الحيرة القاتلة

**momomania22** · 16-04-2008 05:54 AM

سوناتا 2000 سي سي ولا اوكتافيا A5 1600 سي سي
والاتنين مانيوال والاتنين ب 150الف
ايه رأيكم

**liquidator** · 16-04-2008 10:40 AM

والله يا أخي أنا شايف ان احنا في مصر مديين سكودا أكتر من حجمها , أنا مارحتش السعوديه بس في ناس في السعوديه قالولي انهم بيشوفو هيونداي و مش بيشوفو سكودا خالص , و كمان السعوديين بيحبوا السوناتا أوي , ده غير ان السوناتا واخده جوايز في أمريكا و أخدت في سنة 2006 علي ما أعتقد جايزة أفضل عربيه سيدان في أمريكا من معهد JDpower .... رأيي الشخصي لو مكانك سوناتا من غير ما أفكر و ده رأيي الشخصي , أكرر دا رأيي الشخصي و لا يعبر بالضروره عن ان في عربيه أفضل من التانيه , بس دي مجرد وجهة نظر مش أكتر
تحياتي لك .

**mido_smsm** · 18-04-2008 01:23 AM

ع فكره اصلا حضرتك مش واخد بالك ان السوناتا رخيصه لانها تجميع محلى
انما لو كورى مش اقل من 350 الف
وعلى فكره العربيه دى اصلا افضل من الاوكتافيا مليييييون مره لسبب واحد بس
انها من فئه تانيه خالص فئة الكامرى والاكورد واللومينا والحاجات دى
بس التجميع المحلى الله اعلم معروف عنه انه سىء جدا

**volcano12** · 18-04-2008 01:49 AM

معلش حقول رأيي بدون مدايق حد.. :)
هوندا سيفيك... ستجمع قوة موتور السوناتا و فخامة الاتنين و أوفر 10000 فى جيبى لو هى لسه ب 140

ثانيا... شكل جديد ....
ده رأيى و المسأله أذواق

فى حاله ثباتك على رأيك... حختار أوكتافيا لسببين...
1_ الشاسيه و الموتور بتوع عربيه تانيه ألمانى مش فاكر انه
2_ لو حبيت تبيع, سعرها فيها مش زى السوناتا مش منتشره
3_ قطع الغير
4_ العربيه عيوبها لو فيها أكيد ظهرت
5_ مش تأفيل مصرى!!

بس كده و برده ده رأيي و يجوز الاختلاف معايا

**Hossam.Hamdy** · 19-04-2008 02:52 PM

المشاركة الأصلية كتبت بواسطة volcano12

3_ قطع الغير
ا

مش معاك فى موضوع قطع الغيار عشان قطع الاوكتافيا مش متوفره فى التوكيل...واحد صاحبى عمل حادثه و عنده جنط اتكسر وكانت محتاجه عفشع خلفيه شمال و اجزاء عفشه اماميه شمال قالولو القطع مش عندنا....

**som3aa** · 19-04-2008 11:31 PM

المشاركة الأصلية كتبت بواسطة volcano12

معلش حقول رأيي بدون مدايق حد.. :)
هوندا سيفيك... ستجمع قوة موتور السوناتا و فخامة الاتنين و أوفر 10000 فى جيبى لو هى لسه ب 140

ثانيا... شكل جديد ....
ده رأيى و المسأله أذواق

فى حاله ثباتك على رأيك... حختار أوكتافيا لسببين...
1_ الشاسيه و الموتور بتوع عربيه تانيه ألمانى مش فاكر انه
2_ لو حبيت تبيع, سعرها فيها مش زى السوناتا مش منتشره
3_ قطع الغير
4_ العربيه عيوبها لو فيها أكيد ظهرت
5_ مش تأفيل مصرى!!

بس كده و برده ده رأيي و يجوز الاختلاف معايا

علش أنا برده مختلف معاك
1-موتور السوناتا 2000 - 144 حصان , اما الاوكتافيا 1600 105 حصان يعنى فرق السما من الارض.
2-السزناتا انتشرت بشكل رهيب اوى فى فترة صغير , خلى بالك الاوكتافيا موجودة من 2004 اما السوناتا لسه نازلة 2007 اعتقد حسب سرعة انتشارها دى سعر اعادة البيع هيكون ممتاز!!
3-قطع غيار السوناتا متوفرة و اسال فى غبور
4-العربية معروفة من بره زى بقيت العربيات مفيهاش عيوب
5-التقفيل المصرى فى السوناتا احسن كتير اوى من الفرنا
صحيح مش زى تقفيل الاوكتافيا بس جيد جدا.
أنا لو منك اشترى السيفيك برده علشان مبحبش المانيوال بس لو واحدة من الاتنين دول يبقى السوناتا عليطول

**volcano12** · 20-04-2008 01:35 AM

المشاركة الأصلية كتبت بواسطة som3aa

علش أنا برده مختلف معاك
1-موتور السوناتا 2000 - 144 حصان , اما الاوكتافيا 1600 105 حصان يعنى فرق السما من الارض.
2-السزناتا انتشرت بشكل رهيب اوى فى فترة صغير , خلى بالك الاوكتافيا موجودة من 2004 اما السوناتا لسه نازلة 2007 اعتقد حسب سرعة انتشارها دى سعر اعادة البيع هيكون ممتاز!!
3-قطع غيار السوناتا متوفرة و اسال فى غبور
4-العربية معروفة من بره زى بقيت العربيات مفيهاش عيوب
5-التقفيل المصرى فى السوناتا احسن كتير اوى من الفرنا
صحيح مش زى تقفيل الاوكتافيا بس جيد جدا.
أنا لو منك اشترى السيفيك برده علشان مبحبش المانيوال بس لو واحدة من الاتنين دول يبقى السوناتا عليطول

يمكن فى القاهره فى سوناتا.. أما هنا فى اسكندريه واحده ولا اتنين.... :) عشان كده قلت انتشار!

كان قصدى بقطع الغيار انها هتكون بتتباع بره التوكيل بأسعار أرخص ... و طبعا انا مش من مالكى العربيه عشان افتى
أما بالنسبه للموتور... أظن الالمانى عزمه قوى.. أكيد مش حيجيب 2000 سىسى فى القوه بس حيبقى قريب.. و برده ده توقع مش كلام علمى...
و بلعدين من ناحية استهلاك البنزين ال2000 أكتر...

يعنى وجهات نظر... و أنا لسه مع السيفيك :)

**liquidator** · 20-04-2008 01:44 AM

يا جماعه صحيح ان الأوكتافيا موتورها فولكس فاجن زي كل عربيات سكودا بعد ما اشتريتها فولكس فاجن , بس فولكس فاجن بتحط فيها المواتير اللي خلاص خرجت من الخدمه من عندها , يعني هو معقول مستوي الفولكس فاجن ان الموتور يبقي 1600 و 105 حصان بس ؟ !! دا أنا متهيألي انها 101 حصان كمان مش 105 علي ما أفتكر ان قريت عن الموضوع ده في ملحق الأهرام و كانو كاتبين انها 101 حصان .
حقيقي هيونداي متقدمه في التكنولوجيا كتير عن سكودا و الدليل علي كده ال I30 و النيو الانترا
122 حصان !!
هيونداي أفضل من سكودا بمراحل مع احترامي لمالكي سكودا بس فعلا الناس هنا في مصر متخيلين سكودا دي حاجه كبيره أوي لمجرد انتسابها للفولكس فاجن بس الحقيقه بعض الناس بياخدها شكلها الفخم و انها بتكنولوجيا ألماني ( تصنيع تشيكي ) بس الحقيقه ان أقل من فولكس فاجن كتير أوي و هيونداي معدياها بمراحل ...
دي الحقيقه والله من وجهة نظري و لك في النهايه كامل الحريه في الاختيار .
تحياتي لكم جميعا .

**SAbuhashem** · 20-04-2008 02:20 AM

المشاركة الأصلية كتبت بواسطة liquidator

يا جماعه صحيح ان الأوكتافيا موتورها فولكس فاجن زي كل عربيات سكودا بعد ما اشتريتها فولكس فاجن , بس فولكس فاجن بتحط فيها المواتير اللي خلاص خرجت من الخدمه من عندها , يعني هو معقول مستوي الفولكس فاجن ان الموتور يبقي 1600 و 105 حصان بس ؟ !! دا أنا متهيألي انها 101 حصان كمان مش 105 علي ما أفتكر ان قريت عن الموضوع ده في ملحق الأهرام و كانو كاتبين انها 101 حصان .
حقيقي هيونداي متقدمه في التكنولوجيا كتير عن سكودا و الدليل علي كده ال I30 و النيو الانترا
122 حصان !!
هيونداي أفضل من سكودا بمراحل مع احترامي لمالكي سكودا بس فعلا الناس هنا في مصر متخيلين سكودا دي حاجه كبيره أوي لمجرد انتسابها للفولكس فاجن بس الحقيقه بعض الناس بياخدها شكلها الفخم و انها بتكنولوجيا ألماني ( تصنيع تشيكي ) بس الحقيقه ان أقل من فولكس فاجن كتير أوي و هيونداي معدياها بمراحل ...
دي الحقيقه والله من وجهة نظري و لك في النهايه كامل الحريه في الاختيار .
تحياتي لكم جميعا .

معلش يا مان بس وجهة نظر خاطئة تماماً حتى لو سكودا تشيكي بس أحسن بكتير من هيونداي .
على فكرة الموتور إلي في الاوكتافيا مش بتكنولوجي قديمه ولا حاجة لأنه نفسه إلي في الجولف وإلي في الباسات المنوال ٢٠٠٨ .

Thanks
Eng.Sherif Shaker

**momomania22** · 20-04-2008 02:25 AM

شكرا ليكم جميعاانا كنت في الخليج لفترة كبيرة طبعا كان كل عربية نجيبها بتبقى ماكسيما او كامري وبسلكن السوناتا كان ليها وضع جامد هناك بصراحة مع انها كوري