حد يعرف حاجة عن الهضبة الوسطى بالمقطم؟

**Ahmed_Ezz** · 14-04-2011 01:51 AM

عايز اعرف ايه المنطقة ديه و مكنها فين و هل فيها عشوئيات و لا لا انا سالت قالولى قدام كارفور بس عايز اعرف معلومات اكتر عنها ياريت؟؟

**BEC** · 14-04-2011 02:47 AM

هى منطقه اغلبيتها عمارات لسه بتتبنى

وموجوده وراء كارفور المعادى

هى تعتبر لو استثمار مستقبلى فى خلال السنتين الجايين هاتبقى حلوه اوى

بالنسبه للعشوائيات فاهى بعيده اتطمن
وهناك جامعه خاصه مش فاكر كانت ايه بالزبط تقريبا المستقبل

عيبها دلوقت قله المحلات التجاريه هناك بشكل كبير جدا
بس هاتتحل المشكله دى اكيد قريب مع زياده الناس هناك

**alaa_dash** · 14-04-2011 02:53 AM

طيب مبدأيا على ما حد يدخل و يكون عارف اكتر عنها و يقول ...

مدخلها اللي اعرفه من الاتوستراد و انت رايح المعادي قبل مطلع الدائري ..بس على الشمال ..اوله بنزينة وطنية تقريبا ...

و بعد كده على المطلع تلاقي السلاب باني معرض ..لغاية اما تكمل و تدخل و تكون في اول الهضبة الوسطى ...

و ليها منزل على الدائري مباشرة ..... بصراحة موقعها استراتيجي

سعر متر الشقة فيها على اخر سعر سمعته .. و ممكن تتأكد من الاعلانات الحالية 1800 ج للمتر و اغلب الشقق 125 م

معظم العمارات اربع ادوار ....في مدرسة اسمها الواحة كبيرة و كويسة و مودرن يونيفرستي بتاعت دعبث تقريبا
..المنطقة مظلمة بشكل جيد مش نور ..لازم عربية العيش هناك بدون عربية ضرب من الخيال ..خصوصا في الايام العجيبة اللي احنا فيها ديه

و الدفع النص كاش و الباقي على سنتين .. و ممكن تلاقي اراضي بسعر معقول مساخة 330 م ...مش فاكر السعر صراحة

اخيرا ما نصحكش تاخد هناك عشان ما بثقش في ارض الجبال و الهضاب صراحة :))

**al_manara** · 14-04-2011 03:37 AM

انا كنت خدت هناك جولة من فترة
المكان هناك منظم العمارات 4 ادوار مفيش مناطق عشوائية طبعا هناك في 3 او 4 جامعات بتوع دعبس (مستقبل الصفوة)
الاسعار انا سمعت هناك اسعار كتير من 1800 الي 2500 للمتر
المكان هادئ . مفيش ترخيص محلات تجارية ودي ميزة مش هتلاقي المحلات فاتحة في كل حتة هي ليها اسواق تجارية لسة بتتبني
كمان المكان تقريبا وسط البلد هاتكون قريب من حتت كتير .

عيوب المكان : قلة الخدمات . يلزم وجود سيارة . عدم دخول الغاز الطبيعي عشان لسة الناس هناك قليلة

دي كل معلوماتي عن المكان
موفق
والف مبروك الخطوبة او الجواز او الشقة الجديدة

**Ahmed_Ezz** · 14-04-2011 12:05 PM

الف شكر ليكو بجد ناس كتيير برضو شكرولى فيها ربنا يكرم ان شاء الله شكرا ليكو على المعلومات المفيده ديه

**mostafa3000** · 14-04-2011 04:04 PM

اخي العزيز احب اوضح لك منطقة الهضبة الوسطي
اولا انا مقيم في المقطم ( الهضبة العليا ) ولي مكتب هندسي من التسعينات
تتميز منطقة الهضبة الوسطي بموقعها المتميز امام كارفور علي الدائري
ولها عدة طرق الي الهضبة العليا المقطم والمسافة بينهم عدة دقائق
منظمة تنظيم جيد حيث ان نسية الببناء لا تتعدي ال 60% من مساحة الارض
وعدد الادوار ارضي واربعة ادوار
غير مسموح بالتجاري في المناطق السكنية وانما لها مناطق تجارية خاصة
مستقبلها جيد جدا بسبب قربها من وسط البلد والمعادي
عيوبها قلة نسبة العمران والمواصلات
سعر الاراضي بها من 2000 الي 4500 جنية للمتر
واي استفسار انا تحت امرك

**medo_msmsa** · 14-04-2011 09:20 PM

طيب يا جماعة انا كمان مهتم بالشراء في المنطقة دي عايز اسال هو متوسط السعر هناك 200 الف لو الشقة 120 او 130 متر هل المكان اختيار كويس بالنسبة للسعر وهل في اختيارات تانية في نفس الرينج
الف شكر ليكوا واسف لصاحب الموضوع اني باستسفر في موضوعه

**lovely_love** · 14-04-2011 10:15 PM

السلام عليكم اولا
انا اقدر اقول لحضرتك انى من المنطقة دى رغم انى مش ساكن فيها لكن احنا بنبنى عمارة لينا هناك ومعرفش اوى اسعار البيع لانها عمارة عائلية ومبنبعش فيها وانا تقريبا كل يوم موجود هناك والى يحتاج اى مساعدة ممكن اقابله
ثانيا المنطقة بعيدة تماما عن العشوائيات المنطقة كلها 4 ادوار وارضى ما عدا ارض المباحث دى 10 وارضى المحلات هناك قليلة لان تصاريح التجارى ليها اماكن معينة وعمارتنا عموما فى الحى السادس وادامنا علفطول مساكن ففيها كل حاجة واى استفسار انا تحت امركوا

**al_manara** · 14-04-2011 10:40 PM

المشاركة الأصلية كتبت بواسطة lovely_love

السلام عليكم اولا
انا اقدر اقول لحضرتك انى من المنطقة دى رغم انى مش ساكن فيها لكن احنا بنبنى عمارة لينا هناك ومعرفش اوى اسعار البيع لانها عمارة عائلية ومبنبعش فيها وانا تقريبا كل يوم موجود هناك والى يحتاج اى مساعدة ممكن اقابله
ثانيا المنطقة بعيدة تماما عن العشوائيات المنطقة كلها 4 ادوار وارضى ما عدا ارض المباحث دى 10 وارضى المحلات هناك قليلة لان تصاريح التجارى ليها اماكن معينة وعمارتنا عموما فى الحى السادس وادامنا علفطول مساكن ففيها كل حاجة واى استفسار انا تحت امركوا

اة كمان دي حاجة كنت لاحظتها اما كنت بسال هناك . ان اغلب العمارات هناك بتاعت عائلات . ودي برضة حاجة كويسة

**Ahmed_Ezz** · 15-04-2011 01:16 AM

انا شاكر ليكو كلكو جداااا و الحمد لله انا اقتنعت بيها و ربنا يكرم ان شاء الله و يوفق الى ما فيه النصيب شكرا بجد ليكو مرة تانية و ربنا يوفقنا جميعا

الموضوع: حد يعرف حاجة عن الهضبة الوسطى بالمقطم؟

LinkBack

أدوات الموضوع

عرض

-

-

-

المواضيع المتشابهه

شقة للبيع بالمقطم الهضبة الوسطي

حد يعرف حاجة عن الفولكس فاجن إلى كانت فى فيلم بلبل حيران حاجة ؟

عايز اروح الهضبة الوسطى مواصلات

سؤال عن شقة بمنطقة الهضبة الوسطى بالمقطم (مقابل كافور) والبدايل المتاحة

حد يعرف حاجة عن 405 رؤا

الكلمات الدلالية لهذا الموضوع

المفضلات

المفضلات

ضوابط المشاركة