشتغلات خليك فى حاجه كورى افضل