شفتو اللى جرى لى مع دبرياج ال127

**heshamzaky** · 15-04-2011 12:07 AM

الذراع الصغير هو دة بتاع الشفاط الافضل تشغلية لو ما كانش شغال علشان العربية تدور فى الشتاء بسهولة من غير ما تشرق و تدوسى بنزين

**heshamzaky** · 15-04-2011 12:14 AM

من الصورة
السلك رقم 1 دة بتاع الشفاط لما بيتشد من الذراع الى داخل الصالون بيفتح بوابة الكاربراتير و العربية تدور من غير ما تشرق بنزين
السلك رقم 2 دة سلك البنزين
السلك رقم 3 دة سلك عداد السرعة الى بيبين سرعة العربية ماشية على كام كيلو

**nevozaky** · 15-04-2011 12:20 AM

الحمد لله ان ربنا سترها معاكى .انا كان عندى قبل كده من فترة سوبر فيورا وعملت معايا حركات كتير غريبة ومقالب العربيات لكن الحمد لله ربنا كان بيسترها .وحمد الله على السلامة .

**help4me** · 15-04-2011 12:52 AM

المشاركة الأصلية كتبت بواسطة nevozaky

الحمد لله ان ربنا سترها معاكى .انا كان عندى قبل كده من فترة سوبر فيورا وعملت معايا حركات كتير غريبة ومقالب العربيات لكن الحمد لله ربنا كان بيسترها .وحمد الله على السلامة .

الله يسلم حضرتك و ربنا يحفظنا جميعا اصل البنات و الستات غلبانين و حيلتهم قليلة بس ربنا بيستر و يسلم
اللهم ادم علينا فضلك و نعمتك و تحوجنا الا لسواك
اللهم لك الحمد كما ينبغى لجلال وجهك و لعظيم سلطانك

**heshamzaky** · 15-04-2011 12:58 AM

العفو على أية دة موضوع بسيط جدا جدا و عادى .
بالنسبة للشفاط لازم حا يكون عندك و العربية 127 موديل 83 حتى . و لو مش موجود تشترية عادى جدا فية منة نوعين نوع رخيص بحوالى 8 جنية تقريبا و نوع مستورد تقريبا أسبانى ب 20 جنية الافضل هاتى الاسبانى لان دة عبارة عن حتة بلاستيك بيركب بمسمار واحد قلاوظ و بيبقى علية حمل بسبب الشد و الجذب للشفاط و السلك الى راكب فية عبارة عن حتة حديدة أسطوانية صغيرة و الذراع لة زى كليبسن بتمسك فى الحتة الاسطوانية .
أنا الحقيقة بعت العربية و معنديش صور للجزء دة غير كدة كنت صورتة ووريتهولك .
و أى أستفسار أخر تحت أمرك مفيش مشكلة خالص أنا ركبت ال 127 من سنة 83 اول ما نزلت

**help4me** · 15-04-2011 01:22 AM

المشاركة الأصلية كتبت بواسطة heshamzaky

العفو على أية دة موضوع بسيط جدا جدا و عادى .
بالنسبة للشفاط لازم حا يكون عندك و العربية 127 موديل 83 حتى . و لو مش موجود تشترية عادى جدا فية منة نوعين نوع رخيص بحوالى 8 جنية تقريبا و نوع مستورد تقريبا أسبانى ب 20 جنية الافضل هاتى الاسبانى لان دة عبارة عن حتة بلاستيك بيركب بمسمار واحد قلاوظ و بيبقى علية حمل بسبب الشد و الجذب للشفاط و السلك الى راكب فية عبارة عن حتة حديدة أسطوانية صغيرة و الذراع لة زى كليبسن بتمسك فى الحتة الاسطوانية .
أنا الحقيقة بعت العربية و معنديش صور للجزء دة غير كدة كنت صورتة ووريتهولك .
و أى أستفسار أخر تحت أمرك مفيش مشكلة خالص أنا ركبت ال 127 من سنة 83 اول ما نزلت

ربنا يجازى سيادتك كل خير و طبعا اذا احتجت حاجة او تساؤل ان شاء الله اسأل حضرتك و يجازيك ربنا كل خير
و حقيقى الدنيا لسه بخير طول ما فى ناس زى سيادتك و زى الناس المحترمة اللى ساعدتنى
ربنا يكرمك و ييسر لك كل امورك

**heshamzaky** · 15-04-2011 01:40 AM

العفو على أية بس . هو دة منتدى نايل موتورز على فكرة . اى عضو بيسأل الكل بيجاوب علية و بيساعدة عادى جدا مفيش أى مشكلة و دة الطبيعى خالص

**nonetta** · 15-04-2011 11:44 PM

الف حمدالله عالسلامة
و ربنا يتوب عليكي منها
هيا كدة دايما ال 127
تقل قيمة صاحبها وتبهدله
قعدت معانا 8 سنين عذاب وبهدلة
ما شفتش معاها يوم حلو
مش فاكرالها مشوار خرجته بيها الا وقلت بأصلها
كنت باحاول ادافع عنها واقول لزوجي انت اللي بتروح لميكانيكية اي كلام
بعد ما اترحمنا منها
طول ما احنا ماشيين نلاقيها مترمية على الطريق مبهدلة اصحابها
يقول لي شفتي .. ما ظلمتهاش ابدا .. هيا اللي ظلمتنا
فعلا من كل قلبي ربنا يتوب عليكي ويكتب لك اللي احسن منها

**zyadahmed** · 15-04-2011 11:57 PM

الميزة فى ال 127 ان الحرامى لما سرقها من صاحبى عطلت منه بعد 200 متر من البيت ولاقيناها تانى يوم مركونة بدون بطارية يظهر الحرامى يأس منها فقال استفيد باى حاجة هههههههه

حمد الله على السلامة وبجد ان استفدت من الموضوع والردود لانى ما كنتش اعرف معلومة انى ممكن امشى بدون دبرياج يمكن تصادف وتحصل معايا