عندي طرقعة في الفتيس لما بجيب الاول وادوس بنزين ..روحت لواحد قالي مفيش حاجة وقلتلة عايز اغير قاعدة الفتيس قالي يستحسن متغيرهاش... ياريت حد يقولي الحل
عرض للطباعة
عندي طرقعة في الفتيس لما بجيب الاول وادوس بنزين ..روحت لواحد قالي مفيش حاجة وقلتلة عايز اغير قاعدة الفتيس قالي يستحسن متغيرهاش... ياريت حد يقولي الحل
ياريت تفصيل اكثر وضوحا عن المشكله و ايضا عامل كام الف
و شكرا
طيب
بالنسبه للفرقعه ممكن جدا تكون الكهربا مش مظبوطه
اما تغيير قاعدة الفتيس فهل في سبب معين ولا انتا شايف انها تتغير فهتغيرها؟؟
لو مفيش سبب واضح للتغيير فمعتقدش ان له معنى
ادينا تفاصيل اكتر عن الموديل وعامل كام كيلو وآ×ر تغيير في طقم الكهربا كان امتى
تحياتي
ماروتي 2008-450000كم- مغير طقم كهرباء كامل و سيور و منظف الكاربيراتير...
و صوت طرقعة مش فرقعة في الفتيس اكنة بينطر من مكانة ...بس بلاقي النقلة سابتة... والمشكلة مش ميكانيكا دي حاجة فالعفشة او الفتيس
.
السلام عليكم
خللى الميكانيكى يبصلك على سلك الدبرياج علشان ممكن يكون مرخى او مشدود علشان كدا واضح ان التعشيقة ما بين الفتيس و الماتور مش بتاخد مسارها لحد الأخر
الموتور والفتيس مربوطين على قنطرة ماشية من ورا الاكصدام الامامى لحد تحت الكابينة، اللى انت محتاج تراجع عليه هو: نقطتين ربط المسمار بهذة القاعدة، واحدة ورا الاكصدام وواحدة بين الموتور والكابينة، بيتربطوا بمفتاح 14، اتأكد من احكام ربطهم، ونقطتين ربط القنطرة بجسم السيارة ، ودول برضه بمفتاح 14، وفيه صامولتين ربط للفتيس بجسم السيارة يسار أسفل السيارة ،برضه مفاتيح 14، وراجع على ربط كاوتشات الميزان خلف الاكصدام مباشرة، مش فاكر كانوا مفاتيح 12 أو 14، ربط الحاجات دى كلها كويس وبإذن الله الصوت هيروح واللى يربطهم لك يبص على حالة الكاوتشات تحتيهم، لو فيهم واحدة بايظة غيرها بس معتقدش ان حاجة منهم تلحق تبوظ على 45 ألف
انت مبدع يا بشمهندس و الله بتندمني اني فاتتني المقابله
شكراي جماعة... انا هاروح واقول للعفشجي عالكلام دة واقلكم النتيجة ...