-
ساعدوني يارجالة الاوبترا
ازيكم يا احلي شباب في الدنيا انا الحمد الله جبت اوبترا اتوماتيك مو 2007 و ساحبها كان مهمل شوية المهم عندي العصاية اللي هي اليد بتاعة الفتيسة اللي بتمسك منها الفتيس و انت بتغير النقل دي مش موجودة و حاطط مكانها عصاية مش حلوة خالص عاوز اعرف منكم قلاقيها فين العصاية دي و تكون في حدود كام و حاجة تانية عاوز اعرف هي فعلا العربية صوتها عالي شوية من الموتور و لا انا بيتهيالي عشان كنت بسوق مانوال و دلوقتي اتوماتيك معلش انا تعبتكم معايا و دوشتكم بس سامحوني لسة اوبتراويي جديد .
-
الصوت العالي من بعد 130 عموما نضف فلترك شوف زيتك وهكزا وياريت تعمل صيانه
بالنسبه لفلتر الهواء شوف دا
http://www.nilemotors.net/Nile/200743-a.html
-
يعني الصوت بيعلي وانت حارق فقط لاغير
-
+زيت الفتيس بيتغير علي 30 الف شوف صحبها مغيرة ولا لا
-
انا متشكر ليكو كلكم انا عملت صيانة انهردة و كان فعلا الفلاتر زي الزفت و بكرة ان شاء الله هغير الزيت و متشكر اوي يا اجدع اصحاب
-
وبالنسبه لعصايه النقل انصحك تجيب مومو هي غاليه شويه بس هتبقي ممتازه واجمل من الاصلي كمان :)
-
ازيكم يا رجالة انا انهردة روحت اكشف علي الشكمان الراجل قالي علبة البيئة هي اللي عاملة الصوت ده و هو علي فكرة بيبان اوي علي السرعة البطيئة بس لكن لما بجري شوية الصوت بيقل دلوقتي الراجل قالي علبة البيئة فاضية من الفحم و ملهاش حل انا عاوز اعرف منكم اعمل اية لان بجد الصوت بتاع الماتور عالي اوي اوي و متشكر ليكم كلكم
-
بص أي حد بتاع شكمانات أول ما تروحله من غير ما يعرف يقولك علي طول علبة البيئة
وده لأكتر من سبب وهو إن العلبة دي هما بيخدوها ويبعوها والفحم اللي جوه بيكون غالي جدآ
ودة بالنسبة له فايدة جامدة جدآ
فأهم حاجة ميكونش فك العلبة من عربيتك علشان 90% منهم معندهمش ضمير وبيفضيلك الفحم الموجود فيها
أنا حصل عندي كدة بس ماخلتهوش يفكها ورحت لأكتر من واحد وطلع الصوت من علبه تانيه وغيرتها وماشي بالعربية 3 سنين لحد دلوقتي وزي الفل من غير ما أغير علبة البيئة
Content Relevant URLs by
vBSEO 3.6.0 PL2