ياريت يا جماعه حد يفيدني على طريق الصعيد الصحراوى الشرقى (طريق الكريمات)
حيث انى من اسيوط و عاوز اسافر اسيوط بالعربيه و معايا المدام و الاولاد
و خايف بصراحه من قطاعين الطرق اللى سمعت انهم منتشرين على طريق الاسكندريه
فياريت لو حد جربه قريب يطمنى
عرض للطباعة
ياريت يا جماعه حد يفيدني على طريق الصعيد الصحراوى الشرقى (طريق الكريمات)
حيث انى من اسيوط و عاوز اسافر اسيوط بالعربيه و معايا المدام و الاولاد
و خايف بصراحه من قطاعين الطرق اللى سمعت انهم منتشرين على طريق الاسكندريه
فياريت لو حد جربه قريب يطمنى
الأخ العزيز خالد
إطمئن فأنا من المقيمين في أسيوط وأسافر دوما إلى القاهرة بإستخدام هذا الطريق، وكانت آخر مره يوم الأربعاء الماضي، ولكن للأمان حاول ألا تستخدم الطريق أثناء الليل، أقول لك هذا الكلام مع أني منذ ثلاث أسابيع أو أكثر بدأت الطريق من القاهرة السادسة مساءاً ولكن الأفضل أن تستخدم الطريق بالنهار وأن تحاول أن تسير بالقرب من أح السيارات (ميكروباص مثلاً)، كتب الله لنا ولكم السلامة.
على فكره الطريق إكتمل تماماً حتى المنيا ثم يتم إستكمال المسافة من خلال الطريق القديم حيث أن المسافة من المنيا إلى أسيوط بها مسافة كبيرة غير مكتملة (مدق غير ممهد)، كما أرجو الإنتباه لللافتة التي تشير إلى مخرج المنيا حتى لا تكمل الطريق على المسافة الغير مكتملة، صاحبتك السلامة.
م. عبدالله عبدالحميد
تمام انا بأكد نفس الكلام الطريق كمل لحد المنيا وركبوا يافطة المنيا كمان
ونفس الحال انا بسافر بالنهار
شكرااااااااااااا
تروح وتيجى بالف سلامة
نتيجه لظروف خارجه عن ارادتى تأخر موعد سفرى و قد سافرت بالفعل يوم 28 ابريل من القاهره متجها لاسيوط
الطريق ممتاز و تم بالفعل مده حتى المنيا ... حتلاحظ قبل مدخل بنى سويف امتداد الطريق و حتلاحظ لون الاسفلت الجديد
ده طريق الجيش و حيكمل معاك زى الحرير لغاية المينيا و حتلاحظ كل 4 او 5 كيلو عسكرى جيش ماشى مع نفسه فى الطريق و معاه دفتر بيكتب فيه ... لما سألت العمال قالولى دول عساكر بيستلمو الطريق
بس الملاحظ فى الجزء الجديد بين بنى سويف و المنيا ان مافيش خدمات خالص و لا اى استراحه و لا بنزينه حتى
غلطتى اللى عملتها انى كملت على نفس الطريق من المنيا الى اسيوط (ما انتبهتش الى نصيحة م. عبدالله عبدالحميد لأنى كنت سرحااااااااااااااان :36_1_50[1]: ) و مشيت على الطريق اللى تحت الانشاء و لسه ما اتسلمشى فالاسفلت ماكنشى مكتمل فى بعض الاجزاء و فيه مدق فى وسط الصحراء مسافه 3 او 2 كيلو و مافيش شبكه موبيل نهائى ... يعنى لاقدر الله لو العربيه عطلت كنت خلاص انسى
صديق ليا قالى المفروض كنت ادخل مدخل المنيا و اكمل على باقى الطريق الشرقى عادى
دلوقتى انا فى اسيو ط و بإذن الله حنرجع القاهره غدا ... فصديق ليا قالى اكمل على الطريق الشرقى عادى لغايه بنزينه قبل المنيا بكيلو حلاقى مدخل جنب البنزينه يمين امشى فى المدخل ده حيوصلك حتى طريق الجيش ... و حذرنى من التكمله فى الطريق الشرقى لأنه بعد المنيا بيبقى مهجور و به قطاع طرق حتى فى النهار لأن كل العربيات بتروح طريق الجيش
انا رجعت خلاص القاهره
و الوصله اللى اتكلمت عنها ( بين الطريق الشرقى و طريق الجيش عند اول المنيا) حتلاقيها تفريعه قبل محطه البنزين ( و انتا طالع لاسيوط و متجهه للقاهره ) ب 100 متر ... و محطه البنزين نفسها قبل المنيا ب 10 كيلو تقريبا
و حيبقى باين لون الاسفلت الجديد للتفريعه دى
ملحوظه : كتير حذرونى من استخدام الطريق الغربى نهائى دلوقتى لأن به قطاعين طرق كتير