الموضوع: بطارية جافة ... يلا همتكم معايا :)

المشاركة الأصلية كتبت بواسطة smsm_nabawy

الله يخليييك يا رب .. و شكراً الف شكر لسؤالك

عندي سؤال بعد أذنك !!

أعرف منين أن شحن الدينامو تمام و مظظبوط و أن الكهراب الي طالعه منه مش أقل من المفروض تطلع منه ؟؟

شحن الدينامو بيتقاس عند الكهربائي..كل اللي بيعمله بيوصل البطارية وهي راكبة في العربية بجهاز يقيش قوة شحن الدينامو ويقولك ولع الانوار العالية وزود بنزين ويشوف الشحن بنفس الكفائة ولا لا

المشاركة الأصلية كتبت بواسطة smsm_nabawy

سؤال تاني

عندي لما أكون ماشي مثلاً .. و مشغل نور الصالون .. و أعمل أشارة .. ألاقي نور الصالون بيرعش مع الأشارة !! و كذلك مثلاً لو مش مشغل أشارة بس دست فرامل .. فلمبة الفرامل ورا بتونر .. بس بلاحظ أن نور الصالون أو التابوه أو الساعة بيرعش أو بمعنىأصح بيضعف !!!!

ده من ايه

دينامو ... ولا بطارية .. ولا كهربا كلها على بعضها ؟؟

مش عارف اوي بس هقولك اللي اعرفه وإن شاء الله حد يفيدك من الاعضاء في الحتة دي

ممكن يكون الارضي الواصل من البطارية وجسم العربية ضعيف
ممكن يكون فيه تلامس اسلاك كهرباء او تلامس اسلاك بجسم العربية (يعني اسلاك مش معزولة كويس)...شوف لو عملت شغل في العربية...خلي الكهربائي يبصلك علي الضفيرة ويشوف اي تسريب...الوقاية خير من انك تبوظ بطارية جديدة
ممكن بردو يكون الدينامو ضعيف

من وجهة نظري تروح بالعربية للكهربائي يقيسلك شحن الدينامو
لو كويس قله يبصلك علي موضوع الرعشة دي...اوممكن تقوله يعملك تقوية للارضي بتاع العربية من البطارية مش بيخسر بالعكس هيحسن كتير من موضوع الترعيش ده (كل الحكاية سلك تخين و2 ترمل وهيوصل بين ارضي البطارية واي مسمار راكب في جسم العربية
وكمان خليه ياكدلك علي وصول اسلاك البطارية بالقواطيش وانها مربوطة كويس في قواطيش البطارية...
لو لسه بترعش يبقي فيه حاجة ملمسة....او هو هيعرف بقي...دي اخر معلوماتي بصراحة