الموضوع: لانسر سبورت 2009 , صنى 2011 , بيرسونا 2011

بيرسونا اليجانس الجديدة وتوكل على الله

شكراً على الرد, انا قصدى لانسر بوما بس مستعمله سبورت 2009 عشان بصراحه مدفعش فيها 130 جديده انا كان معايا 2005 و البرسونا معرفش عنها اى حاجه ولا صيانتها ولا توكيلها لكن شفت التقرير بتاع 2011 فى قسم بروتون عجبتنى المشكله ان الواحد تايه و فى دماغو 50 حاجه و انا بسافر بره مصر كتير و بركن العربيه عايز حاجه صيانتها فى الوكيل ظريفه عشان كرهت الميكانيكيه

المشاركة الأصلية كتبت بواسطة sonasteel

انا برشح لحضرتك الصني .. توكيل محترم .. ميكانيكا مش معقده .. قطع غيارها في كل حته دلوقتي ... واستهلاك بنزين زي اي عربية 1600 واحسن من عربيات 1600
تقفيل مصري محترم جدا ..... خامات تابلوه جيدة جدا احسن من عربيات كتير في نفس الفئة
وربنا ييسرلك الخير ان شاء الله
وبالنسبة للانسر انا مبحبش اي حاجة مستعملة .. ان شاء الله تكون ماشية 1000 كيلو بس
الله اعلم باللي بيبيع ده امين ولا لا .. الا مارحم ربي

شكراً جزيلاً انا جربت قبل كده و لبست عربيه مستعمله طلعت عينى و خسرت فيها كتير بس بصراحه انا جربت الصنى سوبر صالون عشان كنت ناوى اجيبها حسيت الانسر مريحه عنها بس المهم انهى عربيه مراكز صيانتها افضل لان عمرى مروحت توكيل او مركز صيانه (:

لو عندك المقدرة تشترى زيرو يبقى مالوش لازمة المستعمل لحد ما ربنا يتوب علينا من الغش اللى بقى فى دمنا
الصنى عربية محترمة، صحيح صوتها اعلى شوية من اللانسر لكن بالمقابل اشد من اللانسر فى الجرى وأعلى عن الأرض، وعملية جدا فى صياناتها وقطع غيارها بالمقارنة بالبيرسونا
رأييى ان من بين اختياراتك الصنى تمثل Best value for money