اول لما بدور العربيه اسمع صوت عالى جدا كان مسمار بيحك فى قربه زيت الفتيس الاتوماتيك
ببطل على طول والصوت عالى جدا لدرجه الجيران بتخرج من الشبابيك
الميكانيكى حل الفتيس لم يجد اى ترس مكسور اواعوجاج فى اى عمود
وبالتالى رمى العيب على قريه زيت الفتيس وبيقول ان التروس الى جوا القربه مفوته
هل لو فعلا التروس الى جوا القربه مفوته تصدر الضجيج العالى جدا ده
من علو الصوت مبقدرش ادور العربيه لدرجه بروح للميكانيكى قطرها
الفتيس هاف اتوماتيك
بالنسبه للصوت مش بيفصل خالص الا لما ابطل العربيه
هو الصوت أكيد من الفتيس ؟ ماممكن يكون من الموتور يعني يكون لا قدَر الله الكرنك فيه حاجة أو السبايك
وبعدين إيه البوادر أصلا وإيه اللي حصل عشان الصوت يطلع ؟
شوف ياباشا بالنسبة لصوت القربة بتاعة الفتيس فكل اللى بتحس بية لو باظت ان التروس خشنة فى الحركة وبتعمل معاك خشونة بس مش لدرجة ان صوت يصحى الجيران اى كان اللى فى الماتوراقتباس:
المشاركة الأصلية كتبت بواسطة pop_king3
وبردة لو سبايك او كرنك مش هيطلعوا الصوت دة خالص حتى لو منتهيين اقصاهم بيبقى صوت تخبيط مابتسمعهوش غير فى اول الدوارة وبيروح وبعد كدة وانت بتزود بنزين بيعلى مع التزويد لكن بردة ش للدرجة اللى انت بتقولها
فدلوقتى حضرتك تدور العربية وتسجل الصوت دة وترفعة على اليوتيوب ثم الى هنا وان شاء الله نقولك المشكلة اية بالظبط
الموضوع ده من الغرائب
أيه اللى ممكن يعمل صوت بالشكل ده
ايه الاخبار يا باشا هل من جديد ؟
انا عندى فى العربية كانت صوت عالى جدا جاى من ناحية الماكينة ومكنتش عارف احدد مكانه بس هو كان عالى جددددااااااااااااااااا
كان بيظهر اول مادور العربية ويختفى بعدها بشوية وبعدين بقى مستمر علطول
بعد اللف والدوران عرفت انه من طرمبة الزيت كان بيبقى فيها بوش ومش مظبوطة فى دورانها ولما غيرتها انتهت الصوت تماما
شكرا لكل من ساهم بالرد
اقتباس:
المشاركة الأصلية كتبت بواسطة pop_king3
العفو ياباشا على أيه
طب قولنا أيه الأخبار
إشركنا معاك
عشان الكل يستفيد
اكتشفت ان ساعه الزيت كانت واقفه ومبتقلبش الزيت والصوت كان من ترس الكامه اتنحر من قله الزيت والحوار ده ما كنش بيبان معايا لان لما بقيس الزيت بلقاه مظبوط وفى نفس الوقت لمبه الزيت ما كنتش بتنور وغيرت الكامه وطرمبه الزيت
وارجوا من كل شباب الهوندا ان يراعوا باهتمام ويراقبوا طرمبه الزيت وساعه الزيت لعدم الوقوع فى نفس الموقف
اخوكم pop_king3
الحمد لله إنها جت على قد كدهاقتباس:
المشاركة الأصلية كتبت بواسطة pop_king3
الحمد لله انها جت على كده , انا برضو كنت شاكك ان الصوت من المكنة , بس سبحان الله صدفة رخمة اوي ان الطرمبة والساعة يبوظوا معا بعض . معلش قدر الله وما شاء فعل .