عرض للطباعة
اليوم فقط استلمت السيارة فيرنا فيفا 1500 سى سى نص كماليات السيارة ممتازة فى السحب والثبات لكنى فوجئت بشيئ غريب مؤشر عداد البنزين لا ينزل الى الزيرو مثل باقى العدادات عند اطفاء المحرك ويظل مرتفع الى اعلى كما لو كانت السيارة مشغلة ... اتصلت بصاحب المعرض الذى استلمت منه السيارة فقال حاول ان تفتح الكونتاك وتقفله قد يكون المؤشر معلق ففعلت ولكن لم يحدث شيئ فقال تذهب الى التوكيل هل يعقل ان اذهب الى التوكيل فى اليوم الثانى لشراء السيارة ؟؟؟؟ اخوانى من عنده حل لهذه المشكلة يقوله لى وانا شاكر له
ألف مبروك وربنا يعطيك خيرها ويبعد عنك شرها
السيارة فيفا مع أحد زملائى فى العمل وهى ناعمة وجميلة
لا تقلق حاول أن تجمع جميع الملاحظات وتذهب بها كلها فى صيانة الألف
وسوف أسئل صديقى عن موضوع المؤشر ده
الف مبروك وربنا يباركللك فيها ويكفيك شرها
بالنسبة للعداد البنزين الدايو كلوا كدة بيفضل ثابت بعد ماتطفى العربية
فاممكن تكون مصممة كدة
لو حد معاة العربية تانى فى المنتدى ممكن يفيدك
اخى العزبز
انا عندى فيفا وده طبيعى فيها لا تقلق
سلام وانتظر اى اسئلة اخرى
موضوع مؤشر البنزين اللى شغال على طول ده انا شفته فى كذا عربية وعادى
دى وجهات نظر من المنتجين (مش عارف وجهة نظرهم بصراحة) يمكن علشان اللى ماشى جنب العربية وهى راكنة يعرف فيها بنزين قد ايه :)
بس اظن ان العربيات اللى فيها الحالة دى مقتصرة على العربيات الكورى واليابانى
شكرا جزيلا اخوانى الاعزاء على ردودكم الجميلة التى ادخلت الطمأنينة الى قلبى لان بصراحة الذهاب الى غبور بدرى كده ما ينفعش خالص !!!
مبروك يا باشا علي العربيه وربنا يكفيك شرها
كنت عاوز افيدك بس الاخوه قامو بالواجب واكتر
بس دي حاجه طبيعيه في عربيات كتير متقلقش
مبروووووووووووووك :)