أمبارح حصل حادثة
كنت كتبت في الموضوع ده بس ما قدرتش أكتب أكتر من كدة
http://www.nilemotors.net/Nile/213082-2011-60-a.html
التفاصيل
عربية بيكانتو وكان فيها 4
كانوا رايحين كورس
انا وصلت الكورس ولقيتهم أتأخروا
فسألت حد عليهم .. طلع كلمهم
وموبايله بيسجل المكالمات
سمعني المكالمة جالي صعقة في نافوخي
المكالمة
في المختصر ان اللي سايق هو اللي رد وقالنا عملت حادثة .. انا كويس بس اللي معايا مش كويسين خالص وحالتهم وحشة
المكالمة ده كانت قبل ماجي بحوالي نص ساعة
انا قلت نروح نشوفهم .. قالولي وصلوا المستشفي
طاب أيه الأخبار .. مفيش :(
كلمت واحد منهم حد من أهله رد وطمني
قلت الحمد لله
10 دقايق وجت مكالمة
واحد منهم توفي .. اللي كان سايق !
أنهيار
كل اللي عرف الخبر كان بيعيط
وخصوصا اننا كنا بنحبه جدا
خدت أصحابي وطلعنا بالعربيات
كنا 4 عربيات
كل عربية فيها بتاع 6 أو أكتر
انا مش شايف متر قدامي
من تريامف للسواح
والله ماعرف حصل أيه طول الطريق
كل اللي فاكره اني لقيت عجلة ماشية ومحملة انابيب في نص الطرق عكس الأتجاه وبيجري
لقيته في وشي
معرفش انا أتفاديته أزاي
بس كانوا بيقولولي العربية كانت هتتقلب .. كنت تقريبا علي 60
وصلت المستشفي
الدنيا هناك مقلوبة
وعلينا نبقي ماسكين نفسنا قدام ال3 التانيين اللي كانوا في الحادثة عشان ميعرفوش انه مات :(
كله يبقي بيعيط ويخش الأوض ويضحك في وشهم
2 خرجوا في نفس اليوم
التالت كان قاعد قدام
نصه التحتاني متجبس .. وكسر في رقبته
الحادثة نفسها حصلت أزاي ؟
كان ماشي في اليمين وبيجري
أوتوبيس نقل عام قديم ( اللي كله حديد ده ) قدامه بعيد شوية
تاكسي في شماله
الأوتوبيس فرمل وقف في مكانه
فهو حب يطلع شوية عشان يطلع شمال قدام التاكسي
التاكسي قفل عليه
دخل في الأوتوبيس من ورا ودخل تحته
مفيش نص قدماني ولا سقف
الدركسيون متفرتك

متتخيلوش حالة القهرة في الكلية النهاردة عاملة أزاي
والدكاترة والمعيدين لما عرفوا كانوا في أشد الحزن

والله كل محاضرة يقولوا دقيقة حداد وتلاقي كام صف بيعيطوا

والحاجة اللي مجنة الكل اننا كل ما نسمع حد صوت التسجيل بتاع المكالمة يقولوا صته
أزاي ؟
قالوا ما فاقش أساسا
مش هو اللي أتكلم
وصوته مابيقلش انه تعبان من حاجة
صوته خايف بس
انما مش بيتألم أو حاجة
هو صوته
بس مستحيل يكون أتكلم
لغز !
الله يرحمه ويصبر أهله ومامته
كنت قد أيه بحبه وبحترمه :'(