نفس السؤال ؟؟
ياجماعة اللى يعرف بعد التلات شهور حيبقى ايه النظام يقول بسرعة علشان نلحق .. ربنا يكرمكم :))
عرض للطباعة
انا بقالى سنه و3 شهور مع فودافون بنفس النظام اللى عاوز احولو لأتصلات بس بصراحه فودافون مريحانى اوى ومش عارف احول واوفر التلت شهور فى الظروف ديه ولا اعمل ايه مش عارف
فين احمد كمال يرد علينا
فيها إن ولا مفيهاااااااااااش
اقتباس:
ينفع الغى الخط بعد ال 3 شهور ولا هبقى اتدبست قيه
بكرة ان شاء الله اجيب لكم الخبر اليقين
مش متاكد فيها ان ولا لا
بس فيه اتنين اصحابي لما حولوا قالو لهم انهم لازم يدفعوا فاتوره 129 لمده 3 شهور كمان
يعني 3 شهور مجانا
و 3 شهور 129 جنيه
وكمان موجود عرضين
2600 دقيقه في الشهر + يو اس بي مودم مجانا 3 شهور
او ممكن تاخد الدقايق كامله 3600 دقيقه مجانا
وفي اخبار مش مؤكده ان النهارده اخر يوم او بكره علي اقصي تقدير
الموضوع مضمون..انا اشتركت فيه هيعجبك
ينفع تكمل 3 شهور كمان وممكن تلغى الخط...بس ليه المميزات حلوه ومغريه
فكر واحسبها وتوكل على الله
فيها انا لا..بس انا كنت خايف زيك ولما سألت قاللوللى ديه سنه إتصالات يعنى من الاخر هما بينافسو السنه ديه على سحب المشتركين ى موبينيل واتصالات بعروض مغريه
تمام يا صاحبى هو ده الى انا عارفه كمان:Ka_che1[1]:
دلوقتى اخر كلام المتاح هو ؟
الغى الخط بعد التلات شهور ؟؟
ولا احوله فاتورة ؟
ولا كده لازم ادفع على الاقل كل شهر 200 جنيه ؟؟
عموما فى انتظار التأكيد من استاذ احمد ..........
الكلام جميل بس اتصالات صعب تثق فيها لانها اكتر شركة مشهورة بتنزل اسهال عروض وسحبه بدون اعلان ...... يعني تلاقي نفسك مرة واحدة الدقايق بح وعليك فواتير للشركة بدون علم .. دة غير ان فعلا خدمتها زبالة في المكالمات والتغطية والصوت بيفكرني بأيام محادثات الماسنجر فويس ايام المودم من عشر سنين..... ف احسن حل لو في عرض ملوش تاني عن نفسي مبفكرش غير اني اشتري خط بخمسه جنيه استفاد بالعرض وبرميه او هو بيروح لحاله كدة كدة.....
اللى أعرفه ومتأكد منه أنك فى فودافون لما تحول خطك من كارت لفاتوره
على أى نظام بتدفع شهر وشهر عليهم لمدة سته شهور
يعنى تلاته عليك وتلاته عليهم فى أى باقه هتشترك فيها
يااحمد باشا ابقي اسمع للناس عشان تعيش وسطيهم ...... حاول تشوف ناس متعرفهاش وخد رأيها او اسمع منهم عن اتصالات......
بالنسبة للعرض يا جماعة
لو خطك اصلا فاتورة و متوسط اخر 3 فواتير اكتر من 1000 جنيه هتاخد 6 شهور مجانا مش 3 :) .... و ممكن بعد ال 6 شهور تحول لكارت
لو مش كده ..... يبقى العرض زي ما زميلنا النوبي قال ..... 3 شهور مجانا ...... بعدهم ممكن تحول لاي نظام فاتورة جرين لاين لمدة 3 شهور كمان (و ارخصهم 129 شهريا) و بعدها ممكن تحول لأي حاجة حتى لو كارت ...... يعني حضرتك هتاخد 3 شهور × 460 (متضمنة الضرائب) مجانا و بعدها هتبقى مربوط ب 3 شهور × 148 (متضمنة الضرائب) مجانا ...... يعني كانك في الست شهور مجملا دافع 445 جنيه يعني 74 جنيه شهريا نظير ان اول 3 شهور هتاخد 2700 دقيقة لأي شبكة + انترنت محمول او بلاك بيري مجانا + يو اس بي مودم غير محدود .... و لو فواتيرك كانت متوسطها في اخر 3 شهور فوق ال 1000 جنيه ساعتها هتاخد 6 شهور مجانا
مانا سامع لناس كتير ماعرفهاش و كلامهم كده و اغلب الناس عالمنتدى يشهدوا بان اتصالات صادقة فعلا في عروضها .....
عمر ما اتصالات بتسحب عرض من الناس ....... ممكن توقف الاشتراكات الجديدة في العرض بس عمرها ما تسحب عرض من مشترك ابدا ......
و الحركة اللي انت بتقولها دي بتاعة سحب العرض سكيتي و تلبيس الناس مشهورة بيها شركة تانية الناس عارفاها كويس !! مش اتصالات ابدا !
و يا ريت تذكر مثال على كلامك و انا مسؤول قدام الناس هنا كلها لو كان ليك حق و راح عليك اني اجيبهولك
شكرا علي الشرح بس انت فهمتني غلط انا اقصد العروض الي بتنزلها ولنفترض مثلا بتتحاسب علي دقيقة وباقي المكالمة ببلاش .. بتبعت رسالة وتشترك وتعيش حياتك وتتكلم وفجأة تلاقي من غير ما يبعتولك حتي رسالة ان العرض خلص وطبعا طريقة الاكتشاف ان رصيدك بيكون خلص .... دة مثال اقصده وعموما انا مع شركة بقالي 12 سنة وعمرها ماعملتها معايا علي الاقل .. انما في اتصالات كذه مرة اشتري خط واشترك في حاجه زي دى لمجرد وقت وبس وبيحصل زي منا قلت يارب تكون فهمت قصدي ..... وعموما الحياة مش هتقف علي رأيي او رأيك انا بتكلم علي ناس تانية ملهاش في النت اساسا دي ناس عايزة تتكلم وتستخدم التليفون مش تقضي يومها تتابع العروض ايه نزل وايه خلص
حضرتك اما العرض بيخلص بيتبعت رسالة للعميل ...... الشركة مش معتمدة ابدا عالنت .... و لو العرض خلص و حضرتك ما اتبلغتش (سواء و انت بتشترك اتبلغت ان العرض مدته كذا ..... أو اما اتلغى اتبلغت برسالة), بيتم رد المبالغ المخصومة من حضرتك بالمليم .......و يا ريت تبعت لي رقمك عالخاص وتقول لي انهي عرض اللي حصل فيه كده ...... و للمرة التانية انا مسؤول قدام الناس كلها ارد لك حقك لو كان ليك حق في ذمة الشركة
طيب انا دلوقتي مدونيش اليو اس بي موديم
علشان انا اخدت 3600 دقيقه
ينفع اروح ابدل
اصل انا مش هتكلم ساعتين في اليوم ولا حتي نص ساعه في اليوم
بس محتاج اليو اس بي
مش عارف انت عصبي ليه انا مش فدماغي القصة كلها ماتولع الشركات التلاته العيشه كانت ارحم من غيرهم ......بس تصدق انا دلوقتي بس اخدت بالي من حاجة .......هو انت كام مرة قلت انك مسؤول ؟ ...اعتبرني اسف وكمل شغلك !
بلاش كلام في السياسة الله يكرم أصلك هههههههههههه
عصبي ؟؟؟؟ !!!!
انا اللي عصبي ؟؟؟؟؟؟؟
انا اللي قلت تولع و بتاع ؟؟؟؟؟؟
ما علينا مش موضوعي
و مش عارف انت متضايق ليه اني باقول لك انا مسؤول اجيب لك حقك
انا غلطان
على فكرة انا مش شغال لا في التسويق و لا المبيعات و لا خدمة العملاء اصلا
و باعمل كده خدمة للناس في المنتدى
و جبت لناس كتير قبل كده حقها ......
و الناس تشهد مش هاقول مين و جبت له ايه ......
و على فكرة حتى الان كلام حضرتك كلام مرسل و بس ...... لا شفت رقم و لا قلت عرض ايه و لا فاتورة ايه نزلت عليك بكام بسبب المشكلة !!!!
يا ريت الاخوة الاعضاء ينوروني و يقولوا لي لو انا فعلا كلامي المقتبس اعلاه كان عصبي عشان ساعتها هيبقى الحق عليا و ابقى غلطان و واجب اعتذر !
يااستاذ احمد قلت انا اسف وخلاص ...... يعني لازم اقولك رميت الخطوط دي ومبستخدمش الشبكة اصلا هي كل الفكرة انك مسكت في الكلام وهاتك يادفاع بشكل متشدد مش اكتر ودي مش محتاجة مخ انك تقول كل دة وفي الاخر تقولي مش شغال .. يعني واسطة مثلا ليك في الشركة !! ياريت يبقي الكلام واضح وصريح وبكرر مرة تانية انا مبستخدمش ولا حتي لمكالمة واحدة تبع الشركة دي بعد مااخدت فكرتي عنها خلاص
لو سعادتك شايف ان اسلوبي متشدد تبقى دي مشكلة حضرتك .....
حضرتك بتقرا كلامي باسلوب "و لا تقربوا الصلاة" ...... انا ما قلتش مش شغال في الشركة ...... تلات ارباع المنتدى اصلا عارفين اني شغال في الشركة و انا هاكذب ليه !!! بس باقول اني مش شغال لا في خدمة العملاء و لا المبيعات و لا التسويق يعني شغلتي ما فيهاش احتكاك مع عملاء و لا ده من المسمى الوظيفي بتاعي بس انا باحب اخدم الناس ........ مش عارف ليه انت داخل فيا شمال اصلا !!!!!!
الكلام واضح جدا و صريح جدا و انت اللي مصمم تقراه و تفهمه غلط دي مشكلتك انت .......
لا حول ولا قوة الا بالله ..... يعني بتقول(على فكرة انا مش شغال لا في التسويق و لا المبيعات و لا خدمة العملاء اصلا) طب ودي استني منها ايه انك مدير الشركة ؟؟ ...... عموما انا مكنتش اعرف انك شغال في الشركة فعلا واعتبرني من الربع الباقي ... وانا اسف اني دخلت الموضوع وقلت رأيي والي مازلت عليه وانا حر ... انت اخدت الموضوع شخصي ونظام غلطني واغلطك وانا دماغي اكبر من كدة بصراحة .. اتصالات حلوة وحشه مش هتفرق معايا بس هتفرق معاك انت واظن اي حد هيقرا الموضوع من اوله هيعرف قصدي كويس ..... ودي فعلا مشكلتي انا عشان كل واحد بدماغه وانا كدة فهمت دماغك ومكنش المفروض ارد سلام
طيب إيه رأي حضرتك يا أستاذ أحمد.. إن انا دلوقتي اتصلت بخدمة العملاء.. وقالولي مفيش كلام من ده دلوقتي ، وإن الموضوع ده كااااااااااااااان بيتم باختيارات عشوائية بتصريح من مرفق تنظيم الاتصالات (بس مش دلوقتي خالص الكلام ده) وطالبني إني اتأكد من المعلومة دي.. ورغم اصراري بإنني تأكدت من المعلومة إلا انه اصر على كلامه بعدم وجود مثل هذا العرض مطلقا .... ولا حتى في خلال اليومين الماضيين ...
ياترى ايه التعليق بقا ؟؟
عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ عَلِّمُوا وَيَسِّرُوا وَلَا تُعَسِّرُوا وَإِذَا غَضِبَ أَحَدُكُمْ فَلْيَسْكُتْ,
عَنْ أَبِي ذَرٍّ قَالَ إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ لَنَا إِذَا غَضِبَ أَحَدُكُمْ وَهُوَ قَائِمٌ فَلْيَجْلِسْ فَإِنْ ذَهَبَ عَنْهُ الْغَضَبُ وَإِلَّا فَلْيَضْطَجِعْ
كلام جميل
هجرب
اعفيني من الرد :)
بس روح الفرع و ربنا يسهل ما تقلقش :)
هي الشركة تسويق و مبيعات و خدمة عملاء بس ؟؟؟؟؟؟؟ !!!!!!!!
أكيد كل واحد حر في رأيه و كل واحد له حق الدفاع عن وجهة نظره .......
انا مش شايف غلطني و اغلطك خالص .... انت بتقول معلومة .... و انا باقول معلومة ..... لا غلطتك و لا حاجة ......
كل واحد له الحق في الدفاع عن شركته و أكل عيشه ....... هو انا باعمل حاجة عيب و لا حرام لا سمح الله ؟؟؟؟؟؟ !!!!!!!
للاسف انت مش فاهمني و لا فاهم دماغي خالص !!
طيب اقولك انا اتصالات عملت ايه معايا زمان
زمان اوى كانت نزلت عرض تكلم كل اتصالات ساعتين فى اليوم مجانا
فجأه لغت العرض بدون سابق انذار وبعد مارصيدى اتسحب اتصلت اسالهم قالولى العرض خلص والمفروض انه اتبعتلك رساله وانا معايا والله يومها خطين غير ناس معارف واصحاب ليه ولا جالى ولا جالهم رسائل الغاء العرض
بلاش دة
زمان برضه كان فيه عرض انك تتكلم من بعد الساعه 12 بالليل الساعه بجنيه برضه اتلغى بدون اى سابق انذار
بلاااااااش كل دة
نظام يس
اول مانزل اشتركت فيه كانوا عاملين النت يوم الخميس والجمعه 5 ميجا ببلاش
برضه بدون سابق انذار لقيت يوم الخميس اتسحب منى رصيد اتصلت اسالهم ليه مش 5 ميجا ببلاش
قالولى معلش يافندم اصل تم تعديل العرض وبقى يوم الجمعه والسبت
اخررر حاجة
ايااام الثوره
بما كانوا بيدوا 2 جنيه وبيرجعوا يخدوهم على عكس الشبكات التانيه اللى بتديلك جنيه كل يوم ومش بتاخده
المهم فيه يوم كنت مش لاقى كروت فعلا فاتضريت اتكلم ب ال 2 جنيه دول
تانى يوم جيت اتكلم الاقيه قالى رساله صوتيه بتقول انه تم قطع الخدمه عن الخط لا يتصل ولا يستقبل
ولازم اشحن لاعاده التشغيل
شحنت واتلاقى بعدها واحد يرد عليا يقولى معلش اصل فيه خطأ فى السيستم وخطك دخل فى ضمن الخطوط اللى مشحنتش من فتره
من النهايه
لكل شبكه مميزاتها وعيوبها
مغبيش شبكه مصلحتها على المستخدم , مصلحتها ازاى تجيب ربح اكبر
واتصالات لو بتقدم عروض اكبر دة لأنها بتتمتع بميزه انها اقل شبكه فى عدد المستخدمين وبالتالى ليها صلاحيه انها تقدم العروض قبل الشبكات التانيه وبشكل افضل
مع الوقت لو الشبكه دى زادت هايحصل فيها ضغط كبير لأن شبكتها مش كويسه
لو ال 1500 دول مكالمات دولى هدوس فيهم
اتصالات فعلا شركة محترمة
انا حولت بنمرتي ليهم من فودافون
ارخص دقيقة واحسن عروض
لما نزل ال unlimited max اب 399 اشتركت فيه
وبعدين اتاخر نزول النت على USB
اتصلت بيهم اشتكيت
اتصلوا بيا وقالوا لي ان اسفا منهم حيدولي 80 جنيه هدية
دي اول حاجه
ثاني حاجه
بعد شهرين حسيت اني مش مستفيد بالعرض كله لاني مش بستخدم النت كتير من اللابتوب
اتصلت عشان الغي اشتراكي في العرض
20 يوم ولم يصلني رسالة الغاء الاشتراك
انا كده بدفع 400 جنيه في الشهر بدل من 250 جنيه
لما اشتكيت فوجئت بيهم بيتصلوا وبقولوا لي على المفاجأة الكبيرة:
500 جنيه مجانا يعني اشتراك شهرين متتاليين فاتورة مجانا وانهم آسفين جدا وياريت مبلغ التعويض يكون كفاية واكون رضيت عنهم
يعني انا بقالي معاهم 6 شهور على الفاتورة دفعت منهم 3 شهور بس
بطلت استخدم التليفون الارضي
بكلم الناس في اوقات فراغي وانا سايق العربية عشان ببقى زهقان
وكل ده بمنتهى الاحترام
فودافون كلمتني من يومين
بمنتهى الارف واحده زهقانة وعايزه تعرف اذا كنت عندي استعداد ارجع ليهم ثاني
ولما قلت لها اني مش لاقي عروض حلوة
بدل ما تدي عرض عدل قعدت تنفخ وتتأفف
فعلا اتصالات محترمة
ايوه صحيح عندك حق انا نفسي كنت نسيت
يعني كده ماشاء الله
تعويض النت المتأخر في اول التحويل 75 جنيه
تعويض تحويل الباقة اللي اتاخر 250
العيدية اللي صحوني من النوم ادوهاني الشهر اللي فات 500
المجموع 825 جنيه مجانا اخدتهم في جيبي وكل ده في ست شهور
يعن تقريبا دفعت نص الشهور ونصها الثاني عليهم
فودافون قعدت معاها من 1999 لحاد 2009 : ايوه عشر سنين معيدوش عليا بمصاصة بتصفر:untitled 1: