محتار بين الفيرنا و اللانوس و السيفيا

**tarek_cobra** · 13-04-2011 05:28 AM

بسم الله الرحمن الرحيم
السلام عليكم ورحمة الله وبركاته
أعضاء المنتدى الكراااام
زى ما العنوان واضح انا معايا 45 ألف و محتار اجيب ايه انا عايز عربيه عائليه و موديل بعد 2000 و محترمه مش عايز حاجه تقل اصلها معايا كل شويه علشان اللى شوفته من ال124 القديمه خلانى متعقد بمعنى الكلمه
وانا محتار و قدامى فيرنا 2004 1600 ب43
لانوس 2005 ب 45
و كيا سيفيا 2003 ب 43
ولاقيت اعلانات عن فيرنا 2006-2007 1600 فى حدود 46 معرفش ده كده كويس ولا ايه
ياريت اعرف رأيكوا لأنى متأكد ان خبرتكوا هاتفيدنى جداا فى اختيارى مع العلم انى ارشح الفيرنا بصرف النظر عن الموديل شايف انها انسب حاجه فى السعر ده بس مش عارف موضوع ان ال2004 علشان كورى هايفرق عن ال2006 التجميع المصرى ولا حاجات بسيطه !!؟ و اسف لو طولت عليكوا :)

**al_manara** · 13-04-2011 05:50 AM

السيفيا اوسعهم وعربية حلوة ما شاء الله . موتورها قوي وتكيف حلو وقطع غيار موجودة
وعندك كمان النوبيرا فكر فيها

**tito_1980** · 13-04-2011 07:24 AM

انا مبرشحش الفيرنا يوزد فخليك في السيفيا بس هتتعب في قطع غيارها شويه غير كده يبقي اللانوس

**tarek_cobra** · 13-04-2011 08:06 AM

والله السيفيا حلوه وواسعه و قطع غياره موجوده بس انا بحاول ابص للأجدد مع افتراض الحاله الجيده فى ال2 و بما ان السفيا والفيرنا صناعه كورى و جوده قريبه فا علشان كده بحاول اختار الأحدث لأن الفيرنا احدث بحوالى 3 سنين و انشاء الله العربيه هتقعد معايا فتره مش هاتتغير !
و ياريت المهندس أحمد يقولى ليه حضرتك مترشحش الفيرنا يوزد !؟

**Ahmed Nasser** · 13-04-2011 11:46 PM

المشاركة الأصلية كتبت بواسطة al_manara

السيفيا اوسعهم وعربية حلوة ما شاء الله . موتورها قوي وتكيف حلو وقطع غيار موجودة
وعندك كمان النوبيرا فكر فيها

**tarek_cobra** · 14-04-2011 06:07 AM

ايه يا جماعه يوم الجمعه قرب محتاج أرائكم !!

**Karim_Mohy** · 14-04-2011 07:39 AM

http://www.nilemotors.net/Nile/178919-a.html
http://www.nilemotors.net/Nile/141618-vs.html
نفس حيرتك بالضبط كنت محتارها ودي موضوعات كنت عاملها يمكن تفيدك.......

**tarek_cobra** · 14-04-2011 09:48 AM

أستاذ كريم تقريبا نفس الموضوع 100% ياريت تعرفنى حضرتك قررت ايه انا دلوقتى منحصر تفكيرى بين الفينا والسيفيا !

**ghazy12** · 14-04-2011 02:17 PM

طبعاً الحاله في المستعمل هي الفيصل الوحيد مهما كانت الأسماء...

لكن لو افترضنا ان كلهم حالتهم متقاربه نسبياً... يبقى السيفيا طبعاً أفضلهم

السيفيا عربيه ممتازه ما شاء الله و أفضل من الفيرنا و اللانوس...

ده رأي الشخصي المتواضع...

تحيــاتي...

**sab3aawy** · 14-04-2011 07:41 PM

ارشح لك اللانوس: اكثر ثباتا من الفيرنا، اطول عمرا واكثر تحملا، صالونها اوسع من الفيرنا ، وركوبتها ممتعة اكتر، صحيح ان الفيرنا افضل فىالجرى بس الجرى مش كل حاجة، وقطع غيار العربيتين عند البقالين وبتوع الطرشى بس قطع غيار اللانوس اكتر
السيفيا انا مش حاببها لأن انتاجها توقف من فترة طويلة ودة بينعكس بالسلب على جودة وكمية قطع الغيار المتوافرة لها، ده بالاضافة ان مش هتلاقى عربية سيفيا التابلوه بتاعها مش منفخ ومشقق ودى حاجة بتضايقنى انا شخصيا انى احط مبلغ كبير فى عربية الجزء اللى انا شيفه طول الوقت منها ممزق ومؤذى للعين

الموضوع: محتار بين الفيرنا و اللانوس و السيفيا

LinkBack

أدوات الموضوع

عرض

-

-

-

-

المواضيع المتشابهه

محتار بين اللانوس والابيزا

عفشة الفيرنا او اللانوس

محتار بين اللوجان و اللانوس

محتار بين اللوجان و الفيرنا

اللانوس ولا الفيرنا

الكلمات الدلالية لهذا الموضوع

المفضلات

المفضلات

ضوابط المشاركة