السلام عليكم جميعا
انا طارق داخل ع الموقع جديد وعاوز انضم للهنداويه
ولى استفسارين :oops1:" من اولها كده ":oops1:
انا عندى هوندا مو 92 si خليجى ومحتاج اسقط موتور ومحتار اروح بورسعيد ولا الحرفيين وايه افضل موتور يركب عندى وطبعا السعر كام ؟
والاستفسار التانى فى قدامى موتور مو 92 بالفيتيس والكبالن والضفيره وصاحبه شاله علشان يحط موتور اكبر
اعمل ايه بالله عليكم
و عليكم السلام و رحمة الله و بركاته
ممكن الموضوع ده يفيد حضرتك
http://www.nilemotors.net/Nile/211356-a.html
بص على الموضوع دة هيفيدك كتير
http://www.nilemotors.net/Nile/189865-a.html
و بالنسبه للموتور التاني لا سيبك منه لأن المواتير الأستيراد بتبقي أستخدام نضيف شويه و فيه حاجات بتبقي ملحقتش تشتغل لكن أهم شئ يبقي معاك حد عمل نفس الموضوع قبل كده لتلاشي الأخطاء اللي وقع فيها
اولا اهلا بيك ياباشا عضو معانا فى قسم الهوندا وعضو جديد فى العصابةاقتباس:
المشاركة الأصلية كتبت بواسطة tarekomar66
بالنسبة للتسقيط انصحك انك تسقط الماتور دة d16z6 , zc اى واحد من الماتورين دول هيبقوا جامدين وقطع غيار متوفرة
بالنسبة لماتور ال si الاصلى الاتنين كامة اللى d16a9 دة كويس بس فتيسة غالى ونادر وبعدين بدون vtec هيفرق معاك على الاربى ام العالى اوى
بالنسبة للمكان بورسعيد اقل من هنا فى المواتير 1000 جنية بس لما تحب تسقط من بورسعيد يبقى تركبة هناك عشان ماتفضلش رايح جاى
بالنسبة للماتور اللى صاحبة عايز يبيعة قبل مايفكة من عربيتة جرب الماتور الاول واعرضة على ميكانيكى هوندا متخصص عشان يكشف عن حالتة , وقيس كبسة لو تمام خلاص توكل على الله
شكرا يا سامح باشا
طيب الاسعار فى حدود كام فى بورسعيد وتقريبا التركيب بياخد كام يوم وفيه حد ممكن ترشحه لى فى بورسعيد
وبالنسبه للموتور اللى صاحبه عاوز يبيعه هوه للاسف شاله فعلا من العربيه وموجود عنده فى المخزن
لو هتجيب ماتور d16z6 بيعمل هنا 5500 شامل كلة , فى بورسعيد بيعمل 4500 الى 4800
تكلفة التسقيط هنا 400 جنية هناك هيبقى 300 جنية واى تسقيط بياخد بحد ادنى يومان واقصى ثلاث ايام وبيبقى اليوم الثالث دة بيفنش فية العربية وبيتلين شوية عشان الزيت بيتغير على طول مافيش بعديها ب200 كم
فية واحد هناك اسمة ظاظا دة ممحل كبير استيراد واسعارة حلوة وحاجتة نظيفة دة رقمة 0124416170 شوف انت محتاج اية وكلمة
شكرا يا استاذ حسام على النصيحه دى بس انا كان تفكيرى ان الموتور دا زى الموتور بتاعى وكنت معتقد انى ممكن اقدر استفيد منه كقطع غيار
بس شكلها كده رحله لبورسعيد ان شاء الله
سكرا يا استاذ ماستر مايند على المعلومات الجميله اللى كانت فى الرابط
مشكور يا سامح باشا
معلش انا بتاقل عليك شويه بس هل مطلوب تغير فى الدفيره اقصد ها ابقى محتاج كهربائى هناك كمان؟
وها اكلمه ان شاء الله دلوقتى
لو هتركب الماتور الكامة الواحدة d16z6 دة مزود بvtec طبعا لازم يتغير لة الضفيرة بالكنترول بالعفشةاقتباس:
المشاركة الأصلية كتبت بواسطة tarekomar66
كلمت الاخ ظاظا بتاع بورسعيد بس معندهوش النوعين دول حاليا اللى عنده دلوقتى d 15 b وكمان هايغير الفيتيس من مانيوال الى اوتوماتك ودا سعره 3500 جنيه بدون الكبالن
والاقتراح التانى انتظره لبعد شم النسيم تكون البضاعه الجديده جت له
بس انا مش مقتنع انى اخد موتور وابقى لازم اغير فيه الفيتيس
اعتقد ان كل حاجه لما بتيجى على بعضها دا بيكون افضل
تفتكر فيه حد تانى ممكن ترشحه ليا فى بورسعيد برضه
شوف بالنسبة للسعر فطبا كويس جدا جدا لانة كدة اقل من هنا ب1000 جنية كاملةاقتباس:
المشاركة الأصلية كتبت بواسطة tarekomar66
وبالنسبة للماتور دة فطبعا جميل جدا بردة لانة 130 حصان وفية vtec
المشكلة بقى هناك ان السوق نايم شوية فمش هتلاقى مكن كتير احنا ان شاء الله هنزل قريب بورسعيد لازم نعمل مقابلة تانية هناك بس يكون الوضوع احسن من كدة بس هحاول اجيبلك واحد كويس يكون هناك ثقة لان اهم حاجة تخليص الورق والجمارك بتاعة الماتور
بالنسبة لتغير الفتيس عادى مش مشكلة دة فتيس
الف شكر يا سامح باشا وفى انتظارك ان شاء الله
ههههههه
انا خالد صاحب الموتور 130 d16z6 حصان اللى معروض للبيع
انا كمان مستنى ظاظا لما يجيب المواتير الجديده