الموضوع: طلب استشارة بخصوص سيراتو 2008 الشكل القديم

السلام عليكم
بعد دعاء الاستخارة
وبعد نصايحوحوش المنتدى الحمد لله اشتريت كيا سيراتو 2008 الشكل القديم من يومين
وبصارحة انطباعي المبدئي عنها انا عربية رائعة
ما عدابعض الملاحظات أرجو من أهل الخبرة افادتي بخصوصها
1- العفشة ناشفة شوية هل ده طبيعي مع العلم أن العربية عاملة 27000 كم فقط وهل ممكن تنعم بعد كده ولا محتاج أراجع التوكيل في كده
2- فيه صوت صفارة مع دوسة البنزين وخصوصع على السرعات الواطية بيكون زي (سسسسسسسس) تقريبا ده ممكن يكون ايه
3 - فيه صوت خبطة مع الفرامل (وانا بركن يعنب لما العربية توصل لمرحلة السكون ) بسمع صوت خبطة أو طقة في الفرامل وحتى وأنا ماشي للأمام برده مع أخر دوسة فرامل اللي بتوصل العربية لمرحلة السكون بسمع نفس صوت الطقة أو الخبطة
4 - التكييف التبريد بتاعه ضعيف شوية هل ده ضعف في الشحن ولا في الفلتر وهل العربية فيها فلتر تكييف ولا لا مع العلم أن السيارة كانت مركون منذ أكثر من ست شهور فهل ده ممكن يـأثر على الفلتر \
5 -العربية ترخيص 6 /2008 بس ما عملتش غير 27000 كم هل لازم الكاوتش يتغير لمرور أكثر من ثلاث سنوات عليه ولا ممكن يتغير بعد شوية
6- معلش استفسار أخير هي سعر سيانة ال 20000 كم في التوكيل كم
وباعتذر مرة أخرى عن استفساراتي الكتيرة
وشكرا للجميع

المشاركة الأصلية كتبت بواسطة ashraf_fawzy

الف مبروك وربنا يباركلك فيها :
1- بالنسبة للعفشة ناشفة بالعكس العربية دي احسن من الجديدة بس ممكن يكون تربيط عفشة + ضغط الكاوتش
2- اكشف على التيل ضروري .
3- بجد لا اعلم
4- اكييد شحن , الا اذا كان صاحب السيارة القديم لم يغير الفلتر في صيانة ال 20000
5- الكاوتش بدا تغيير اماكنه عند 20000 وعند 40000 يتم تغييره (( عند 20000 يتم تبديل الامامي شمال مع الخلفي يمين والعكس))
6- تقريبا من 800 الى 1000

يا باشا ألف شكر على اهتمامك وردك
جزاك الله خيرا