الموضوع: نيسان طوق النجاه لكرايسلر "رسميا"

لا أبدا, اسم مرسيدس مش بس فى مصر, فى أى حتة فى العالم مرسيدس هى الأغلى و الأكثر فخامة, و أى حد عايز "يتفشخر" و معاه فلوس يجيب
مرسيدس, الكلام ده يسرى فى مصر و أمريكا و أوروبا.
سيارات مرسيدس يا عزيزى هى نافذة ترى من خلالها كيف ستكون عليه صناعة السيارات فى العشرة أعوام القادمة, هى سيارة تسابق الزمن,
فى كل شىء, فى الجودة هى احدى السيارات القليلة الى بيتعملها صيانة كل 25 ألف مش 10 ألاف زى أى عربية, فى الأداء و الراحة هى
أكثر ما يمكن الحصول عليه, و فى النهاية هى الأغلى و تستحق ذلك, و هى علامة النجمة التى تعطى لسائقها شعور بالفخر لأنه يقود سيارة مثلها.أو انفنتي
فى الولايات المتحدة تعتبر السيارات الكورية و اليابانية و بعض من السيارات الأمريكية هى السيارات الشعبية, و السيارات الأمريكية الأخرى و بعض السيارات
الأوروبية سيارات متوسطة, أما صفوة القوم فيركبون مرسيدس, و صفوة الصفوة يبتاعون مازيراتى و جاجوار و رولز رويس و بنتلى و بورش.
لا مؤاخذة هو سعر التويوتا كام و المرسيدس كام؟!!
مينفعش تقارن جودة سيارة شعبية مقلدة, مع سيارة أصيلة هى نافذة لما سوف يطرأ على صناعة السيارات فى الغد, دى طلعت منك أوت فعلا
و أعتقد انك بتقولها لمجرد الاستفزاز, و الا تبقى كارثة لو أنك تعنيها!!

لا يا فادي معلوماتك غلط ....واحدة واحدة و حاقولك ليه :)

مرسيدس عربية هايلة و الشركة عريقة ما حدش يقول حاجة انما العقدة بتعة المرسيدس ديه مش في الدنيا كلها .....في المانيا نفسها السيارة الرسمية للمستشارية الالمانية Audi A8 مش مرسيدس ......مرسيدس تاكسي في ألمانيا و ده ما يعبهاش لكن يوضحلك إن الهالة المضافة على مرسيدس مش في كل حتة أما بقية أوروبا ففي الدول المصنعة للسيارات حتلاقي الماركة المحلية هي البريمو يعني إنجلترا و فرنسا و ايطاليا..... أوروبا الشرقية بقى و روسيا دول وضع تاني

في أمريكا الشمالية و ديه السوق اللي أنا عايش فيها و متابعها كويس مرسيدس عربية الصينيين و العرب محدثي النعمة ...اللي عايز "يتفشخر" زاي ما بتقول بيشتري لكزس أو أكيورا... أو انفنتي ...ممكن بي إم أو أودي... و قليل أوي أوي مرسيدس و موديلات معينة زاي SLK مثلا لكن ما تلاقيش الهبل بتاع تشتري عربية بقالها ٢٠ سنة بتمن عربية جديدة .....على فكرة بتمن تويوتا إكو مستعملة (أسوأ ما أنتجت تويوتا ) ممكن تشتري E-class مستعملة .....لو عايز ;)
مين قالك إن مرسيدس أغلى من لكزس الكلام ده بالعكس تماما ....و جوده مرسيدس تحت مستوى الشبهات ....بالذات اللي متصنعة في أمريكا .....اعطالها كتير أوي و سمعتها ذي الزفت
الصفوة بقي فعلا بيركبوا الموديلات اللي إنت ذكرتها بس نسيت تضيف مايباخ اللي مرسيدس استعرت تحط اسمها عليها عشان تبيعها كويس :p

لو كنت بستفزك يا فادي ما تزعلش ....أنا ما زعلتش منك قبل كده غير مرة واحدة بس :D

المشاركة الأصلية كتبت بواسطة Chicco

لا يا فادي معلوماتك غلط ....واحدة واحدة و حاقولك ليه :)

مرسيدس عربية هايلة و الشركة عريقة ما حدش يقول حاجة انما العقدة بتعة المرسيدس ديه مش في الدنيا كلها .....في المانيا نفسها السيارة الرسمية للمستشارية الالمانية Audi A8 مش مرسيدس ......مرسيدس تاكسي في ألمانيا و ده ما يعبهاش لكن يوضحلك إن الهالة المضافة على مرسيدس مش في كل حتة أما بقية أوروبا ففي الدول المصنعة للسيارات حتلاقي الماركة المحلية هي البريمو يعني إنجلترا و فرنسا و ايطاليا..... أوروبا الشرقية بقى و روسيا دول وضع تاني

في أمريكا الشمالية و ديه السوق اللي أنا عايش فيها و متابعها كويس مرسيدس عربية الصينيين و العرب محدثي النعمة ...اللي عايز "يتفشخر" زاي ما بتقول بيشتري لكزس أو أكيورا... أو انفنتي ...ممكن بي إم أو أودي... و قليل أوي أوي مرسيدس و موديلات معينة زاي SLK مثلا لكن ما تلاقيش الهبل بتاع تشتري عربية بقالها ٢٠ سنة بتمن عربية جديدة .....على فكرة بتمن تويوتا إكو مستعملة (أسوأ ما أنتجت تويوتا ) ممكن تشتري E-class مستعملة .....لو عايز ;)
مين قالك إن مرسيدس أغلى من لكزس الكلام ده بالعكس تماما ....و جوده مرسيدس تحت مستوى الشبهات ....بالذات اللي متصنعة في أمريكا .....اعطالها كتير أوي و سمعتها ذي الزفت
الصفوة بقي فعلا بيركبوا الموديلات اللي إنت ذكرتها بس نسيت تضيف مايباخ اللي مرسيدس استعرت تحط اسمها عليها عشان تبيعها كويس :p

لو كنت بستفزك يا فادي ما تزعلش ....أنا ما زعلتش منك قبل كده غير مرة واحدة بس :D

يا راجل حرام عليك أودى ايه بس دى فولكس!!!
على فكرة أودى ليها سمعة سيئة جدا فى مصر على صعيد البارومة و الجودة و الأعطال, أكيد حضرتك عارف الكلام ده.
انفينيتى ايه و لكزس ايه يا راجل حرام عليك حد بيتفشخر بتويوتا؟!!!
مرسيدس مخدتش ريادتها ببلاش, جملة "النجمة التى تقود الجميع" لم تأتى من فراغ, أما كيفية القيادة فهقولك:
- نظم الحفاظ على الثبات المختلفة و نظم الكبح المتطورة كلها من مرسيدس.
- أكثر محرك بنزين كفاءة فى العالم كان من مرسيدس ايه أم جى, و ده محرك 8 سلندر 6200 سى سى.
- أول محرك تربو ديزل فى العالم لكن بحقن غير مباشر, و أكملت فيات المسيرة مع الكروما 1986 بمحرك تربو ديزل حقن مباشر.
- أكثر السيارات امانا فى العالم هى مرسيدس و ليست فولفو, كما أنها الأكثر متانة.
- أسرع ناقل حركة أوتوماتيكى هو ذلك الموجود فى ماكلارين مرسيدس.
ده طبعا جزء بسيط من ابتكارات مرسيدس و قيادتها لمسيرة صناعة السيارات, أما لكزس و انفينيتى و غيرهم فهم بعيدين عن أى مجال للقيادة و كلها شركات حديثة ملهاش اسم و جودتها محل شك, و أدائها و التكنولوجيا فيها خارج الزمن, و التكنولوجيا يا صديقى مش تكييف و باور.
كما قلت قبل ذلك, أى سيارة مرسيدس هى نافذة لما ستصبح عليه صناعة السيارات فى خلال 10 سنوات, أما لكزس و هذه الأشياء فهى نافذة لما كانت عليه صناعة السيارات قبل 20 سنة على الأقل:)
الموضوع مش حكاية مصر و الصين, مرسيدس هى اسم أسطورى لا يتكرر, و ليس هناك مجال لمقارنتها بأى ماركة أخرى, و ده رأى الخبراء قبل العامة.
أما موضوع المستشارية الألمانية ده فلازم نذكر انو السيارة الرسمية فى فرنسا أيضا هى سيتروين:), و طبعا أنت تعرف سمعة سيتروين السيئة سواء على صعيد الأداء أو على صعيد الجودة.

المشاركة الأصلية كتبت بواسطة PRO-DRIVE

بعد غزو امريكا و اوروبا و امريكا الجنوبيه و روسيا

يتبقي لمجموعه رينو غزو الصين :D

هى رينو ناوية تاخد عربيات العالم كله ولا إيه :D
تفتكروا رينو بتجيب الفلوس دى منين ؟؟

" ايه دا بجد :| دا يدل علي قله ثبات سيارات مرسيدس :|"

صحيح أن وضع أنظمة للحفاظ على الثبات يدل على مشكلة فى ثبات السيارة, لكن من قال لك أن سيارات مرسيدس الفخمة مطلوب منها أن تكون ثابتة فى المنحنيات؟!السيارة الفارهة مصنوعة للقيادة الهادئة و التمتع بأقصى قدر من الراحة, و استطاعت مرسيدس أن تضفى عليها بعض الثبات بفضل أنظمة الحفاظ على الثبات المختلفة, و هى سابقة فى تاريخ السيارات الفارهة, أن تستطيع قيادة مثل تلك السيارات بطريقة رياضية دون فقدان الثبات, و لو تم ذلك بطرق ملتوية.
و لكن عندما تضاف هذه الأنظمة الى سيارة رياضية, اذن هناك خلل ما.

"اكيد لو تقصد سيارت الفورميلا 1 ممكن اتفق معاك

لو تقصد مكلارين Slr تبقي محتاج Update"

لا مقصدش الفورمولا 1, لأن فيرارى تتفوق فى هذا المجال, هناك سيارة اسمها ماكلارين مرسيدس مخصصة للانتاج التجارى, و متقوليش الدى سى جى و الكلام ده. على العموم افتح مرسيدس على الويكيبديا و هتعرف لماذا هى تقود العالم.
بالنسبة لى, لا أحب سيارات مرسيدس كثيرا, و أفضل سيارة مثل ألفاروميو عليها, لأنى لا أحب طابع مرسيدس الكلاسيكى, أعتقد انى ممكن أحبها لما أوصل 50 سنة:)

"اعتقد انت عارف ان ستروين و بيجو ميتفرقوش عن بعض ابدااااااااااا"

لا أرى سيتروين كشركة سيئة أبدا, و لازم نذكر انها صاحبة العديد من الابتكارات, كما أنها مشهورة بأنها أكثر السيارات التى تعنى بالأيروديناميكية, بينما تشتهر بى ام دبليو مثلا أنها لا تعنى بالأيروديناميكية أبدا, و لا ترى فى ذلك سببا كافيا لجعل شكل السيارة قبيحا.
و بيجو أفضل من سيتروين بمراحل, على صعيد الجودة على الأقل, رغم أنهم شركة واحدة, و لكن هذه من مفارقات الزمن.