اتدرب في انهي شركه عربيات ؟؟
في الاول .... انا مكنتش عارف احط التوبيك ده فين بالظبط ... فحطيته هنا
انا في هندسه قسم ميكانيكا وهتخصص باور ان شاء الله السنه الجايه ( لو نجحت )
انا ان شاء الله نازل تدريب صيفي اجباري السنادي والمفروض اني بخلص ورقي دلوقتي علشان بيقولوا الشركات لازم اقدم فيها من دلوقتي
وانا ان شاء الله عاوز اتدرب في شركه عربيات .. كاستفاده ليا انا لان العربيه معايا لو هوهوت مني ع الطريق مش بفهم فيها حاجه خااااااالص غير اني بسوق وبس
فعلشان كده قلت انزل اتدرب في توكيل او شركه عربيات بحيث اني ابقي خبطت عصفورين بحجر مني خلصت من التدريب ومني فهمت حاجه في العربيه بدل ما انا ابيض كده
المهم
مش عارف اروح اتدرب فين ؟
في البافاريه ولا مرسيدس ولا تويوتا ولا اروح ميتسوبيشي علشان انا معايا لانسر ولا ايه ؟
انهي احسن حاجه هاستفاد منها ؟
وانهي اللي هعرف اوصل اني اتدرب فيها ؟ واوصل اصلا ليهم ازاي ؟