رسالة هامة جدا ارجو الافادة صوت الموتور بعد 10000

**basom** · 16-04-2008 01:55 AM

السلام عليكم
شكرا جدا جدا على الرد الجميل من المهندس طارق
انا زى ما قولت لحضرتك انى اشتريت لانسر سبورت2008 و لقيت عندى مشكلة مديقانى جداا
ان الدركسيون تقيل جدا حتى بعد ما ضبط هوى الكاوتش وكمان حاسس ان العربية مابتسحبش و كمان بعد ما عملت صيانة ال10000 صوت الموتور عالى جدا

**مصراوي جدا** · 16-04-2008 11:16 AM

حضرتك عملت الصيانة فين ؟

عموما لو تحب تشرفنا في مركز خدمة قليوب الكيلو 16 لمراجعة الدركسيون وصوت الموتور .. شرفنا في اي وقت ، بدون حجز.

**basom** · 17-04-2008 05:59 PM

انا اسف لعدم سرعة الرد انا عملت الصيانة فى العجوزة لانى قولت لحضرتك انى ساكن فى الهرم و حضرتك قلت مفيش مشكلة لو عملتها فى مركز خدمة العجوزة لان قليوب بعيدة جدا عليا و كمان معرفش اروحها فياريت حضرتك تقولى اجيلك من الهرم ازاى خطوة خطوة و شكرااااااااااااااا

**Ramy.Gamal** · 18-04-2008 08:14 AM

ممكن اعرف من حضرتك هى عربيتك الشكل القديم ولا الجديد؟

**مصراوي جدا** · 18-04-2008 11:09 AM

المشاركة الأصلية كتبت بواسطة basom

انا اسف لعدم سرعة الرد انا عملت الصيانة فى العجوزة لانى قولت لحضرتك انى ساكن فى الهرم و حضرتك قلت مفيش مشكلة لو عملتها فى مركز خدمة العجوزة لان قليوب بعيدة جدا عليا و كمان معرفش اروحها فياريت حضرتك تقولى اجيلك من الهرم ازاى خطوة خطوة و شكرااااااااااااااا

افضل حاجه من الدائري يعني وحضرتك جاي من الهرم هتمر على المحور ومنزل المهندسين وتكمل بعدهم هتمر على الوراق وتقطع النيل وبعدها هتلاقي منزل الطريق الزراعي

حسب الصورة التالية (باللون الأزرق) علشان الأحمر ده كان شرح لواحد جاي من الناحية التانية

بعدها
على الطريق الزراعي هتلاقي غبور على الشمال يليه الرواس (مركز معتمد ميتسوبيشي) كمل علطول

بعد كيلو واحد هييجي كوبري قليوب الجديد اطلع الكوبري وبعد الكوبري هتلاقي محطة بنزين التعاون يليها محطة بنزين موبيل وامامها على الشمال يافطتين لمركز خدمة ميتسوبيشي (هو ده المركز)

لكن بتكمل قدام حوالي اتنين كيلو متر الى اول ملف شمال عند مدينة ( قلما) وتعمل يو تيرن وترجع تاني وتدخل عند اليافطتين بتوع ميتسوبيشي شارع صغير وفي آخره المركز
حسب الصورة