يا جماعة انا عندي كورس بكرة في سبورتنج ولازم ابقى متواجد هناك الساعة 10
الطريق من المنصورة ازاي بقى؟ بالمواصلات
والطريق ياخدله وقت قد ايه تقريبا عشان متأخرش على المعاد ؟؟
عرض للطباعة
يا جماعة انا عندي كورس بكرة في سبورتنج ولازم ابقى متواجد هناك الساعة 10
الطريق من المنصورة ازاي بقى؟ بالمواصلات
والطريق ياخدله وقت قد ايه تقريبا عشان متأخرش على المعاد ؟؟
قطر درجة تانية مكيف ب 17 التذكرة للفرد و بياخد حوالى 3 ساعات و لو وقف شوية ممكن تتأخر نص ساعة كمان و اعتقد فى معاد الصبح ال ساعة 6 صباحا بس يفضل انك تتأكد بنفسك
و هاينزلك فى سيدى جابر بس كده ده كل اللى عندى
هوا السوبر جيت بيطلع من هنا الساعة 7 مش كده؟
طب هينزلني فين ؟
واركب ايه عشان اوصل سبورتنج ؟
السلام عليكم و رحمة الله و بركاته
فعلاو لو ممعاكش شيل و حاجات, الأفضل أنك تروح بالقطر المكيف باااااااااااااااااااشا و تحاول ترجع فيه.
أنا كنت رايح الأسبوع اللى فات من على الطريق الدولى الساحلى من المنصورة الى جمصة و بعد كده أخدت شمال عشان أركب الطريق الدولى الساحلى و كان ممتاااااااااااااااااااااا ااز و فاضيييييييييييييييى بس طوييييييييييييييييييييييي يييل , بتاع 230كم عالعداد, بينما لو أخدت طريق طنطا, كان هيعمل بتاع 175 كم, بس الوصلة من المنصورة الى طنطا زبااااااااااااااااااااااا االة, ربنا ما يوريك .
آدى لبن جهينة و آدى اللبن السايب و عليك أن تختار.
شكرا لكل اللي اهتم ورد
بس انا عندي سؤال محدش جاوبني عليه ..
انا خلاص هركب السوبر جيت من هنا الساعة 7 مثلا .. هنزل فين؟ ومن هناك بقى اوصل سبورتينج ازاي؟؟؟؟؟؟؟؟؟؟؟؟؟
هقولك حل سهل
لو ركبت السوبر جيت هتنزل في الموقف الجديد .. اركب مشروع المنشية و نزل على البحر عند المجمع النظري و اركب مشروع تاني و قلة عايز انزل نفق سبورتنج .. لو ركبت قطر انزل في محطة سيدي جابر بعد ما تطلع من المحطة امشي في الشارع لحد ما تطلع على البحر بردو .. عدي من النفق للحارة التانية و قول لسواق المشروع عايز انزل نفق سبورتنج ... الطريق من بعد ما توصل اسكندرية مش هياخد نص ساعة بالكتير