حدث بعد منتصف الليل:::الهاتف جاله جوم إحلب العجلة

**A7MED_PHARMA** · 13-04-2011 02:19 AM

السلام عليكم

في إطار سلسلتنا المتواضعة"حدث بعد منتصف الليل"
نحكي قصة النهاردة
بطلها : عم (رضا) سواق عربية نقل حكومة يقارب الــ 60 سنة
نص فلاح على نص سواق فلاح
نبدأ القصة
.
صرير الباب الزجاجي للصيدلية يُفـــتح
يطل وجه (عم رضا)الضاحك دائما بلاسبب لتفضح أسنانه عشقه للنيكوتين وأشياء أخرى
متغنيا
"داكترة .. ياداكترة ..كح كح "
-حبيبي ياعم رضا..فينك ياراجل-
تتسع حدقتا عم رضا ويكتسب وجه صرامة شبه مضحكة ليدل على أن ماسيقوله أمر جلل وخطير
وبدون مقدمات
" واحد حبيبنا من عزبة(مش عارف إيه)..راح لواحدة ست جالها إحلبيلي شوية لبن من جاموستك دي للعيلة الصغيرة..جامت الست جالتله : بس أني جوزي حالف عليا مخرجش لبن لحد..الراجل زعل في نفسه كده..وإستلف جرشين من هنا ومن هنا..وراح إشترى عجلة بــ600 جنيه أد كداهو...
وربطها جدام الدار ونام
جاله الهاتف في المنام بيجوله:جوم إحلب العجلة دلوجتي ..وإلا هتموت..لبن العجلة دين فيه شفاء للناس والأمة أجمعين
الراجل جام م النوم مش مصدج..وراح لجى ضرع(صدر)العجلة مفحل أد كداهو..وحلبها..يصحى الصبح يحطلها شوية برسيم أد كداهو..يضير يلقيهم بجوا كوووم برسيم على السجف"
يصمت قليلا عم رضا..و(يبحلق في وجهي)ليرى أثر كلماته الخطيرة للغاية على وجهي ثم يردف
"الواد علاء إيني..مانت عارف إنه تعبان ..بيشتكي بضهره ياداكترة..راح للراجل أخد منه ملو سرنجة لبن النهاردة..ربنا يجيب الشفا من عنده"
أتدخل مقاطعا
-وبياخد كام الراجل ده يا(عم رضا)
يكفهر وجه عم رضا وكأنني سببته ويقول
"لااااااااااااااااااااااا� �ااااااااااا..الهاتف جاله :لبن العجلة دي خير للأمة أجمعين..وحد الله بيني وبين الفلوس"

.
.
.
.
قصة أخرى من حكاوي أخر الليل .
وحسبي الله ونعم الوكيل في الجهل

**tito_1980** · 13-04-2011 02:48 AM

ههههههههههههههههههههههههه ههههههههههههههههههههههههه هههههههههههههه هو في كده يا ناس ؟ ايه البلاوي اللي بتتحدف عليك مش كفايه بارشوطات و بلاوي حكومتنا الموقره ؟ بس ليا سؤال هو ابن الراجل المرحوم ده اخد حقنه لبن ؟ اصلي عشان افهم كلام الراجل ده محتاج قاموس عربي صعيدي صعيدي عربي .

**bemocarlo** · 13-04-2011 04:26 AM

دي حكاوي الجهاوي هههههههههههههههههه.الله يكون في عونك يا دكتور بسي برضه الشراجوه اجدع واظرف واطيب ناس.الشيخ محمد الليثي الله يرحمه ويدخله جناته انا بحب اسمعه .مره بسمع له ربع قرأن وكان في قريه من قري الشرقيه وكان مبدع اوي في الربع ده .واحد من الناس اللي في
السرادق قام وراح قابل الكلمتين دول(اللــــــــــــــــــ� �ــــــــــــــــــــــــ� �ــــــــــــــــــــــــ� �ــــــــــــــــه حرام عليك يا راجل يا شيخ روح انته ناوي تعمل فينا ايه يا راجل حرام عليك) الميتم ما بقاش ميتم بقه فرح.ههههههههههههههههههههه� �ههه والله بحب الشراقوه.
bemo,ire

**Eslam.Elrefaey** · 13-04-2011 04:26 AM

حلو اوى انك ببكتب المواضيع دى ده انت بتعانى والله حاسين بيك

**A7MED_PHARMA** · 13-04-2011 04:36 AM

ماهي مشكلتي إني سهران بالليل
ومن سوء حظي إني مستمع جيد زي مابيقولوا
ومش عارف ليه الناس بتحب تقف ترغي معايا بالليل....أنا حكيت مرة عن واحد فضل واقف يرغي يرغي يرغي من الساعة 12 تقريبا
لحد قرآن الفجر..واقف يرغي وأنا واقف أسمع...وعلشان راجل كبير إتكسفت أقوله"""غووووور وجعتلي دماغي"""
حكالي قصة حياته كاملة..أيام ماكان في دبلوم...وأيام ماكان في الجيش..وأيام ماكان لسه عريس جديد..ومشاكله في الشغل..ومشاكل عياله..وحتت الارض الي عاوز يبيعها..والمحل الي عاوز يشتريه..وبنته الي زعلانة مع جوزها..وإبنه الي بيشرب سجاير..و...و......و.........و...........� �...................و....................

كان يومك منيل بنيلة والله

**A7MED_PHARMA** · 13-04-2011 04:53 AM

محدش أخد باله من حاجة
الناس إعتبرت دي معجــــــــــزة ليه؟؟؟
علشان المفروض إنها عجلة يدوبك كام شهر..يعني عذراء صغيرة في السن
فلما تنزل لبن...مع الهاتف إلي جاله في المنام
يبقا الراجل ده بقا ولي من أولياء الله الصالحين..ولاحول ولاقوة إلا بالله

**tito_1980** · 13-04-2011 04:55 AM

المشاركة الأصلية كتبت بواسطة a7med_pharma

ماهي مشكلتي إني سهران بالليل
ومن سوء حظي إني مستمع جيد زي مابيقولوا
ومش عارف ليه الناس بتحب تقف ترغي معايا بالليل....أنا حكيت مرة عن واحد فضل واقف يرغي يرغي يرغي من الساعة 12 تقريبا
لحد قرآن الفجر..واقف يرغي وأنا واقف أسمع...وعلشان راجل كبير إتكسفت أقوله"""غووووور وجعتلي دماغي"""
حكالي قصة حياته كاملة..أيام ماكان في دبلوم...وأيام ماكان في الجيش..وأيام ماكان لسه عريس جديد..ومشاكله في الشغل..ومشاكل عياله..وحتت الارض الي عاوز يبيعها..والمحل الي عاوز يشتريه..وبنته الي زعلانة مع جوزها..وإبنه الي بيشرب سجاير..و...و......و.........و...........� �...................و....................

كان يومك منيل بنيلة والله

فكرتني بيوم كنت راكب تاكسي و السواق برضه راجل كبير يعني بيلعب في الستينات و قعد يحيكلي انه بعد ما اتخرج من الجيش قام هو و اصحابه اتشاقوا مع واحده و كده و بعدين اتلاقيته بيقول انها مشفهاش من سنتين فقلتله ايه يا حاج الكلام ده من 30 سنه فاتت مشفتهاش من سنتين ازاي بس ؟ فقالي اصلي اتجوزتها ههههههههههههههههههههههههه ههه و الله هم يضحك

-

-

-

الموضوع: حدث بعد منتصف الليل:::الهاتف جاله جوم إحلب العجلة

LinkBack

أدوات الموضوع

عرض

حدث بعد منتصف الليل:::الهاتف جاله جوم إحلب العجلة - انشر الموضوع فى :

-

-

-

المواضيع المتشابهه

حدث قبل منتصف الليل .. بالشلووووت

حدث قبل منتصف الليل.....قصة كل يوم

حدث قبل منتصف الليل::::أخوياااااااااا

حدث بعد منتصف الليل

حادثه منتصف الليل

الكلمات الدلالية لهذا الموضوع

المفضلات

المفضلات

ضوابط المشاركة