نفسي اسأل .... لماذا قمنا بالثورة؟؟
مساء الخير يااهل المنتدى الكرام
عندي سؤال بجد بجد محرني جدا ونفسي الاقي اجابة
(لماذا قمنا بالثورة؟؟)
هل احنا عملنا ثورة علشان نشيل النظام بس ولا علشان نغير من نفسنا كمان؟؟
مفيش شارع بمشي فيه الا والاقي الاتي :
-واحد ماشي عكس
-ناس بترمي زبالة
-خناقة
-اسلوب السواقين زفت خصوصا التاكسي والميكروباص
-شوفت بعيني سواق ميكروباص بيتطاول على ظابط شرطة وطبعا الظابط مقدرش يفتح بقه
-الرشوة بقت عيني عينك واكتر من الاول والكلام ده في مرور السلام
بجد انا نفسي كل السلبيات دي تتغير
عايز حد يناقشني ويقولي ايه الحل في الناس دي لاني بجد اتخنقت وهرجع اقول نفسي امشي من البلد دي لان الظاهر كدة مفيش حاجة هتتغير
وياريت اللي عنده موقف يحكيه