الموضوع: نفسي اسأل .... لماذا قمنا بالثورة؟؟

من شب علي شئ مش لازم يشيب عليه ،،

و التغيير قادم و ممكن ،،

ما المصري بيبقي عايش في مصر بالعشرين و التلاتين و الأربعين سنة و أول ما رجله تنزل في بلد آخري محترمة و بتنفذ القانون

بيكون أول مواحد ملتزم ،،

الموضوع مرتبط تماما بتكوين دولة القانون ،،

إحنا مش بدع من البشر ،

و عشان كده فيه جنة و نار و فيه قانون و فيه ثواب و عقاب ،،

المشاركة الأصلية كتبت بواسطة م.احمد زكريا

صحتك يا استاذ البلد ديه احسن من غيرها

انت ماكنتش معانا ولا ايه

البلد طول عمرها فته تمر هندي

هي بس زادت شوية مع عدم وجود هيبة للشرطة بس شوية وكله هايتظبط شوية ان شاء الله

دي زادت اوي اوي وكل واحد دلوقتي عارف ان ملوش كبير

المشاركة الأصلية كتبت بواسطة hagan

اولا اشكر حضرتك لموضوعك الهادف القيم
و خايف انه لا يحقق مشاركات كثيرة لانه هادف و يتحدث عن القادم و لا يوجد به بعض الهجوم علي هذا و ذاك عموما يا رب ينتشر
اخي الكريم انا مع حضرتك جدا ( الثورة كانت علي الفساد )
و الفساد تعددت اشكاله اما ( فساد اقتصادي ) او ( فساد سلوكي اجتماعي ) او ( فساد ديني ) او ( فساد سياسي )
و العجيب ان الثورة قد نجحت و تفوقت في هزم الفساد الاقتصادي و السياسي فقط
و لم تتطرق لا للفساد الاجتماعي و السلوكي و لا للفساد الديني
و من وجهة نظري المتواضعة ان ثورة الفساد الاجتماعي و الديني
كانت اهم بكثير جدا جدا
لان بالتغلب عليها ممكن نتغلب علي اي شئ في الدنيا
و حتي لو القوانين ضعيفة شوية او لم تحزم الامور
فمثلا هناك اوقات الانسان بيختلي بنفسه و لا احد يراقبة سواء فرد او مسئول فلو انه يتقي الله جيدا فهو لا ينتظر القانون كي يردعه و يراقبه لانه و قتها سيكون همه ازاي يظبط لنفسه ان محدش يشوفه
و كان و الدي رحمة الله عليه يقول لي انه كان يدخل بيوت ناس ( جريج ) يعملو في الاسكندرية و هم فقراء و لكنهم نضاف جدا و بيوتهم نظيفة جدا و لا تجد بها ما تراه في بيوت كثير من المصريين حتي لو في وضع مادي احسن منهم و من ذلك فالموضوع له علاقة بالتربية
فأحترام الانسان لنفسه لا يحتاج لثورة
و لكن الثورة تحدث حينما يسود الظلم ( كما كان ) و لكي نرتقي و نستفيد من حالة الثورة يجب ان نبحث في انفسنا منفردين عن عيوبنا ثم نتخلص منها و هكذا نصبح في حالة رقي منفردين و مجتمعين
و تظللنا قوانين لا تفرق بيننا
و ملخص كلامي لو ان الكثير منا ظل ينتظر ان يستفيد من الثورة و هو به ما به فلن نستفيد من الثورة و سنفشل للاسف
اما حينما يثور كل منا علي حالة و يصدق نفسه و يصحح من مسارة فأتوقع ان نصبح من الدول الكبري بأذن الله
+11111
م.حاتم السباعي

المشاركة الأصلية كتبت بواسطة bassamhafez

خليهم اتنين يا ريس

تحب طيارتك من نوع ايه يا باشا

المشاركة الأصلية كتبت بواسطة ralliart

الحل الوحيد في تغيير القوانين وتطبيقها بكل صرامة مع وجود آلية لمحاسبة الظالمين من الشرطة وتغيير امتحانات الرخصة كلياً والاستعانة بنماذج محترمة زي الامارات والكويت في الامتحانات والتوعية بالذات في المدارس لان دول في المستقبل هما اللي هيسوقو عربيات
في نفس الوقت يعملو رخصة جديدة بالقوانين الجديدة ويتم حصر اعداد الناس وتقسيمهم على فترات على حسب تاريخ اصدار الرخصة لامتحان الرخصة الجديدة مع اولوية سواقين الاجرة والنقل

وهي كانت كويسة قبل كدة؟؟

+1111

المشاركة الأصلية كتبت بواسطة kono

طب لو كلنا فكرنا بالطريقة دى مفيش حاجة هتحصل..ده البلد كلها هتتقابل برة :)
حاول تضغط على نفسك شوية وتستحمل (شئ صعب جدا ) بس كله هيجى والمفروض يبقى فيه قانون رادع عادل للناس المخالفة

والله مش انا بس يا باشا اللي نفسي البلد تبقى احسن
بس المشكلة ان الوحش مغطي على الحلو
والناس زايدة فيها اوي

مصر عمرها ما هتتقدم طول ما المصريين فيها