كنت ماشي عادي بالعربية
تقريبا علي سرعة 30 ك/س
لقيت نور الصالون نور !!
ببص ع الكمبيوتر لقيته كاتب
select Parking or Naturel
رحت جايب الـ N ونا مش فاهم ايه اللي حصل!!
ركزت شوية في التابلوه اتاري العربية بطلت
روحت مدور و ماشي
كان الطريق زحمة و كل شوية يقف
لما وقفت راحت مبطلة تاني!!!
و كل ما ادور و اسيبها سلانسية تبطل
!!!!!!!!!!!!!!!!!!
روحت للمكانيكي
و قولتله
قالي دور وسمعنا صوت العربية
لقيناها خشنة كده علي غير العادة
و صوت ترس الديفيزور واضح (اللي هيه الكركرة بتاع تدويرة أول مرة)
قالي طيب استني
و فك حاجة من الماتور فوق ع الشمال
و ركب زيها من عنده
و قالي دور
نسمع.... العربية بقيت تمام
قولتله ايه ده بقي
قالي ده حساس ترس الديفيزور او (حساس الكامة)
قلتله و ايه اللي جراله
قالي بسبب ان الترس بايظ
بقعد يطلع عليه رايش لغاية ميكتمه و يبوظه
قولتله طيب مابيتنضفش او يتسلك او كده
قالي لأ
بيتغير علي طول
ده بـ 150 ج
و كويس ان انت جيت علي طول عشان لو كنت مشيت بالعربية علي كده كان ممكن تبهدل المكنة

لفيت علي كل المحلات اللي في الحرفيين عليه مش لاقيه
و كذا واحد قالي مش هتلاقيه عشان ده عامل زي الترس كده و نادر لو لقيته بره التوكيل

قولت امري لله
روحت للمكانيكيون العرب اجيبه
بسأل بكام ؟




قالي بـ 1400 جنيه!!!!!!!!




جبته
و ركبته و الميكانيكي قالي لازم تغير ترس الديفيزور بسرعة عشان مبيوظوش تاني


و دي صورة المجرم





الحمد لله علي كل حال
اللهم ما بلغت