استفسار للسيراتويه بخصوص تضبيط الصوت

**madoo_600** · 12-04-2011 06:28 PM

دلوقتي انا معايا سيراتو مانيوال اللي فيها السي دي دن 1 ومعايا صب 1200 وات هركبه وجي ام 750 وات كينوود و2 تويتر سيمفوني فالسماعات الفابريكه بتاعه البابين اللي ورا ضعاف شويه هل لو اشتريت سمعات بلوبونكيت الصوت هيفرق ولا مش هيفرق وشكرا

**AmrMostafa** · 14-04-2011 08:50 PM

وصل خرج الصوت ل جي ام بخرج السماعتين الخلفي للسيارة علشان الجي ام يدي قوة للسماعتيين اللي ورا كمان و علي فكرة بلاش تعالي صوت سمعات الباب علشان بتخلي صوت الباب في خرفشة

**madoo_600** · 15-04-2011 03:12 AM

يعني ماشتريش سماعات واركب الصب والجي ام بس مش ده قصدك برده

**masterzmind** · 15-04-2011 03:21 AM

وصل خرج الصوت ل جي ام بخرج السماعتين الخلفي للسيارة علشان الجي ام يدي قوة للسماعتيين اللي ورا كمان و علي فكرة بلاش تعالي صوت سمعات الباب علشان بتخلي صوت الباب في خرفشة

ازاى بس يا باشا بيقولك السماعات الفبريقة ازاى هتستحمل خرج الجى ام 750 وات انا برضوة معنديش خبرة اوى شوف رأى الاعضاء وانشاء الله خير

**madoo_600** · 15-04-2011 03:29 AM

والنبي يا جماعه حد يكون ليه في الحوار ده يرد علينا عشان انا كده كده رايح اكب بكره

**hi_nmr** · 15-04-2011 04:01 PM

طالما كده كده رايح بكرة
يبقي روح وقولنا عملت ايه

**masterzmind** · 15-04-2011 04:04 PM

طالما كده كده رايح بكرة
يبقي روح وقولنا عملت ايه

يعنى الراجل عاوز يعرف قبل ما يروح عشان يروح فاهم كل حاجة تروح انت تقولو طالما كدة كدة رايح........مش عارف اقولك اية خايف اتوقف

**madoo_600** · 15-04-2011 07:52 PM

دلوقتي انا روحت النهارده بس كان اشرف مش موجود واللي موجود عيل قتم كده المهم في 3 اختيارات
1- اركب الجي ام على الصب واسيب سماعات العربيه زي ما هيا مع اتنين تويتر بس انا شايف في الحاله دي هسمع بيز بس
2- اغير السماعات الخلفيه ببلوبونكيت 160 وات واوصل الجي ام على السماعات الخلفيه والصب وده راي اشرف
3- اركب السماعتين البيضاوي مع البورده الخشب وواصل عليهم الجي ام مع الصب بس في الحاله دي هقص في الصاج
انتو شايفين ايه

**masterzmind** · 15-04-2011 09:33 PM

بوص بردو ياباشا مع خبرتى المحدودة الاختيار الثالث ......... اولا مش عاوز اقولك السماعات البيضاوى دى عاملة ازاى ماشاء الله يعنى لو جبتها 460 كمان حاجة جمدة اوى وال الجى ام يقوم السماعات والصب انت دلوقتى المشكلة الى قدامك انك مش عاوز تفتح فى الصاج صح طيب فى طريقة انك تركب رف ورا خشب mdf تركب فى السماعات ودة مش هيحتاج انك تخرم فى الصاج ودة رائى يعنى انت انشاء الله لو جبت سماعتين 450 بيونير بيضاوى مع الحى ام مع الصب هيبقى كويسة وانشاء الله لما تجيب فلوس تغير الكاسيت وتجيب حاجة بيونير نضيفة لكن هجيب 160 وات هترميها كمان كام شهر عشان هكون عاوز حاجة عالية وبردو انا خبرتى محدودة شوف الاعضاء هنا احسن منى