الموضوع: مقارنة بين الأكسنت rb والسيريون 1500 ونيسان صني وماتريكس

السلام عليكم
اخي الكريم .... كيف حالك
اولا بالنسبة للسريون انا معرفش حاجة عنها خالص غير انها ياباني ... بس انا لو قدامي مش هاجيبها مشعارف مش مسريحلها وحاسس ان ادفع 100000 في عربية صغيرة جدا ومش منتشرة و1500 اعتقد انها كتير علي البودي بتاعها
بس في الاول والاخر ملاكها يفيدونا ان شاء الله
بالنسبة للسعر
اي حاجة هيونداي تأكد انك هتدفع بتاع 10000 جنية زياده عن تمنها ... معرفش بيقسوا السعر ازاي بتاعها
اول عربية بالسعر ده الصني ... ومش علشان معايا .... انا كنت دايخ دوختك قبل كده وده اللي اكتشفته فعلا
الخامات ... الصني بلا شك
الكماليات ... انا كنت عايز اعرف حضرتك تقصد بيها ايه؟
لو الصني هارشحلك السوبر صالون وديه موصفاتها والفرق بينها وبين الEX

المشاركة الأصلية كتبت بواسطة sab3aawy

بالنسبة للموديل 2006-2008 كان الفرق بين الاى اكس والسوبرصالون بالنسبة للعفشة ان مساعدين السوبر صالون من ماركة كونى ومن النوعية ثنائية الفعالية(غاز +زيت) مقابل مساعين يابانية احادية الفعالية للاى اكس صالون، بالأضافة لوجود قضيب منع انقلاب(ميزان) امامى وميزان خلفى فى السوبر صالون

بالنسبة لشكل 2009 كل الموديلات مزودة بالمساعدين الكونى ثنائية الفعالية ، لكن يبقى الفرق فى وجود الميزانين فى السوبر صالون

باقى الفروق هى ان السوبر صالون مزودة بالكماليات الأضافية الآتية:جنوط سبور، ايرباج امام الراكب الأيمن،حليات بشكل الأبانوس فى الصالون، طارة وعصا فتيس وفرامل يد جلد طبيعى، مخدع فى الكنبة الخلفية، حامل نظارة شمس واضائة اضافية فوق مراية الصالون، اكر داخلية نيكل، طى المرايات كهربائيا، نبكل فى باكتات الأبواب،


كماليات موجودة فى الموديلين:4 زجاج كهربى، باور ستيرنج،عداد ار بى ام ، ضبط المرايات كهربيا،عداد Rpm، عداد كيلومتر ديجيتال مع عدادين رحلات، ساعة ديجيتال فى التابلوه،تكييف 4 سرعات،سنتر لوك مع انذار وريموت كونترول وفتح الشنطة بالريموت كونترول، فتح الشنطة وتنك البنزين من داخل السيارة، رفع وخفض احزمة الأمان وعجلة القيادة،كرسى السائق 3حركة،اماكن تخزين فى منتصف التابلوه من أعلى و وامام عصا الفتيس والمخدع الأوسط وامام السائق بالاضافة للدرج الأيمن، حامل اكواب

وديه لينكات المواضيع
http://www.nilemotors.net/Nile/110198-ex-super-2.html
http://www.nilemotors.net/Nile/74007...per-salon.html
بالنسبة (العائلية) اوووي : انا شايف انها الماتريكس واسعه جدا ماشاء الله
والصني اعتماديه جدا ... لو طولك كويس ومش من هواه ترجيع الكرسي علي الاخر والضهر لورا ... هاتفرق معاك جامد
وطبعا انا بنصحك تنزل في يوم ومعاك الاسرة الكريمة وتقعدوا فيها وتظبط قاعده الكرسي بتاعك علي قعدتك وكال حاجة ... وتقعدهم ورا وتظبط قعدتهم ... لو مستريحي يبقي توكل علي الله ... عربية محترمة جدا
بالنسبة للتوكيل ...... طبعا الصني بلا شك .. ماشاء الله لا قوة الا بالله
الصيانة ..... الصني برده والماتريكس بالنسبة انها بقالها مده والميكانيكية اشتغلوا فيها .... الاكسنت لسة نزلها معرفش ظروفها ايه
تقبل مروري

المشاركة الأصلية كتبت بواسطة zezomac

السلام عليكم ورحمة الله وبركاته
شكرا على اهتمامك بموضوعى وأنا عارف أنك أكثر واحد مهتم بالصني ومشجعي راكبي هذه السيارة وأنا سخصياً بشجع قوي الصني وبشده بس انت عارف الحيرة اللي انا فيها دلوقتى.

ملحوظة:
ليلة أمس اتفرجت على الصنى السوبر وex صالون وعلى فكرة ده كلام من المعرض نفسه قال لى انى ما فيش فرق فى العفشة بتاعت العربيتين فى الموديل الجديد 2011 فى فرق بسيط فى المساعدين بس والجنوط والباقى الكماليات شيء ترفيهى زى جراب النظارة والمسند فى الكنبة الخلفية والأبنوس الموجود فى العربية مش عارف هل هذا مؤثر قوى ولا لأ لأنى خبرتى قليلة فى موضوع معرفتى بالسيارات.

وعليكم السلام ورحمة الله
انا عارف والله حيرتك واللف في الشوارع وعلي المعارض علشان تجيب حاجة تقعد معاك ومتغيرش ... انا زيك كده برده اجيب الحاجة ومغيرهاش الا بعد مدة
ووالله دفاعي عن الصني مجاش الا لما لقيت الاشاعات اتمكنت منها اوووي وقربت مجيبش العربية ديه ... علشان اللي بيتقال عليها .... وكله كلام فاضي والحمد لله بالتجربية وبشهادة مالكيها
والشماعه اللي بيعلقوا عليها اي عيب ( تقفيل مصري) بينسوا ان في خبراء اجانب بيشرفوا علي الشغل . حتي لو مفيش العربية قدامي واقدر اقارنها بأي عربية تاني
واستهلاك البنزين شوفته بعيني ... حتي الكنبة شوفتها ي عربيات غير عربيتي و3 بيقعدوا ورا مستريح
انا عندي لا ... انا كل اللي عربيات اللي ركبتها الافتراضي بتاعها 3 ركاب ههههههههههه
الفيات - البولو - الصني ... علشان الكرسي برجعه للاخر والضهر بريحه .. ولو حد رفيع بيقعد عادي ورايا بس بشرط يخش من الباب اللي هايقعد ناحيته علشان بتفرق في القاعده
المهم انت بص قدم الاشاعات ديه كلها ... تقريبا الموديل الوحيد في النيسان اللي مشوفتش ليه اي نوع من الدعاية حتي العربيات نفسها مش بيباع منها الا عند الموزعين المعتدين تقريبا ... وشوف مبيعاتها عاملة ازاي؟؟
انت شايف الشوارع بقيت مليانة صني ازاي بفضل الله .... ده انا حتي شوفتها تاكسي (واكيد لو عارف المشاكل ده وجابها يبقي هايتخرب بيته)
ولما برد علي حد ... بشوف الاول لو هو عايز عربيه شكل او منظر او تابلوه ومش فارقه معاه بقي وسائل امان وخلافه ... او عايز عربية بتاعة شقي وتستحمل شوارعنا وبفضل الله بعد كل ده اعطالها قليلة وصيانتها مش مكلفة وتوكيلها محترم
وانت قبل ما تشتري عرببية لازم تبص للحاجات ديه كلها
احسن لما تجيب عربية بنفس السعر بس امكانيتها عالية ... ولا قدر الله لو حصل حاجة تلف الارض كلها علشا نجيبلها قطع غيار وغالية وناس معينة بيشتغلوا فيها.
كل الكلام ده ... علشان احنا في مصر وبصراحة بيحرمونا نركب عربيات محترمة في البلد ديه ....!!
عايز عربية محترمة ... سعر عالي .. توكيل غااااالي حدا ... قطع غيار حدث ولا حرج
وانا قصدي محترمة يعني الماني مثلا او فرنسي او الياباني الفئات العالية بس
وبالنسبة للعفشة بتاعة السوبر صالون بتفرق في عمود الاتزان الخلفي ... المعلومة ديه معروفة جدا وارجع تاني لبتاع المعرض واساله ... وأشك لو ده موزع معتمد وقالك كده
والعمود ده بيخدم معاك اووووووووي في الغرز والملفات وممكن يركب في الاي اكس
بس لو جيت حسبتها لو انت بتحب الوتوماتيك
ان السوبر صالون بتفرق كتير جدا عن الفرق ال 6500 جنيه دول بس .... يعني طقم الجنوط لوحده لو اتباع يبقي ب10000 جنيه تقريبا
ودلوقتي في الهاي لاين .. فرق الف جنيه بس الازاز بتاعها متفيم كله ومثبوت علي الرخصة
تقبل مروري

المشاركة الأصلية كتبت بواسطة zezomac

أخى الكريم:
شكرا على مجهودك الأكثر من رائع حيث أنى مقتنع جداً بالصنى لأني مش فارقه معايا المظهر الكداب والغالى على الفاضى وشكل الصني عجبانى.

سؤال لحضرتك السوبر صالون أحسن وتستهال الفرق (وسمعت أنى فى شكل جديد نازل أول السنة هل الكلام ده صحيح ولا لأ)

ولو الموديل هو هو ايه الألوان الأحسن ليها من وجهة نظرك. وأيهما أفضل الرمادى الغامق أو النبيتى أو الأسود.
وطلب أخير أسعار قطع الغيار لو عندك فكرة عنها بس أسعار حديثة لأنى شوفت أسعار علي النت وسألت التوكيل أمس قال أسعار تانية مش عارف هو بيقول كده علشان يبيع وخلاص ولا ايه.

ولسيادتكم جزيل الشكر والاحترام

السلام عليكم
لا شكر علي واجب .... انت تؤمرني
بس انت الاول عايز مانويل ولا اوتو
السوبر صالون اوتوماتيك بس .... مفيش منها مانويل
هو من كلام اغلبية الاعضاء ان السوبر صالون مجزية اكتر من الex ... وحسبوها قبل كده لو اشتريت الEx وحبيت تكمل الحاجات بتاعه السوبر صالون ... ممكن توصل عشرين الف تقريبا او حاجة زي كده
طقم جنوطالومنيوم ياباني- والكاسيت يو اس بي - والفتيس والطارة جلد طبيعي .. مخادع زياده وطقم اضاءه
فعلا فرق يستاهل جدا انك تجيب السوبر صالون
والشكل الجديد ده مش عارفين هاتنزل صني ولا تيدا ..ده اذا نزلت 2012 منزلتش 2013 ولا بعد كده
الالون بقي ...... هي الوانها كلها حلوة بصرحة
انا عندي الموف الداكن (الفيراني الغامق)
الفيراني الفاتح .... (جميل جدا جدا جدا علي الهاي لاين
الاسود ... محدش نصحني به علشان بيجير بسرعه وعايز يتمسح كل شويه
الذهبي جميل جدا .. النبيتي مع الجنوط تحفة ماشاء الله بس منتشر اوووي
هو اللي مش منتشر اي درجة من الفيراني
وبالنسبة لقطع الغيار انا عايزك تستفيد وتكسب وقت وتلف في القسم عندنا .... هتلاقي كل اللي نفسك فيه ومواضيع مثبتة بقطع غيار في التوكيل وبره التوكيل محدثة لغاية نص شهر 3 اللي فات
وديه لينكات ليهم وحاول تلف لفة وهاتلاقي رد علي استفسارات كتير ممكن متكنش بتفكر فيها وتلاقيها والحل بتاعها
http://www.nilemotors.net/Nile/205196-a.html
http://www.nilemotors.net/Nile/155080-a.html
تقبل مروري