خلاص انا قرفت من الا علام الفاشل ده

والله ياجماعه انا بحس اني معتوه وانا بشوف الاعلام بتعنا ده سواء خاص او عام

قناة اون تي في مزيعيين مش عارف بيجبوهم منين

قناة دريم مني الشازلي جابت لي شلل مكل اسالتها فاشله امبارح انا كنت هاتشل

القاهره اليوم خلاص راحت عليه وعمر اديب مشلاقي مواضيع

الاهم ياجماعه انهم بيتكلموا في حجات تافهه امباارح مثلا مني الشازلي وغيرها الرئيس في مستشفي شرم ونزل مشي علي رجليه

وقاعدفي الدور الثالث واكل من نفس الاكل بتاع المستشفي وتكرر في الكلام

الحياه اليوم لبني عسل جابت لي روشه كل شويه ترفع القصه وتهز راسها عشان تنزلها وترفعها وشريف محسسن بايام المدرسه

دا غير مصر النهارده تامر وخير مشيوا وجه اوحش منهم


الاهم ان حد فيهم يتكلم ازاي ننهض بالبلد؟؟؟؟ لكن اهم حاجه مصور الريس فراش الريس طباخ الريس

تحس ان هما مش فارقه معاهم يروح ينام ويستني معاد البرنامج عشلن يلت ويعجن وهما كده كده قابضين مش مهم عجلة الانتاج

اعتقد انهم ميتخيروش عن مبارك من 3 شهور كانوا كدابين زفه النهارده كلهم وطنيين

كلهم كدابين زفة فعلا

تدريجي ان شاء الله هايحصل تغير الثقافة اللي احنا عايزينه , بس احنا لازم نزق في الاتجاه ده

هذه ثقافة النظام البائد
الموضوع محتاج اعادة هيكلة من القاع الى القمة

سبحان الله انا لسه امبارح بتفرج علي الحياة اليوم...جايبين اسكتشات لتخيل منظر مبارك وهو في غرفته في المستشفي بيتحقق معاه واسكتش تاني (كله رسوم) مش عارف تخيل ايه
كنت هتشل فعلا من الهبل ده
وقناة تانية مش فاكر ولا الحياة برده جايبين تصوير live
live يا جماعة لايه حصل ايه.......ههههههههه نور شباك غرفة مبارك في مستشفي شرم
اه يا قلبي حد يجيبلي الاسعاف يوديني مستشفي شرم...بصراحة قفلت وجبت قناة براعم

للأسف لهم جماهيرهم
منى الشاذلي دي فيه ناس مقتنعين إنها كويسة ،، بل بعضهم بيسميها سيدة الإعلام العربي .. مع إنها بتنسى كتير و بتفصل و كل سؤال لازم يبقى فيه مقاطع مطولة من أأأأأأأأأ و إمممممممم و هكذا
عندك بقى واحدة إسمها ريم ماجد على on tv تقريبا هي تمثل عكس ما يجب أن تكون عليه الشخصية التلفزيونية ..
للأسف مصر تعاني من فقر في شتى مناحي الحياة و ليس في العمل الإعلامي فقط

عايزين ناس مثقفه من عينه هويدى او باسم يوسف

الجزيرة وبس

بلاش مني الشذلي والنبي علشان بتخنقني.. عمرها ما سابت ضيف عندها يكمل اجابة سؤالة للاخر, لازم لازم تقطع شؤالة يسؤال تاني وحتما ولا بد تقطع سؤالة عن اهم مقطع. ياراجل انا ريحت نفسي وبتابع الاخبار من علي النت بلا حرقت دم

منى الشاذلي دي اعجوبة اعلامية حقيقية :d

واحدة بتلألأ بمعدل 3 مرات في الدقيقة و بتمأمأ بمعدل 10 مرات في الدقيقتين ومذيعة توك شو!

حد من الناس دي شاف برامج التوك شو الاجنبي عاملة ازاي بالذمة؟

وعمرو أديب معاهم معاهم وعليهم عليهم وكلهم عايزين الحرق بصراحة.

انا عن نفسي لا أرى ان مصر هتجيب اعلامي محترم وواثق من نفسه و على قدر من الثقافة و لا يتلون كالحرباء و عنده فعلا مبدأ...كل الصفات دي في الاعلامي الرائع حمدي قنديل.

يليه في رأي وممكن يجي منه ويبقى زيه في يوم من الايام الإعلامي الرائع عمرو الليثي.

اي حد تاني فهو دمه تقيل فعلا وغلس ومعرفش الناس بتستحمل تشوفهم 10 دقايق ازاي!

يسري فودة هو تقريباً الوحيد الي بشوفة وانا مستريح

منى الشاذلي اسمها الحقيقي منى تهتهه .. بس مسنوده جامد قوي والعانس لبنى عندها حقد وغل مش على حد وريم بيقولوا كانت راجل وعملت عملية تحويل .. ولاحول ولاقوة الا بالله

المذيعين الكويسين الى بحب اتابعهم يسرى فوده وعمرو الليثى واحمد المسلمانى..
وكان نفسي فى برنامج مصر النهارده يجيبوا حمدى قنديل وحافظ الميرازى الاتنين دول بجد خساره ميقدموش اى برنامج فى مصر

فعلا انا استقريت بقالى فترة على يسرى فودة مريح جدا وسلس فى الكلام ومحترم جدا

يبقى خلاص مفيش غير الاعلامى الدكتور توفيق عكاشه

ضحكتني يا شيخ------ توفيق عكاشة ههههههههههه
احنا بصراحة عندنا شلل اعلامي زي ما حضرتكم تفضلتم
فعلا اللي تقدر تتفرج عليه دلوقتي يسري فودة والمسلماني
المشكلة دلوقتي كمان في الضيوف اللي بيجيبوهم نفس الاشكال بتتبدل علي كل القنوات حاجة بصراحة تجيب الضغط

من أحسن المذيعين دينا عبد الرحمن بس بتيجي الصبح على دريم 1
و محمود سعد و حافظ الميرازي

فعلا يسري فودة هو إللي فيهم..بس خللي بالكم فودة كان في البي بي سي والجزيرة....اما باقي المقدمين والمعدين فهم اختيارات امن الدولة نظرا لضحالة فكرهم وثقافتهم..الدور جاي عليهم اكيد

اقتباس:

---

وريم بيقولوا كانت راجل وعملت عملية تحويل .. ولاحول ولاقوة الا بالله

---

ههههههههههههههههههههههههه ههههه ده بجد ولا هزار ؟؟!!

اقتباس:

---

المشاركة الأصلية كتبت بواسطة medo_2060

المذيعين الكويسين الى بحب اتابعهم يسرى فوده وعمرو الليثى واحمد المسلمانى..
وكان نفسي فى برنامج مصر النهارده يجيبوا حمدى قنديل وحافظ الميرازى الاتنين دول بجد خساره ميقدموش اى برنامج فى مصر

---

أصبت

مفيش غييرهم والباقي اراجوزات

فعلا كان هايجيلي تشنجات عصبية بسبب الاخ شريف بتاع الحياه وهو بيقاطع الضيف ويقولك ( ودي صورة مباشرة للدور الفيه الريس السابق والنور في الجناح بتاعة ) ويعيد ويزيد وحاجة هبله جدا مش لاقيلها اي فايدة

قلبت القنوات لقيت كله بيهرتل ..... رحت جايب روتانا سينيما يمكن اهدأ

اتفرج علي مدحت شلبي

او شوبير اللي كان مستغرب جدا ومستنكر ازاي الحوار الوطني مفيهوش حد من الاعلام الرياضي اللي بيخاطب الملايين

يسري فوده اللي فيهم دلوقتي و المسلماني
...والميرازي طبعا ومحود سعد و ابراهيم عيسي ومجموعه حلوه علي قناة التحرير لما تفتح

اقتباس:

---

المشاركة الأصلية كتبت بواسطة Queue

يسري فودة هو تقريباً الوحيد الي بشوفة وانا مستريح

---

اقتباس:

---

المشاركة الأصلية كتبت بواسطة akramlail

فعلا انا استقريت بقالى فترة على يسرى فودة مريح جدا وسلس فى الكلام ومحترم جدا

---

يسري فودة .. يا سلام على الراجل ده .. أكتر حاجة بتخليني أحقد عليه :untitled 1: الهدوء اللي هو فيه .. نفسي (بقولها بمرارة) يبقى عندي نص الهدوء بتاعه :Ka_che1[1]:. ههههههههههههههه

اقتباس:

---

المشاركة الأصلية كتبت بواسطة Ahmad_Nawwara

منى الشاذلي اسمها الحقيقي منى تهتهه

---

بجد موتني من الضحك على الكلمة دي :16:

مع كل احترامي وتقديري لكل الآراء التي أنتقدت الاعلامية منى الشاذلي
أنا في رأيي الشخصي، أنها الإعلامية الأولى في مصر إن لم يكن في الوطن العربي ، ويجب أن نفرق بين المزيع والمحاور،
وربما نستدل على مكانة وقيمة منى الشاذلي - على الأقل - من آراء الشخصيات الكبيرة والعظيمة التي تستضيفهم منى الشاذلي، كما انه ومن المعروف ما من شخصية أيا كانت إلا وتعمل الف حساب عند مقابلة منى الشاذلي.
وللعلم شعبية منى الشاذلي ليست في مصر فقط، ففي كل الوطن العربي لها جمهور كبير جدا من المتابعين على مختلف التوجهات والأعمار، وهذا ما لمسته في الكويت والسعودية وسوريا وتونس على حد علمي.
وحتى لا أكون منحازا بشكل كبير أكاد أجزم أنها أمل مصر في إعلام حر ومحترم وهادف، ويكفي انها من الشخصيات الإعلامية القلائل التي كانت واضحة الموقف في الثورة المصرية من البداية.
ولو أرادنا تقييمها من الناحية المهنية، سنجد انها ليست من أصحاب الأخبار المفبركة أو حتى على الأقل غير المؤكدة، حس وطني على أعلى مستوى، كارزمة وسرعة بديهة وحضور عال، ذكاء كبير، وثقافة واسعة، ناهيك عن التأهيل العلمي فهي خريجة الجامعة الأمريكية في قسم الإعلام
وأي شخص له علاقة بالتفاعل مع الآخرين سواء من يعملون في مجال التسويق أو التدريب أو التدريس أو أي مهنة أخرى يعلم مدى قيمة هذه المواصفات والتي تمتلكها منى الشاذلي بجدارة

أنا لن أخوض في الأسماء التي يفضلها البعض حتى لا ينقلب الحوار الى معركة كلامية وتعصب للآراء. فلو تشابهة الأذواق لبارت السلغ. فالإختلاف سنة الحياة.

اقتباس:

---

المشاركة الأصلية كتبت بواسطة tyler_durden

للأسف لهم جماهيرهم
منى الشاذلي دي فيه ناس مقتنعين إنها كويسة ،، بل بعضهم بيسميها سيدة الإعلام العربي .. مع إنها بتنسى كتير و بتفصل و كل سؤال لازم يبقى فيه مقاطع مطولة من أأأأأأأأأ و إمممممممم و هكذا
عندك بقى واحدة إسمها ريم ماجد على on tv تقريبا هي تمثل عكس ما يجب أن تكون عليه الشخصية التلفزيونية ..
للأسف مصر تعاني من فقر في شتى مناحي الحياة و ليس في العمل الإعلامي فقط

---

يا جماعة دي ناس كان إعتمادها الأساسي في شغلها ( سبقهم الصحفي ) علي الفساد إللي كان قائم في ظل النظام البائد....
ولما الحقائق كلها ظهرت على الملأ خلاص .. موش لاقيين ميديا يقدموها ...
بالإضافة إلى ذلك كله ليس لديهم تجديد
طب يأكلوا جاتوه ( قصدي عيش ) منييييييييييين

اقتباس:

---

المشاركة الأصلية كتبت بواسطة Ahmad_Nawwara

منى الشاذلي اسمها الحقيقي منى تهتهه .. بس مسنوده جامد قوي والعانس لبنى عندها حقد وغل مش على حد وريم بيقولوا كانت راجل وعملت عملية تحويل .. ولاحول ولاقوة الا بالله

---

:POINTIy2[2]::POINTIy2[2]::POINTIy2[2]:

اقتباس:

---

المشاركة الأصلية كتبت بواسطة medo_2060

المذيعين الكويسين الى بحب اتابعهم يسرى فوده وعمرو الليثى واحمد المسلمانى..
وكان نفسي فى برنامج مصر النهارده يجيبوا حمدى قنديل وحافظ الميرازى الاتنين دول بجد خساره ميقدموش اى برنامج فى مصر

---

معاك 100%
وفاروق جويدة محدش جاب سيرته ليه