الخبر صحيييييح يا جماااااااعة :D:D:D

الموضوع ابتدى ازاى بأة ... رحت انا و خطيبي توكيل كيا اللى عند القرية الذكية دة و رحنا بدرىىىى

... دخلناا لقينا كل ما هو كيااا ريو على سيراتو علي كارنيفال على كارنز بجد كنت مبسوطة جدااااا

عشان محرومة من الكيا و عمرى ما بشوفها فى شوارعنا من ساعة ازمة التوكيل .. المهم المسئول عن

المبيعات مكانش لسه جه فأعدنا انا و خطيبي نركب كل العربيات و معانا مفاتيحها و اعدنا نسوق فى

ال show room و كانت مهذلة :D:D بس العربيات اللى حطينها مجرد samples للعرض و مش

للبيع زى ما مكتوب ... مكانش فى غيرنا تقريبا و كام عربية فى الصيانة

المهم سوقت السيراتو و بجد يا جماعة عربية جامدة موووووووت و الباور بتاعها اللى كنت مقلقة منه

كان تحفة

عمرو ابو عوف مدير المبيعات دة جه بعد كدة و فرجنا تانى على العربيات و كلمنا فى حتت فنية شوية

مفهمتهاش طبعا :D:D:D بعدين دفعنا مقدم حجز لحد ما تيجي العربية و قالى انه عادى هاخد

العربية بجواب المرور عادى جداا و ارخص من غير مشاكل لان زمان قبل حل الازمة كنت بتروح مع

نفسك كأنك مستورد العربية عشان هى اصلا جاية باسمك و تروح يا تلاقى ورق العربية هناك يا متلاقيش

و تفضل رايح جاى على وحدة المرور لما تكره نفسك

العربية اوتوماتيك و كان فى الوان منها ( اسود - نبيتي - لبني سماوى مدي على فضى - شامبين -

كحلى - فضى) و ال interior اخترته بيج و ممكن اللى عاوز يغيره على حسب لون العربية

المهم فى الاخر خطيبي مشي كلامه و حجزها اسود و حاولت اغيرها نبيتي بس قالولى العربية خلاص

جاية بعد بكرة :(:(:( بس انا اقتنعت بعد كدة و حسيته شيييك :):):) بس انا دبسته فى شوية

كماليات كدة زي المفتاح الريموت و الانذار دة و كسوة و فرش العربية و غطاء العربية و شوية

الدباديب و معطرات و عليقات من بتاعة هايدي تجارة انجلش :D:D:D:D

ان شاء الله لما استلمها هعمل تقييم ليها من كل حاجة بالتفصيل بس هخلى خطيبي هو اللى يقولى عشان انا مبفهمش اوى فى الحتة ال technical و كمان هصورها ان شاء الله

ادعولى باة استلم على خير من غير مشاكل ان شاء الله :)