حد بيعمل صناديق صب وفر فى اسكندريه

**bassol2000** · 12-04-2011 09:03 PM

انا اشتريت صب وفر Boss Riot 125 Bass Max من واحد صاحبي و مواصفاته كالآتي
Peak Power Handling 600 Watt
Continuous Power Handling 300 RMS Watt
Size 12 Inch
و اشتريت عليه أمبليفاير Kenwood 350 Watt
و اشتريت سماعتين Kenwood KFC-s6962
ممكن شوية طلبات انا عارف انى برخم بس محتاج مساعده
انا كنت D.J Player و بفهم فى ال Sound Equipment الحقيقه انما بتاعة السيارات .. انا علي قدي فيها
مبدأيا كده انا عربيتي Nissan Sunny 10 بتنزل ب ( هيد يونيت Kenwood ) مش بطاله .. وصلت انا عليها السماعتين اللى اشتريتهم من توكيل كلاريون اللى عندنا فى سموحه .. صوتهم مش بطال .. السماعات دى 75 RMS Watt و الماكس بتاع السي دى بلاير الكينوود ده 50 وات لكل تشانل يعنى المفروض الصوت يكون مرتاح .. الصوت جميل جداً لحد 30 .. فكرت تعالي فوق ال30 .. الصوت بيبتدي يهزر و يبقي بايخ .. هل ده معناه ان مضخم الصوت الموجود فى الكاسيت جودته قليلة .. و انا محتاج مضخم تانى للسماعات عشان اعرف اعلي لحد ماكس السي دى بلاير مرتاح .. ولا السماعات فيها حاجه غلط و محتاج اجيب سماعات 90 وات او اعلي :( مع العلم انها غاليه كانت عامله 400 جنيه او اكتر :((
طيب ده رقم اثنين .. نرجع بقي لرقم واحد .. الصب وفر ده صوته معقول و انا قولت اعمل تشيك على الريفيوهات بتاعته هو صب وفر مش بطال .. بس الفكرة ان صندوقه متهالك و انا محتاج اعمله صندوق جديد و مستعد اصرف 200 جنيه عالصندوق بس اخد صوته كويس يعنى ... انا كان عندى ايام يعنى قبل ما ابيع ال D.J اللى كان معايا كان معايا مضخم GemSound 1200 RMS و 4 سماعات JBL و 2 JBL Subwoofer 18 Inch 500 Watt Each
و كنت بعلي الصوت كان .. بيحصل زلزال ... بس زلزال من غير Distortion ..... انا بقي مش عاوز زلزال فى العربيه عاوز صوت معقول حتى لو عليت السي دى بلاير على اخره و من غير Distortion ياريت لو حد فهمني :( يساعدنى انا عارف انى برغي كتير بس متعشم فيكم خير
ملحوظه : مش عاوز اغير الهيد يونيت اللى فى العربيه لانى شايف انها كويسه و فيها Subwoofer Level Control و ده لذيذ اوى عشان لما بسمع Rock , ....l , Trance , Rave , Techno مش بكون محتاج البيز ليفيل عالي زى ما بسمع ٌRap , HipHop , House عشان كده هو كويس شكراً مقدماً للرد

**Ali_mehrem** · 12-04-2011 09:44 PM

بص يا باشا اولا مرحبا بيك فى قسم الصوتيات و عايز اقولك انك وجهت سؤالك فى المكان صح <===== حلوة الداخله دى ههههه

بص هو بالنسبة للعده بسم الله ماشاء الله بس فى شوية حاجات كده مش مظبوطه ناخدهم بالترتيب اللى حضرتك كاتبه

1- اولا الصب كويس اوى بس الجى ام ده اخره سماعتين بيضاوى ليه بقى لانه 2 تشانيل و كل تشانيل 75 وات rms و بريدج 150 واط rms يعنى انت مش حاسس غير بتقريبا نص قوة الصب فابلتالى لما بتعلى اوى لازم الصوت يهرتل و يبوظ لا التكبير فى الامبليفايرات دى انالوج مش ديجيتال يعنى بيجيلة الديتورشن مع السيجنال فبيعلى مع تكبير الصوت و بالتالى يبوظ

2- بالنسبة للسماعتين حلوين اوى على السيستم بتاعك و كل سماعه 75 rms يعنى يفضل توصل السماعتين بس على الجى ام لواحدهم و تجيب جى ام تانى يكون اقوى او اكبر للصب لان الصب بالمنظر ده بيشم الباور اللى داخله

3- بالنسبة للصندوق لو متهالك من ناحية الخشب و العزل و التجليد اعمل غيره لو الخشب سليم ممكن توضب شكلة و تغيرله موكيت او جلد و خلاص على كده و لو هتعمل واحد جديد هيتكلف تقريبا 150 او 180 جنيه بالنسبة بقا لموضوع اسكندرية مقدرش افيدك لانى من السويس ههههههه

اى اتسفسار اخر انا تحت امرك و يارب اوكن قدرت افيدك

**rotato** · 12-04-2011 09:50 PM

انا معنديش خبرة في معدات الصوت و الي اخرة لكن بم اننا جيران في سموحة انا اعرف محل مشهور و بيعمل الحاجات دة انا عمري معملت حاجة عندو لكن الفاترينة مُلفتة و تحس انة محل جامد و معملة استكر وكدة اسمو بازوكة Bazzoka في سيدي جابر مش من علي ابوقير لا من ناحية ابراج سيدي جابر اسئل هناك هيدلوك بالضبط

**bassol2000** · 13-04-2011 12:10 PM

@Ali_mehrem شكرا بجد انت شخصية محترمة جداً و انا فعلا اتضحك عليا ... انا كل اللى حصل انى روحت التوكيل بتاع كلاريون قولتله انا محتاج امبليفاير يشغل صب وفر 12 بوصه 300 وات RMS عطانى المضخم الكينوود ده و مكتوب عليه 350 وات :( انا فكرت انه هيكون صوتو معقول جداً لانه 350 وات و قولت مش هعلي اوى .. اوف انا لبست فى الحيطه .. و نعم الناس اللى بتفهم .. و الله شكلي هشتري سماعه JBL باورد على الحقيقه و اعيش بيها ولا عربيه ولا غم .. انا كده مضطر اوصل الجى ام ده للسماعتين الحقيريتين اللى انا اشتريتهم و يارب يكون صوتهم معقول لما اعلي بقي ... و بالنسبه للصب وفر ده .. حضرتك تعرف اذا كان كويس ولا ايه نظامه هو ماركة Boss Riot BassMaX 600 Watt Peak , 300 Watt Rms 12 Inch و ده شكله
نرجع لحاجه مهمه اوى هو مكتوب عالانترنت انه الصب ده يستحسن انه يتحط فى Small Sealed Enclosure على اساس انه شكله كويس فى ال Mid-Bass Levels بس انا بفكر اعمله صندوق Vented=Bass Reflexive السؤال .. هل هيأدي كويس .. ولا هيخرف :D سؤال رخم تانى معلش :$ ... اجيبله امبليفاير نوعه ايه و كام وات .. انا اشتريت الكينوود ال 350 الحقير ده ب 410 جنيه .. و كان معايا لحد 1000 جنيه بس زى اى شاب طبعا الفلوس اتصرفت دلوقتى :D ههههه بس سهله يعنى المهم انا محتاج اسمع صوت معقول من غير Distortion ايه الحل فى المتاح معايا ك سماعتين كينوود و هيد يونيت كينوود و امبليفاير كينوود حقير و الصب الكوي ده :D

@Rotato شكرا جداً انا اكيد هروح اشوف ايه الجو و ايه النظام عنده بس اتحل من المشكله اللى انا وقعت فيها دى انا فعلاً مش مبسوط ..طظ فى الفلوس بس انا ضيعت يوم بحاله يوم الشرا و التركيب و التجربه بقي و الكلام الفاضي ده و النتيجه ان فعلا فى حاجه غلط بسبب غباء شخص ... ( البائع اكيد مش انا ) باذن الله هوصل الكينوود ده على السماعتين و اقولكم اخبار الصوت ايه

**rotato** · 13-04-2011 04:47 PM

المشاركة الأصلية كتبت بواسطة bassol2000

@rotato شكرا جداً انا اكيد هروح اشوف ايه الجو و ايه النظام عنده بس اتحل من المشكله اللى انا وقعت فيها دى انا فعلاً مش مبسوط ..طظ فى الفلوس بس انا ضيعت يوم بحاله يوم الشرا و التركيب و التجربه بقي و الكلام الفاضي ده و النتيجه ان فعلا فى حاجه غلط بسبب غباء شخص ... ( البائع اكيد مش انا ) باذن الله هوصل الكينوود ده على السماعتين و اقولكم اخبار الصوت ايه

ربنا يعوضك...... و انا معملتش حاجة دي مجرد معلومة بسيطة

**misoalex** · 15-04-2011 06:01 AM

ملقتش غير كلاريون بتاع سموحه

هاتلك جى ام 600 لان الجى ام اللى انت جايبه ده حيقوم سماعات بس لانه صغير

**bassol2000** · 15-04-2011 12:04 PM

@misoalex شكرا جدً عالرد ... بس انا عاوز اعرف طيب مين كويس فى اسكندريه .. انا بجد مضايق اوى انا كل اللى قررته .. انى اشغل الجى ام الفاشل ده على السماعتين الكينوود و خلاص و هشيل الصب وفر دلوقتى و هحط الجى ام عند الاستبن :D عشان يتعذب لحد ما يبوظ ... و منين ما تحضر كاشات هعمل صندوق Bass-Reflex للصب و اجيبله مضخم يليق بيه .. بس سؤال ..مين كويس فى اسكندريه اتعامل معاه :( انا دافع 420 جنيه فى المضخم الحقير ده

**misoalex** · 16-04-2011 02:59 AM

طيب متجيب تيوب بتاع بازوكا (صندوق بازوكا ) جاهز
زى ده

او صندوق جاهز وتريح دماغك لان التفصيل استحاله يكون زى الاصلى

وفيه محل مش فاكر اسمه فى سموحه الشارع اللى كان فيه السوبر جيت محل بتاع تعديلات واكسسوارات كبير ممكن يفيدك فى الموضوع ده

وجرب المحل اللى اسمه بازوكا اللى قال عليه اخ فى مشاركه فوق هو بيقول انه فى سيدى جابر كمان يعنى فى نفس المنطقه
وانا بشوف عربيات كتير عليها لوجو محل اسمه بازوكا وشكل لايت سيستم شكله هو ده المحل

**bassol2000** · 16-04-2011 10:04 PM

@misoalex تمام ... باذن الله اول مارجع اسكندريه و قبل ما اتحرك او اروح اعمل هكلم حد من اخواتى الاسكندرانيه يشجعني ننزل سوا باذن الله و شكرا جداً

**misoalex** · 17-04-2011 05:29 AM

شوف حتنزل امتى وقوللى انا عاوز اسأل على صندوق ال jbl دا ليه انا كمان

الموضوع: حد بيعمل صناديق صب وفر فى اسكندريه

LinkBack

أدوات الموضوع

عرض

-

-

-

-

-

المواضيع المتشابهه

موقع بيعمل بيعمل براويز لصور الاطفال زى اللى فى الاستوديهات

مين فى اسكندريه بيعمل فرن الشكمان استالس

مساعده من اهل اسكندريه عن اماكن البيع في اسكندريه

الكلمات الدلالية لهذا الموضوع

المفضلات

المفضلات

ضوابط المشاركة