شفتو اللى جرى لى مع دبرياج ال127

**nonetta** · 16-04-2011 12:02 AM

المشاركة الأصلية كتبت بواسطة zyadahmed

الميزة فى ال 127 ان الحرامى لما سرقها من صاحبى عطلت منه بعد 200 متر من البيت ولاقيناها تانى يوم مركونة بدون بطارية يظهر الحرامى يأس منها فقال استفيد باى حاجة هههههههه

حمد الله على السلامة وبجد ان استفدت من الموضوع والردود لانى ما كنتش اعرف معلومة انى ممكن امشى بدون دبرياج يمكن تصادف وتحصل معايا

ههههههههههه
حلوة بجد
زي القرش البراني لازم يرجع لصاحبه

**heshamzaky** · 16-04-2011 12:08 AM

يا جماعة حرام عليكم و الله ال 127 دى كانت عربية زى الفل لما بتتعب بيبقى فيها مشاكل غير كدة العربية كانت شغالة زى الطلقة و مهما كان الى فيها برضو بتمشى مش بتقول لآ

**nonetta** · 16-04-2011 12:11 AM

هيا بتمشي اه
بس بتقول حاجات كتير اوي اوي اوي
مش بتسكت خالص يا استاذ هشام
ماهو يا اما حضرتك بتروح لميكانيكي محترم واستاذ يا اما حضرتك اللي صبور

**heshamzaky** · 16-04-2011 12:17 AM

المشاركة الأصلية كتبت بواسطة nonetta

هيا بتمشي اه
بس بتقول حاجات كتير اوي اوي اوي
مش بتسكت خالص يا استاذ هشام
ماهو يا اما حضرتك بتروح لميكانيكي محترم واستاذ يا اما حضرتك اللي صبور

و الله مش الفكرة الفكرة أننا أشترينا أول عربية 127 سنة 83 و كان أخى هو الى بيسوقها و لما أنا طلعت رخصة كنا بنسقها مع بعض يعنى شوفت حالة العربية دى و هى لسة بشوكها و عارف أمكانياتها العربية بتاعتى أنا الفيورا جبتها سنة 90 تقريبا و كانت موديل 87 و عاملة 13 الف كيلو فقط فكانت شبة زيرو برضو .
بس طبعا مع السنين و العمر لازم العربية تقول أى ههههههههههههه و طبعا قطع الغيار الموجودة حاليا زى الزفت علشان كدة العربية كل شوية تعطل طب و الله العظيم كنت مركب فيها مساعدين خلفى ماركة مايلى ألمانى بس الاصلى مش مضروبين شغالين من 6 سنين لغاية ما بعتها و برضو كنت لما بروح لميكانيكى بصراحة بقرفة لانة بيجادل فى حاجات أنا حافظ عربيتى كويس جدا و هو برضو مخة مخ الصنايعى الى حافظ و مش فاهم ههههههههههههههههههههههه. و على فكرة سافرت بالعربية ال 127 دهب و شرم الشيخ و سانت كاترين و الساحل الشمالى عادى جدا

**nevozaky** · 16-04-2011 12:19 AM

المشاركة الأصلية كتبت بواسطة heshamzaky

يا جماعة حرام عليكم و الله ال 127 دى كانت عربية زى الفل لما بتتعب بيبقى فيها مشاكل غير كدة العربية كانت شغالة زى الطلقة و مهما كان الى فيها برضو بتمشى مش بتقول لآ

معلش بقى انا باختلف معاك يا هشام العربية ممكن كانت حلوة اول ما اتصنعت مش بعد 22 سنة.تانى حاجة ده انت ممكن تبقى راكبها وتبقى ماشية كويس وبعد نص ساعة تظهر فيها حاجة غريبة وتعطل وما تمشيش .او الفرامل تبقى مش مظبوطة اوى حتى لو ظبطتها .على العموم هيه برضو احسن من ركوب التاكسى .وعلى فكرة يا نونيتا هشام هوه اللى كان صبور عليها .بصراحة انا مش صبورة اوى كده .او علشان هوه ركبها وهيه لسه جديدة .

**nonetta** · 16-04-2011 12:25 AM

المشاركة الأصلية كتبت بواسطة nevozaky

معلش بقى انا باختلف معاك يا هشام العربية ممكن كانت حلوة اول ما اتصنعت مش بعد 22 سنة.تانى حاجة ده انت ممكن تبقى راكبها وتبقى ماشية كويس وبعد نص ساعة تظهر فيها حاجة غريبة وتعطل وما تمشيش .او الفرامل تبقى مش مظبوطة اوى حتى لو ظبطتها .على العموم هيه برضو احسن من ركوب التاكسى .وعلى فكرة يا نونيتا هشام هوه اللى كان صبور عليها .بصراحة انا مش صبورة اوى كده .او علشان هوه ركبها وهيه لسه جديدة .

الراجل غير الست يا نيفو
لو العربية عطلت منه هيتصرف
هيفتح الكبوت ويشمر وبعافر معاها
هيزقها
هينزل تحتها
اما الست طبعا عاوزة تدور وتمشي
ولو عطلت منها هتسيبها وتاخد تاكسي وتمشي
دة وانتي راجعة من عند الميكانيكي هتلاقي فيها حاجات جديدة

**heshamzaky** · 16-04-2011 12:27 AM

المشاركة الأصلية كتبت بواسطة nonetta

انت عامل زي بابايا اللي ماسك في عربيته اللادا من سنة حاجة وسبعين وبردو بيقول زي ما بتقول حافظها وفاهمها وعارف كل سنتي فيها ودلوقتي علشان السن عاوز يبيعها ويشتري حاجة اتوماتيك سهلة وبيدور على اي حد قريب ياخدها ولو ببلاش عشان تبقى ادام عينه .. اصيل والله

هههههههههه طب و الله لما بشوف صورها على الكمبيوتر بفتكرها و بقول كانت أيام أنا معاكى أنها تعبت و جابت أخرها بس بجد برضو أصيلة بتمشى لو فيها أية و مش بخاف العربيات الجديدة كلها تكنولوجيا و مش بقدر أعمل فيها زى الى كنت بعملة فى ال 127 لان لو العربية فيها حاجة واحدة قاطعة مش بتمشى ال 127 ممكن تمشى من غير موتور ههههههههههه. طب أية رأيك لو سير الينامو اتقطع و الله ممكن بشراب تمشى بس يتربط كويس و لو الاسبراتير قطع ممكن بورقة بسكوت مفضضة تتركب فى الشاكوش بتاع الاسبراتير و برضو تمشى و الله بجد

**nevozaky** · 16-04-2011 12:33 AM

المشاركة الأصلية كتبت بواسطة nonetta

الراجل غير الست يا نيفو
لو العربية عطلت منه هيتصرف
هيفتح الكبوت ويشمر وبعافر معاها
هيزقها
هينزل تحتها
اما الست طبعا عاوزة تدور وتمشي
ولو عطلت منها هتسيبها وتاخد تاكسي وتمشي
دة وانتي راجعة من عند الميكانيكي هتلاقي فيها حاجات جديدة

طيب ما احنا كده ما اختلفناش يعنى انتى رايك زى رايى .انها متعبة شويتين وانتى ممكن تبقى راجعة من عند الميكانيكى وتظهر لك حاجات جديدة .طيب ما هو اللى عامل الموضوع مدام او انسة يعنى زيى عايزة تدور العربية وتمشى مش عايزة اى اعطال .وانتى عندك حق الست غير الراجل .الراجل هيعرف يتصرف اما الست هتسيبها وتمشى وياما الموضوع ده حصل معايا وسبتها ومشيت .

-

-

الموضوع: شفتو اللى جرى لى مع دبرياج ال127

LinkBack

أدوات الموضوع

عرض

-

-

-

-

-

المواضيع المتشابهه

شفتو تعديل الأيفو ده

ايه رايك في العربيات المانيوال اللى بدون دبرياج

شفتو المقارنة دى

شفتو اخر البخل ؟؟؟

شفتو التاكسي دا؟؟؟

الكلمات الدلالية لهذا الموضوع

المفضلات

المفضلات

ضوابط المشاركة