نقص فى بعض الزيوت فى التوكيل منصور
السلام عليكم
النهارده كان موعد صيانه ال 10,000 لعربيتى الفيكترا C و ذالك بموعد حجز مسبق.
الوصول 10.30 صباحا - انتهاء الساعه 12 ظهرا
وعند دفع الفاتوره لقيت مكتوب على امر الشغل ( يوجد نقص فى زيت الباور بالسياره و هو غير متوفر بالمخزن )
مهندس الاستقبال قاللى ( استنى هسألك مهندس الصيانه)
وبعدين رجع وقالى ( اسأل فى مركز قطع الغيار هوه هيجى امتى )
رحت اسأل فى مركز قطع الغيار قالى ( ملناش علاقه بالزيوت _ اسأل فى مخزن الزيوت جوه الورشه)
قلتله ( انت عيزنى انا ادخل جوه الورشه ازاى ده ممنوع )
قاللى ( روح لمهندس الاستقبال هو يحللك الموضوع )
قلتله ( ما هوه اللى باعتنى ليك )
ساعتها بدأت احتد على اساس ان انا عمال اتشقط كأنى فى مصلحه حكوميه
راح مكلم المخزن ( مكان من الاول)
المضحك ان المخزن سأله ( زيت اخضر و لا احمر) و هوا راح سألنى
قلتله ( هو مين اللى مفروض يعرف انا ولا انتم - هو فين مدير البتاعه دى)
رحت للمدير قالى ( روح ناديلى مهندس الاستقبال )
قلتله انا اروح - امرى الى الله
وبعد ساعتين عمال الف حولين نفسى اتضح الاتى :-
الزيت غير متوفر
والله العظيم ما حد عارف نوعه:oh::L_bhuhhh[1]: - اصل احنا بنجيبه من البافاريه بتاع ال بى ام و هما رافضين يدولنا مش عارفين ليه؟
مش عرفين هنجيبه امتى و منين
خد نمره مسؤل التوريد وتابع معاه او روح البافاريه جيبه
طبعا منتهى الفوضى - قولت ارجع اسأل الرجاله حد ممكن يفيدنى هو مواصفاته ايه و اجيبه منين - خايف احط زيت غلط ابوظ الدنيا