الموضوع: أرجو ألا تأخذكم شفقة الآن ... بالمواطن "حسني مبارك"

و أنا كمان بضم صوتى لصوتكم و بتمنى عدل ربنا فى القصاص منه قبل عدل القضاة و أنا من الناس اللى اتأذت من فساده فى أكتر من موقف و مش مسامح فى حقى

هو في سوء تفاهم اكيد في موضوع القصاص العادل ده, مع ان الجمله مفسره
نفسها جداااا و مش محتاجه شرح اطلاقاً... لكن نحاول نشرح وجهة النظر

معنى القصاص العادل مش غل او حقد او كراهيه او اصرار على ايذاء شخص ما
لانه اخطأ او عمل غلط معين و بالتالي بننتقم..!!! لأ... ده مش انتقام

القصاص العادل هو ان كل من افسد في الأرض او ضر البلد دي و شعبها
لاااااااااااااااااااازم يتحاسب بما يرضي الله و على قدر الخطأ اللي ارتكبه...

النبي عليه الصلاة و السلام لما قال للكفار اذهبوا انتم الطلقاء كانوا
مجموعه من الكفره المشركين بالله و لم يشتركوا في قتل احد من المسلمين
و لو كان في منهم بيؤذي النبي عليه الصلاة و السلام, النبي سامح
لانه اشرف الخلق سيدنا محمد و كان الهدف انه يعلمنا التسامح لان
ديننا بيقول كده, بس التسامح في ايه؟؟؟ تسامح لما تكون قوي
أو يكون الشخص ده آذاك بشكل بعيد عن الدين و الأرض و العرض و القتل كمان...

هل تتوقع ان لو احد الكفار قتل واحد من الصحابه رضوان الله عليهم
كان النبي هيقول العفو عند المقدره؟؟؟؟ هل تتوقع انه هيسامح في قتل
نفس بشريه و كمان مسلم و كمان من الصحابه..!!!!!!! رأي انه مستحيل

قتل نفس بغير ذنب فساد في الأرض...

أنا واحد من الناس لم يقتل احد من عائلتي على يد هؤلاء الحمد لله
لكن دمي محرووووووووق و في نااااااااار جوايا بسبب كل اللي عملوه
الـ............ دول, ما بالك ام او اب او اخ او اخت لأي شهيد من
اللي ماتوا حاسس بايه, و عايش ازاي..!!؟؟؟؟ ربنا يصبرهم والله

كل شئ فيه الثواب و العقاب... مش احنا اللي هنحاسب, لكن شرع الله
هو اللي هيحكم او هيحاسب هؤلاء... اللي غلط يتحاسب على قد غلطه
و اللي ماغلطش و ثبت بالدليل القاطع انه لم يخطئ, يبقى مش عايزيين منه
حاجه, و ربنــا موجود و هو الأعلم بعباده, و يعلم الطيب من الخبيث...

ده القصــــــــاص العـــــــــادل اللي بنطـــالب بيـــه ليــس أكثـــر...

يــا رب اكون قدرت اوضح وجهة النظر...

ومعاك واشكرك على الموضوع

يا ريت يا جماعة اللي بيتكلم عن العفو يفتكر حاجه واحدة بس وهي شهداء الثورة الـ 800 شهيد ويحط نفسه مكان اهلهم

هل تسامح في قتل ابنك او بنتك او ابوك او اخوك ؟؟؟

تذكر ال1200 جريح اللي راحت عينيهم من الرصاص المطاطي

هل لو كانت عينك انت اللي راحت كنت هتسامح مبارك ؟؟؟؟

قتل المتظاهرين هو نقطة في بحر كبير من ظلم هذا الرجل 30 سنة لشعبة

واذكركم بعمر ابن الخطاب ومدى تخوفه من سؤال الله على رعيته

قال عمر رضي الله عنه :
(( لو ماتت شاة على شط الفرات ضائعة لظننت أن الله تعالى سائلي عنها يوم القيامة )).

YouTube - ‫ط£ظ‡ط¯ط§ط، ط¥ظ„ظ‰ ظƒظ„ ظ…ظ† ظٹط±ظپط¶ ظ…ط.ط§ظƒظ…ط© ظ…ط¨ط§ط±ظƒ‬‎

ارحموا عزيز قوم ذل لا يقصد بها العفو عن المجرمين أمثال حسني مبارك

انا مع المحاكمة العادلة لكل من أفسد ايا كان هو من كان

لكني ضد التشفي والإهانة (واحدة زي منى توف دي .. للأسف دي قمة عدم الإحترام.. كل الناس بقيت بتكلم دلوقتي بحرية .. بس الحرية متوصلناش لإهانة الآخر

فاليحاكم الرئيس السابق محاكمة عادلة ويجب القصاص العادل ورد المظالم لكن نحفظ الأدب ولا نتشفى